ചന്ദ്രയാൻ-2: ഓർബിറ്റർ സുരക്ഷിതമെന്ന് ഐ.എസ്.ആർ.ഒ

12:13 PM
07/09/2019
chandrayaan2-orbitor

ബംഗളൂരു: ചന്ദ്രന്‍റെ ഭ്രമണപഥത്തിൽ വലം വെക്കുന്ന ചന്ദ്രയാൻ-2 ഒാർബിറ്റർ സുരക്ഷിതമെന്ന് ഐ.എസ്.ആർ.ഒ. ഒാർബിറ്ററിന് തകരാറില്ലെന്നും പൂർണ തോതിൽ പ്രവർത്തന ക്ഷമമാണെന്നും ഐ.എസ്.ആർ.ഒ അധികൃതർ വാർത്താ ഏജൻസി പി.ടി.ഐയോട് പറഞ്ഞു. 

100 കിലോമീറ്റർ വൃത്താകൃതിയിലുള്ള ഭ്രമണപഥത്തിൽ 2379 കിലോഗ്രാം ഭാരമുള്ള ഒാർബിറ്റർ ഒ​രു വ​ർ​ഷ​ത്തി​ലേ​റെ ച​ന്ദ്ര​നെ വ​ലം​​വെ​ക്കും. ചന്ദ്രനെ കുറിച്ചുള്ള വിവരങ്ങൾ ഒാർബിറ്ററിലുള്ള ഉപകരണങ്ങൾ ശേഖരിച്ച് ഭൂമിയിലെ കൺട്രോൾ റൂമിന് കൈമാറും. ച​ന്ദ്രോ​പ​രി​ത​ല​ത്തിന്‍റെ ത്രി​മാ​ന ചി​ത്ര​ങ്ങ​ളെ​ടു​ക്കാ​നു​ള്ള കാ​മ​റ​യും ധാ​തു​പ​ഠ​ന​ത്തി​ന് കോ​ളി​മേ​റ്റ​ഡ് ലാ​ർ​ജ് അ​റേ സോ​ഫ്റ്റ് എ​ക്സ്റേ സ്പെ​ക്ട്രോ​മീ​റ്റ​റും അ​ന്ത​രീ​ക്ഷ​ഘ​ട​ന​യെ കു​റി​ച്ച് പ​ഠി​ക്കാ​ൻ ‘ചേ​സ് 2’വും ​സൂ​ര്യ​നി​ൽ ​നി​ന്നു​ള്ള എ​ക്സ്റേ വി​കി​ര​ണ​ങ്ങ​ളെ​പ്പ​റ്റി പ​ഠി​ക്കാ​ൻ സോ​ള​ർ എ​ക്സ്റേ മോ​ണി​റ്റ​റും ഓ​ർ​ബി​റ്റ​റി​ലു​ണ്ട്. 

റേ​ഡി​യോ ത​രം​ഗ​ങ്ങ​ൾ ഉ​പ​യോ​ഗി​ച്ച് ച​ന്ദ്ര​നെ സ്കാ​ൻ ചെ​യ്യാ​ൻ സി​ന്ത​റ്റി​ക് റ​ഡാ​റും ച​ന്ദ്രോ​പ​രി​ത​ല​ത്തി​ലെ ജ​ല​സാ​ന്നി​ധ്യം അ​ള​ക്കാ​ൻ ഇ​മേ​ജി​ങ് ഇ​ൻ​ഫ്രാ​റെ​ഡ് സ്പെ​ക്ട്രോ​മീ​റ്റ​റും സ്ഥ​ലം കൃ​ത്യ​മാ​യി അ​ട​യാ​ള​പ്പെ​ടു​ത്താ​ൻ ഓ​ർ​ബി​റ്റ​ർ ഹൈ ​റെ​സ​ല്യൂ​ഷ​ൻ ക്യാ​മ​റ​യു​ം ഓ​ർ​ബി​റ്റ​റി​ൽ ഘടിപ്പിച്ചിട്ടുണ്ട്. 

പേ​ട​ക​ത്തി​ലെ ഓ​ർ​ബി​റ്റ​റി​ൽ ​നി​ന്ന് ലാ​ൻ​ഡ​ർ സെ​പ്റ്റം​ബ​ർ ര​ണ്ടി​നാ​ണ്​ വേർപ്പെട്ടത്. ഒാർബിറ്ററിൽ നിന്ന് വേർപ്പെട്ട വിക്രം ലാൻഡർ ചന്ദ്രന്‍റെ ഉപരിതലത്തിൽ സോഫ്റ്റ് ലാൻഡിങ് നടത്തുന്നതിനിടെ കൺട്രോൾ റൂമുമായുള്ള ബന്ധം നഷ്ടപ്പെട്ടിരുന്നു. ചന്ദ്രന് 2.1 കിലോമീറ്റർ അടുത്തു വെച്ചാണ് ലാൻഡറിൽ നിന്നുള്ള ആശയവിനിമയം തകരാറിലായത്. 

Loading...
COMMENTS