നൂറ്റാണ്ടിലെ ഏറ്റവും ദൈർഘ്യമേറിയ ‘ബ്ലഡ്​ മൂൺ’ ജൂലൈ 27 ന്​

ദുബൈ: ഇൗ നൂറ്റാണ്ടിലെ ഏറ്റവും ദൈർഘ്യമേറിയ ‘ബ്ലഡ്​ മൂൺ’ അടുത്തമാസം യു.എ.ഇയിൽ ദൃശ്യമാകും. എക​േദശം 103 മിനിറ്റ്​ നേരം ബ്ലഡ്​ മൂൺ ദൃശ്യമാകും. പൂര്‍ണ ചന്ദ്രഗ്രഹണ സമയത്ത് ചന്ദ്രന്‍ ചുവപ്പ് നിറത്തില്‍ കാണുന്നതിനാലാണ്​ അതിനെ ബ്ലഡ് മൂണ്‍ എന്ന് വിശേഷിപ്പിക്കാറ്​. ഭൂമിയുടെ നിഴലില്‍ നിന്ന് മാറുന്നതോടെയാണ്​ ചന്ദ്രന്​ ചുവപ്പും ഓറഞ്ചും കലർന്ന നിറം ലഭിക്കുന്നത്​. ഭൂമിയുടെ ഉപരിതലത്തിലൂടെ പോകുന്ന സൂര്യപ്രകാശത്തിന് ദിശാമാറ്റം വരുന്നതാണ് നിറം മാറാൻ കാരണം. പ്രാദേശിക സമയം രാത്രി 9.14 ന്​ ആരംഭിക്കുന്ന  ചന്ദ്രഗ്രഹണം പുലർച്ചെ 2.19 മണി വരെ നീളും.

ചന്ദ്ര​​​െൻറ ഗുരുത്വാകര്‍ഷണ കേന്ദ്രത്തില്‍ നിന്ന് ഏറ്റവും അകലെയുള്ള സ്ഥാനം ഭ്രമണം ചെയ്യാന്‍ കൂടുതല്‍ സമയം എടുക്കുന്നതാണ് സാധാരണ ഉള്ളതിനേക്കാള്‍ കൂടുതല്‍ സമയം ഗ്രഹണം നീളാൻ കാരണമായി ഗവേഷകർ പറയുന്നത്​. ബ്ലഡ്​ മൂൺ രാ​ത്രി 11.30 നു തുടങ്ങി പുലർച്ചെ 1.30 ന്​ അവസാനിക്കുമെന്ന്​ ഷാർജ സ​​െൻറർ ഫോർ സ്​പേസ്​ ആൻറ്​ ആസ്​ട്രോണമി ഡെപ്യൂട്ടി ഡയറക്​ടർ ഇബ്രാഹിം അൽ ജർവാൻ അറിയിച്ചു. പൂർണ്ണ ഗ്രഹണം 12.21 നാായിരിക്കും നടക്കുക. മിഡിലീസ്​റ്റിന്​ പുറമെ യൂറോപ്പ്​, ആഫ്രിക്ക, ആസ്​ത്രേലിയ ന്യൂസിലാൻറ്​ എന്നിവിടങ്ങളിലും ഇത്​ ദൃശ്യമാകും.