വിക്ഷേപണം വിജയകരം; ചന്ദ്രയാൻ-2 ഭൂമിയുടെ ഭ്രമണപഥത്തിൽ VIDEO

ശ്രീ​ഹ​രി​ക്കോ​ട്ട​: ഇ​ന്ത്യ​യു​ടെ ര​ണ്ടാം ചാ​ന്ദ്ര​പ​ര്യ​വേ​ക്ഷ​ണ ദൗ​ത്യമായ ചന്ദ്രയാൻ-2 പേടകത്തെയും വഹി ച്ച്​​ ഐ.​എ​സ്.​ആ​ർ.​ഒ​യു​ടെ ‘ഫാ​റ്റ്ബോ​യ്’ ജി.​എ​സ്.​എ​ൽ.​വി-​മാ​ർ​ക്ക് ത്രീ (​എം-1) റോ​ക്ക​റ്റ്​ വിജയകരമായി വിക്ഷേപിച്ചു. ആന്ധ്രപ്രദേശിലെ ശ്രീ​ഹ​രി​ക്കോ​ട്ട​യി​ലെ സ​തീ​ഷ് ധ​വാ​ൻ ബ​ഹി​രാ​കാ​ശ​ നി​ല​യ​ത്തി​ൽ​ നി​ന് ന് ഉച്ചക്ക് 2.43നായിരുന്നു വിക്ഷേപണം.

ഒ​രാ​ഴ്ച നീ​ണ്ട കാ​ത്തി​രി​പ്പി​നും ആ​ശ​ങ്ക​ക​ൾ​ക്കു​മൊ​ടു​വി​ൽ ത കരാറുകൾ പരിഹരിച്ച് എ​ല്ലാ പ​രി​ശോ​ധ​ന​ക​ളും പൂ​ർ​ത്തി​യാ​ക്കിയാണ് ച​ന്ദ്ര​യാ​ൻ-​ര​ണ്ടിന്‍റെ യാത്ര. വിക്ഷേ പിച്ച് 15ാം മിനിട്ടിൽ തന്നെ ചന്ദ്രയാൻ-2 മാർക്ക് ത്രീ റോക്കറ്റിൽ നിന്ന് വേർപ്പെട്ട് ഭൂമിയുടെ ഭ്രമണപഥത്തിൽ പ്രവേ ശിച്ചു. ഭൂമിയിൽ നിന്ന് ചന്ദ്രനിലേക്ക് 3,84,000 കിലോമീറ്ററാണ് ചന്ദ്രയാൻ-2 സഞ്ചരിക്കേണ്ട ദൂരം. ച​ന്ദ്ര​നെ ഭ്ര​മ​ണം ​ചെ​യ്യു​ന്ന ഒാ​ർ​ബി​റ്റ​ർ, റോ​വ​റി​നെ സു​ര​ക്ഷി​ത​മാ​യി ച​ന്ദ്രോ​പ​രി​ത​ല​ത്തി​ലി​റ​ക്കു​ന്ന ലാ​ൻ​ഡ​ർ (വി​ക്രം), പ​ര്യ​വേ​ക്ഷ​ണം ന​ട​ത്തു​ന്ന റോ​വ​ർ (പ്ര​ഗ്യാ​ൻ) എ​ന്നി​വ ഉ​ൾ​പ്പെ​ടു​ന്ന ച​ന്ദ്ര​യാ​ൻ-2 48 ദി​വ​സ​ങ്ങ​ൾ​ക്കു​ ശേ​ഷം സെ​പ്റ്റം​ബ​ർ ഏഴി​ന് ച​ന്ദ്രോ​പ​രി​ത​ല​ത്തി​ലി​റ​ങ്ങും.

ഭൂമിയുടെ ഭ്ര​മ​ണ​പ​ഥ​ത്തി​ലെത്തുന്ന ചന്ദ്രയാൻ-2ന്‍റെ തുടർന്നുള്ള ദി​വ​സ​ങ്ങ​ളിലെ പ്രവർത്തനങ്ങൾ ഐ.എസ്.ആർ.ഒ പു​നഃ​ക്ര​മീ​ക​രി​ച്ചിരുന്നു. ഇതുപ്രകാരം ഭൂമിയുടെ ഭ്രമണപഥത്തിൽ എത്തുന്ന ചന്ദ്രയാൻ-2 ഭൂമിയെ 23 ദിവസം വലംവെക്കും. തുടർന്ന് ഭൂമിയിൽ നിന്ന് പുറപ്പെടുന്ന പേടകം ഏഴു ദിവസത്തെ യാത്രക്ക് ശേഷം ചന്ദ്രന്‍റെ ഭ്രമണപഥത്തിൽ എത്തിച്ചേരും. ചന്ദ്രനെ 13 ദിവസം വലം വെക്കുന്ന ഒാ​ർ​ബി​റ്റ​ർ 43ാം ദിവസം ച​ന്ദ്രോപരിതലത്തിൽ ലാൻഡ് ചെയ്യാനുള്ള തയാറെടുപ്പുകൾ നടത്തും.

ഇതിനായി ഒാ​ർ​ബി​റ്റ​റിൽ നിന്ന് വി​ക്രം എന്ന ലാ​ൻ​ഡ​ർ ആദ്യം വേർപ്പെടും. തുടർന്ന് ലാ​ൻ​ഡ​ർ ച​ന്ദ്ര​നി​ലെ ദ​ക്ഷി​ണ ധ്രു​വ​ത്തെ ലക്ഷ്യമാക്കി നീങ്ങും. നാലു മണിക്കൂർ കൊണ്ട് ഘട്ടംഘട്ടമായി േവഗത കുറച്ചെത്തുന്ന ലാ​ൻ​ഡ​ർ സെൻസർ പരിശോധന നടത്തിയ ശേഷം ച​ന്ദ്രോപരിതലത്തിൽ സാവധാനം ലാൻഡ് ചെയ്യും. തുടർന്ന് അവസാന 15 മിനിട്ടിൽ ലാ​ൻ​ഡ​റിന്‍റെ വാതിൽ തുറക്കപ്പെടുകയും ചന്ദ്രനിൽ ഇറങ്ങുന്ന പ്ര​ഗ്യാ​ൻ എന്ന റോ​വ​ർ ഉപരിതലത്തിൽ പ​ര്യ​വേ​ക്ഷ​ണം നടത്തി തുടങ്ങും.

ഭ്ര​മ​ണ​പ​ഥ​ത്തി​ൽ​ നി​ന്ന്​ പ​ര്യ​വേ​ക്ഷ​ണ​ പേ​ട​ക​ത്തെ ച​ന്ദ്രോ​പ​രി​ത​ല​ത്തി​ലേ​ക്ക് ഇ​ടി​ച്ചി​റ​ക്കാ​തെ, സോ​ഫ്റ്റ് ലാ​ൻ​ഡി​ങ്ങി​ലൂ​ടെയാണ് ലാ​ൻ​ഡ​ർ സാ​വ​ധാ​നം ച​ന്ദ്ര​നി​ലെ ദ​ക്ഷി​ണ ധ്രു​വ​ത്തി​ലി​റ​ങ്ങുക. ച​ന്ദ്രോ​പ​രി​ത​ല​ത്തി​ൽ റോ​വ​റി​നെ ഇ​റ​ക്കാ​നു​ള്ള സെ​പ്റ്റം​ബ​ർ ആ​റി​ലെ നാ​ലു മ​ണി​ക്കൂ​ർ നീ​ണ്ടു​നി​ൽ​ക്കു​ന്ന വി​ക്ഷേ​പ​ണ​ഘ​ട്ട​ത്തി​ലെ അ​വ​സാ​ന 15 മി​നി​റ്റാ​ണ് ഏ​റെ നി​ർ​ണാ​യ​കം.

ഒ​​രു വ​​ർ​​ഷം വ​​രെ ഭ്ര​​മ​​ണ​​പ​​ഥ​​ത്തി​​ൽ തു​​ട​​രുന്ന ഒാ​​ർ​​ബി​​റ്റ​​ർ ച​​ന്ദ്ര​ന്‍റെ ചി​​ത്ര​​ങ്ങ​​ൾ പ​​ക​​ർ​​ത്തും. ച​​ന്ദ്രോ​​പ​​രി​​ത​​ല​​ത്തി​​ലെ പ്ര​​ക​​മ്പ​​ന​​ങ്ങ​​ളും താ​​പ​​നി​​ല​​യും ലാ​​ൻ​​ഡ​​ർ പ​​രി​​ശോ​​ധി​​ക്കും. 27 കി​​ലോ ഭാ​​ര​​മു​​ള്ള റോ​​വ​​ർ ആണ് മ​​ണ്ണ് പ​​രി​​ശോ​​ധി​​ക്കുക. 603 കോ​​ടി രൂ​​പ ചെ​​ല​​വി​​ലാ​​ണ് മൂ​​ന്നു ഭാ​​ഗ​​ങ്ങ​​ൾ ഉ​​ൾ​​പ്പെ​​ട്ട 3.8 ട​​ൺ ഭാ​​ര​​മു​​ള്ള ച​​ന്ദ്ര​​യാ​​ൻ-​​ര​​ണ്ടി​ന്‍റെ പേ​​ട​​കം നി​​ർ​​മി​​ച്ച​​ത്. വി​​ക്ഷേ​​പ​​ണ​​ത്തി​​ന് 375 കോ​​ടി​​യാ​​ണ് ചെ​​ല​​വ്. ജി.എസ്.എൽ.വിയുടെ ഏറ്റവും ശക്തിയേറിയ വിക്ഷേപണ വാഹനമായ മാർക് 3 റോക്കറ്റിന് 640 ടൺ ഭാരവും 44 മീറ്റർ ഉയരവുമുള്ളത്.

ഉപഗ്രഹത്തെ ഇടിച്ചിറക്കുന്നതിന് പകരം ചന്ദ്രനിൽ സുരക്ഷിതമായി സേഫ് ലാൻഡിങ് നടത്തുകയാണെങ്കിൽ ഈ ശ്രമത്തിൽ വിജയിക്കുന്ന നാലാമത്തെ രാജ്യമാകും ഇന്ത്യ. അമേരിക്ക, റഷ്യ, ചൈന എന്നിവർ മാത്രമാണ് സേഫ് ലാൻഡിങ് വിജയകരമായി നടത്തിയത്.

2008 ഒക്ടോബർ 22ന് ഇന്ത്യ വിക്ഷേപിച്ച ആദ്യ ചാന്ദ്രദൗത്യമായിരുന്നു ചാന്ദ്രയാൻ ഒന്ന്. 386 കോടി രൂപയായിരുന്നു ഇതിന് ചെലവഴിച്ചത്.