നോക്കിയ 3310 തിരിച്ച്​ വരുന്നു

ഹെൽസിങ്കി: ഡി 1 എന്ന ഫോണിലൂടെ  തിരിച്ച്​ വരവ്​ പ്രഖ്യാപിച്ച നോക്കിയ  3310 ഫോണും വിപണിയിൽ വീണ്ടും അവതരിപ്പിക്കുന്ന​ു​. സ്​മാർട്ട്​ ഫോണുകളുടെ വരവി​ന്​ മു​േമ്പ മൊബൈൽ ഫോൺ വിപണിയിൽ തരംഗം തീർത്ത മോഡലാണ്​ നോക്കിയ 3310.  ഒരാഴ്​ച വരെ നീണ്ടു നിൽക്കുന്ന ബാറ്ററിയും എതു വീഴ്​ചയിലും തകരാത്ത ബോഡിയുമെല്ലാം നോക്കിയ​ 3310യെ മൊബൈൽ പ്രേമികൾക്ക്​ പ്രിയപ്പെട്ടതാക്കിയിരുന്നു. പഴയപുലി വീണ്ടും തിരിച്ച്​ വരുന്ന​ു എന്ന വാർത്തയെ പ്രതീക്ഷയോടെയാണ് ഫോണി​െൻറ ആരാധകർ കാണുന്നത്​.

2000ത്തിലായിരുന്നു ​ഇൗ ഫോണിനെ നോക്കിയ വിപണിയിലവതരിപ്പിച്ചത്​. വിപണിയിലെത്തി കുറച്ച്​ കാലം കൊണ്ട്​ തന്നെ ലോകവിപണിയിൽ ഏറ്റവുമധികം വിറ്റഴിക്കപ്പെടുന്ന ഫോണുകളിലൊന്നായി നോക്കിയ 3310 മാറി. ഇനിയും ഇൗ റെക്കോർഡ്​ മറികടക്കാൻ മറ്റൊരു മൊബൈൽ കമ്പനിക്കും സാധിച്ചിട്ടില്ല എന്നറിയു​േമ്പാഴാണ്​ 3310​െൻറ മൂല്യം നമുക്ക്​ മനസിലാവുക. ഫെബ്രുവരി 26ന്​ നോക്കിയ 3310 വിപണിയിൽ വീണ്ടും അവതരിപ്പിക്കാനാണ്​ കമ്പനി ലക്ഷ്യമിടുന്നത്​. എകദേശം 4000 രൂപക്കാവും പുതിയ ഫോൺ ലഭ്യമാവുക എന്നും വാർത്തകളുണ്ട്​.

ആൻഡ്രോയിഡ്​ ഫോണായ നോക്കിയ5ന്​ ഒപ്പമായിരിക്കും 3310നെ നോക്കിയ അവതരിപ്പിക്കുക എന്നാണ്​ റിപ്പോർട്ടുകൾ. 5.2 ഇഞ്ച് 720 പിക്സല്‍ ഡിസ്പ്ലേയാണ് നോക്കിയ 5​​േൻറതാണ്​ എന്നാണ്​ വിവരം. രണ്ട് ജിബി റാം, 12 മെഗാപിക്സല്‍ കാമറ തുടങ്ങിയവയാണ് നോക്കിയ 5ന് പ്രതീക്ഷിക്കുന്ന ഫിച്ചറുകള്‍. 10,000 രൂപ വിലവരുന്ന ഫോണ്‍ ആന്‍ഡ്രോയിഡ് നൂഗട്ടിലായിരിക്കും പ്രവര്‍ത്തിക്കുക. നിലവിൽ നോക്കിയക്കായി ഫോണുകൾ നിർമ്മിക്കുന്നത്​ എച്ച്​.എം.ഡി ​ഗ്ലോബൽ എന്ന കമ്പനിയാണ്​ പുതുതായി വിപണിയിലെത്തുന്ന ഇരു ഫോണുകൾ  നിർമ്മിക്കുക.