Begin typing your search above and press return to search.
exit_to_app
exit_to_app
ബ്രാൻസ​െൻറ പേടകത്തിൽ ബഹിരാകാശത്തേക്കില്ല; ടിക്കറ്റ്​ തിരിച്ചുനൽകി നടൻ ആഷ്​റ്റന കുച്ചർ, കാരണമിതാണ്​..
cancel
Homechevron_rightTECHchevron_rightSciencechevron_rightബ്രാൻസ​െൻറ പേടകത്തിൽ...

ബ്രാൻസ​െൻറ പേടകത്തിൽ ബഹിരാകാശത്തേക്കില്ല; ടിക്കറ്റ്​ തിരിച്ചുനൽകി നടൻ ആഷ്​റ്റന കുച്ചർ, കാരണമിതാണ്​..

text_fields
bookmark_border

ശതകോടീശ്വരനും വെർജിൻ ഗലാക്റ്റിക് മേധാവിയുമായ റിച്ചാർഡ് ബ്രാൻസണിന്‍റെ നേതൃത്വത്തിൽ നടത്തിയ ബഹിരാകാശയാത്രയുടെ വിജയം ബഹിരാകാശ ടൂറിസം രംഗത്തെ വലിയ നാഴികക്കല്ലായാണ്​ വിലയിരുത്തപ്പെടുന്നത്​. വർഷങ്ങൾക്ക്​ മുമ്പ് ഭീമൻ തുക നൽകി​ വെർജിൻ ഗലാക്റ്റിക്കി​െൻറ ആദ്യ ബഹിരാകാശ വിനോദയാത്രയ്ക്ക് ടിക്കറ്റ് ബുക്ക് ചെയ്തവരെല്ലാം ആവേശത്തോടെയാണ്​ അവരുടെ ഭാവിയാത്രയെ നോക്കിക്കാണുന്നത്​.

എന്നാൽ, നടൻ ആഷ്​റ്റൻ കുച്ചറി​െൻറ കാര്യം വ്യത്യസ്​തമാണ്​. പത്ത്​ വർഷം ബഹിരാകാശ വിനോദയാത്രയ്ക്ക് ബുക്ക് ചെയ്ത ടിക്കറ്റ് വിറ്റൊഴിവാക്കിയിരിക്കുകയാണ്​ അദ്ദേഹം. നടിയും ഭാര്യയുമായ മില കുനിസ്​ ആണ്​ അതിന്​ കാരണക്കാരി. മിലയുടെ ഉപദേശം അനുസരിച്ചാണ്​ വർഷങ്ങൾക്ക്​ മുമ്പ്​​ കുച്ചർ യാത്ര പോകുന്നില്ലെന്ന്​ തീരുമാനിച്ചത്​​​. ഇരുവർക്കും രണ്ട്​ ചെറിയ മക്കളാണുള്ളത്​​​. അതിനാൽ, ബഹിരാകാശ യാത്ര നല്ല തീരുമാനമല്ലെന്ന്​ മില പറഞ്ഞത്രേ..

​'ചെറിയ കുട്ടികളുള്ള സ്ഥിതിക്ക്​ ബഹിരാകാശത്തേക്ക് പോകുന്നത് സ്​മാർട്ടായിട്ടുള്ള കുടുംബ തീരുമാനമല്ലെന്ന് എ​െൻറ ഭാര്യയാണ്​ എന്നെ ഉപദേശിച്ചത്​. അതിനാൽ ഞാൻ എ​െൻറ ടിക്കറ്റ്​ വെർജിൻ ഗലാറ്റിക്കിന്​ തിരിച്ചു വിറ്റു. ശരിക്കും ബഹിരാകാശത്തേക്കുള്ള അടുത്ത ​ഫ്ലൈറ്റിൽ ഞാനുണ്ടാവേണ്ടതായിരുന്നു. -കുച്ചർ ഒരു വിദേശ മാധ്യമത്തോട്​ പ്രതികരിച്ചു. അതേസമയം, ബഹിരാകാശത്തേക്ക്​ പോകാനുള്ള പ്ലാനിൽ നിന്നും തൽക്കാലത്തേക്ക്​ കുച്ചർ പിന്മാറിയിട്ടില്ല, എന്നെങ്കിലും പോകാൻ കഴിയുമെന്ന പ്രത്യാശയും അദ്ദേഹം പങ്കുവെച്ചു.


സ്പേസ് എക്സ്​ മേധാവി ഇലോൺ മസ്ക് വെർജിൻ ഗലാറ്റിക്കി​െൻറ ബഹിരകാശ വിനോദയാത്രാ സംഘത്തിൽ ടിക്കറ്റ് ബുക്ക് ചെയ്തിരുന്നു. 250,000 ഡോളറിനാണ് (1.86 കോടി രൂപ) അദ്ദേഹം ആദ്യ ബഹിരാകാശ യാത്രക്കുള്ള ടിക്കറ്റെടുത്തിരിക്കുന്നത്​. ഭാവിയിൽ വെർജിൻ ഗലാറ്റിക നടത്താൻ ഉദ്ദേശിക്കുന്ന യാത്രയ്ക്കുള്ള ടിക്കറ്റുകളെല്ലാം വിറ്റഴിച്ചുവെന്നാണ് ബ്രാൻസൻ അവകാശപ്പെടുന്നത്​. ബഹിരാകാശ യാത്രയ്ക്ക് ടിക്കറ്റൊന്നിന് 250,000 ഡോളറാണ് ഇൗടാക്കുന്നത്​. ടിക്കറ്റ് വിൽപനയിലൂടെ കമ്പനി 80 ദശലക്ഷം ഡോളറാണ്​ സ്വരൂപിച്ചത്​.

Show Full Article
TAGS:Virgin Galactic Ashton Kutcher space flight richard branson 
News Summary - Ashton Kutcher sold his Virgin Galactic space flight ticket back to company
Next Story