ചന്ദ്രയാൻ-2 ചന്ദ്ര​െൻറ ഭ്രമണപഥത്തിൽ- VIDEO

Chandrayaan2

ബം​ഗ​ളൂ​രു: ശാ​സ്ത്ര​ലോ​കം നെ​ഞ്ചി​ടി​പ്പോ​ടെ കാ​ത്തി​രു​ന്ന അ​തി​സ​ങ്കീ​ർ​ണ ദൗ​ത്യ​വും പി​ന്നി​ട്ട് ച​ന്ദ്ര​യാ​ൻ-2 ച​ന്ദ്ര​​െൻറ ഭ്ര​മ​ണ​പ​ഥ​ത്തി​ൽ. ചൊ​വ്വാ​ഴ്ച രാ​വി​ലെ 9.02ന് ​ആ​രം​ഭി​ച്ച അ​ര​മ​ണി​ക്കൂ​റോ​ളം നീ​ണ്ട ദൗ​ത്യ​ത്തി​നൊ​ടു​വി​ലാ​ണ് വി​ക്ഷേ​പ​ണ​ത്തി​െൻറ 30ാം ദി​വ​സം ച​ന്ദ്ര​യാ​ൻ-2​നെ ച​ന്ദ്ര​​െൻറ ഭ്ര​മ​ണ​പ​ഥ​ത്തി​ൽ പ്ര​വേ​ശി​പ്പി​ച്ച​ത്. 

1738 സെ​ക്ക​ൻ​ഡ് പേ​ട​ക​ത്തി​ലെ ദ്ര​വ ഇ​ന്ധ​നം ജ്വ​ലി​പ്പി​ച്ചു​കൊ​ണ്ടാ​ണ് ച​ന്ദ്ര​​െൻറ അ​ടു​ത്ത ദൂ​ര​മാ​യ 114 കി​ലോ​മീ​റ്റ​ർ പ​രി​ധി​യി​ലും കൂ​ടി​യ ദൂ​ര​മാ​യ 18,072 പ​രി​ധി​യി​ലു​മു​ള്ള ഭ്ര​മ​ണ​പ​ഥ​ത്തി​ൽ പേ​ട​ക​ത്തെ പ്ര​വേ​ശി​പ്പി​ച്ച​ത്. അ​ര​മ​ണി​ക്കൂ​ർ നേ​രം ത​ങ്ങ​ളു​ടെ ഹൃ​ദ​യം നി​ല​ച്ച പോ​ലെ​യാ​യി​രു​ന്നു​വെ​ന്നും നെ​ഞ്ചി​ടി​പ്പോ​ടെ​യാ​ണ് ഏ​റെ കൃ​ത്യ​ത വേ​ണ്ട ദൗ​ത്യം പൂ​ർ​ത്തി​യാ​ക്കി​യ​തെ​ന്നും ഐ.​എ​സ്.​ആ​ർ.​ഒ ചെ​യ​ർ​മാ​ൻ ഡോ. ​കെ. ശി​വ​ൻ വാ​ർ​ത്ത​സ​മ്മേ​ള​ന​ത്തി​ൽ പ​റ​ഞ്ഞു. ദൗ​ത്യം തു​ട​ങ്ങി​യ​തു മു​ത​ൽ എ​ല്ലാ​വ​രു​ടെ​യും നെ​ഞ്ചി​ടി​പ്പു​യ​ർ​ന്നു. ഇ​പ്പോ​ഴും പി​രി​മു​റു​ക്കം കൂ​ടി​യ​ത​ല്ലാ​തെ കു​റ​ഞ്ഞി​ട്ടി​ല്ല. സു​പ്ര​ധാ​ന നാ​ഴി​ക​ക്ക​ല്ലാ​ണ് ച​ന്ദ്ര​യാ​ൻ-2 പി​ന്നി​ട്ട​ത്. സെ​പ്റ്റം​ബ​ർ ഏ​ഴി​ന് പു​ല​ർ​ച്ച 1.55ന് ​ലാ​ൻ​ഡ​ർ ച​ന്ദ്രോ​പ​രി​ത​ല​ത്തി​ലി​റ​ങ്ങും -അ​ദ്ദേ​ഹം പ​റ​ഞ്ഞു. 

ഐ.​എ​സ്.​ആ​ർ.​ഒ ഇ​തു​വ​രെ പ​രീ​ക്ഷി​ക്കാ​ത്ത 37 ശ​ത​മാ​നം മാ​ത്രം വി​ജ​യ​സാ​ധ്യ​ത​യു​ള്ള ഭ​യാ​ശ​ങ്ക​ക​ൾ നി​റ​ഞ്ഞ സോ​ഫ്റ്റ് ലാ​ൻ​ഡി​ങ്ങി​നാ​യി മ​നു​ഷ്യ​സ​ഹ​ജ​മാ​യ എ​ല്ലാ പ​രീ​ക്ഷ​ണ​ങ്ങ​ളും ന​ട​ത്തി​ക്ക​ഴി​ഞ്ഞു. മ​റ്റു രാ​ജ്യ​ങ്ങ​ളു​ടെ പ​രാ​ജ​യ​പ്പെ​ട്ട ദൗ​ത്യ​ങ്ങ​ളി​ൽ​നി​ന്നു​ള്ള പാ​ഠം ഉ​ൾ​ക്കൊ​ണ്ടാ​ണ് ദൗ​ത്യം ന​ട​പ്പാ​ക്കി​യ​ത്. അ​തി​നാ​ൽ നൂ​റു​ശ​ത​മാ​നം ആ​ത്മ​വി​ശ്വാ​സ​മു​ണ്ടെ​ന്നും അ​ദ്ദേ​ഹം പ​റ​ഞ്ഞു. 

 

ദ​ക്ഷി​ണ ധ്രു​വ​ത്തി​ലെ നി​ശ്ച​യി​ച്ച സ്ഥ​ല​ത്തു​ത​ന്നെ കൃ​ത്യ​മാ​യി േസാ​ഫ്റ്റ് ലാ​ൻ​ഡ് ചെ​യ്യു​ന്ന​തി​ന് പേ​ട​ക​ത്തെ 90 ഡി​ഗ്രി​യി​ൽ ച​രി​ക്കേ​ണ്ട​തു​ണ്ട്. നി​ല​വി​ൽ 88 ഡി​ഗ്രി ച​രി​വി​ലാ​ണ് പേ​ട​കം. ബു​ധ​നാ​ഴ്ച ഉ​ച്ച​ക്ക് 12.30നും 1.30​നും ഇ​ട​യി​ൽ 121x4303 പ​രി​ധി​യി​ലെ ഭ്ര​മ​ണ​പ​ഥ​ത്തി​ലെ​ത്തി​ക്കാ​നു​ള്ള ദൗ​ത്യം ന​ട​ക്കും. ആ​ഗ​സ്​​റ്റ് 28, 30, സെ​പ്റ്റം​ബ​ർ ഒ​ന്ന് എ​ന്നീ തീ​യ​തി​ക​ളി​ലാ​യും ഭ്ര​മ​ണ​പ​ഥം മാ​റ്റും. ഇ​തോ​ടെ 100x100 പ​രി​ധി​യി​ലു​ള്ള വൃ​ത്താ​കൃ​തി​യി​ലു​ള്ള ഭ്ര​മ​ണ​പ​ഥ​ത്തി​ൽ പേ​ട​കം എ​ത്തും. പി​ന്നീ​ട് 100x30 കി​ലോ​മീ​റ്റ​ർ പ​രി​ധി​യി​ലെ​ത്തു​ന്ന​തോ​ടെ പേ​ട​കം 90 ഡി​ഗ്രി ച​രി​വ് കൈ​വ​രി​ക്കും. സെ​പ്റ്റം​ബ​ർ ര​ണ്ടി​നാ​യി​രി​ക്കും ഒാ​ർ​ബി​റ്റ​റി​ൽ​നി​ന്നു വി​ക്രം ലാ​ൻ​ഡ​ർ വേ​ർ​പെ​ടു​ക. സെ​പ്റ്റം​ബ​ർ മൂ​ന്നി​ന് മൂ​ന്നു സെ​ക്ക​ൻ​ഡ് നീ​ളു​ന്ന ദൗ​ത്യ​ത്തി​ലൂ​ടെ ലാ​ൻ​ഡ​റി​െൻറ പ്ര​വ​ർ​ത്ത​നം പ​രി​ശോ​ധി​ക്കും. പി​ന്നീ​ട് 97x35 കി​ലോ​മീ​റ്റ​ർ പ​രി​ധി​യി​ലെ​ത്തു​ന്ന​തോ​ടെ നാ​ലി​ന് ലാ​ൻ​ഡ​ർ ച​ന്ദ്ര​നി​ലി​റ​ക്കു​ന്ന​തി​നു​ള്ള ദൗ​ത്യ​ത്തി​നു​ള്ള ഒ​രു​ക്കം ആ​രം​ഭി​ക്കു​മെ​ന്നും അ​ദ്ദേ​ഹം പ​റ​ഞ്ഞു. 

സെപ്റ്റംബർ ഏഴിന് പുലർച്ച 1.40ന് ചന്ദ്രയാൻ-2ലെ സോഫ്റ്റ് ലാൻഡിങ് ആരംഭിക്കും. 15 മിനിറ്റിനുശേഷം 1.55ന് ദക്ഷിണ ധ്രുവത്തിൽ ലാൻഡർ ഇറങ്ങും. രണ്ടു മണിക്കൂറിനുശേഷം ലാൻഡറി‍​െൻറ റാംപ് റോവറിനിറങ്ങുന്നതിനായി സജ്ജമാകും. തുടർന്ന് റോവറിലെ സോളാർ പാനലുകൾ പ്രവർത്തനസജ്ജമാകും. രണ്ടു മണിക്കൂറിനുശേഷം റോവർ പ്രഗ്യാൻ പുറത്തേക്കു വരും. 

Loading...
COMMENTS