കൺനിറയെ രക്തചന്ദ്രൻ

തി​രു​വ​ന​ന്ത​പു​രം: സ​ന്ധ്യാ​കാ​ശ​ത്തി​ലെ സൂ​ര്യ​നെ​പോ​ലെ ചു​വ​ന്നു​തു​ടു​ത്ത ച​ന്ദ്ര​മു​ഖം ക​ണ്ണു​ക​ൾ​ക്ക്​ അ​മൃ​താ​യി. ഈ ​നൂ​റ്റാ​ണ്ടി​ലെ ഏ​റ്റ​വും ൈദ​ർ​ഘ്യ​മേ​റി​യ പൂ​ര്‍ണ ച​ന്ദ്ര​ഗ്ര​ഹ​ണ​ത്തി​ന് ശ​നി​യാ​ഴ്ച പു​ല​ർ​ച്ച പ​ര്യ​വ​സാ​നം. വെ​ള്ളി​യാ​ഴ്ച രാ​ത്രി 10.44ന് ​ആ​രം​ഭി​ച്ച ഗ്ര​ഹ​ണം ശ​നി​യാ​ഴ്ച പു​ല​ർ​ച്ച ഒ​ന്നോ​ടെ പൂ​ർ​ണ​ത പ്രാ​പി​ച്ച് 3.50ന് ​അ​വ​സാ​നി​ച്ചു. സൂ​ര്യ​​​​െൻറ​യും ച​ന്ദ്ര​​​​െൻറ​യും ന​ടു​ക്ക്​ നേ​ർ​രേ​ഖ​യി​ൽ ഭൂ​മി​യെ​ത്തു​ന്ന ച​ന്ദ്ര​ഗ്ര​ഹ​ണം ഒ​രു മ​ണി​ക്കൂ​ർ 43 മി​നി​റ്റ്​ നീ​ണ്ടു. 

ഇ​ന്ത്യ​യു​ൾ​പ്പെ​ടു​ന്ന കി​ഴ​ക്ക​ൻ​രാ​ജ്യ​ങ്ങ​ളി​ലാ​ണ് ഗ്ര​ഹ​ണം വ്യ​ക്​​ത​ത​യോ​ടെ ദൃ​ശ്യ​മാ​യ​ത്. കി​ഴ​ക്ക​ൻ ആ​ഫ്രി​ക്ക, മ​ധ്യേ​ഷ്യ മേ​ഖ​ല​യി​ൽ പൂ​ർ​ണ​സ​മ​യം ദൃ​ശ്യ​മാ​യി. തെ​ക്കേ അ​മേ​രി​ക്ക, പ​ടി​ഞ്ഞാ​റ​ൻ ആ​ഫ്രി​ക്ക, യൂ​റോ​പ്പ് എ​ന്നി​വി​ട​ങ്ങ​ളി​ൽ ച​ന്ദ്രോ​ദ​യ സ​മ​യ​ത്തും കി​ഴ​ക്ക​ൻ ഏ​ഷ്യ​യി​ലും ആ​സ്ട്രേ​ലി​യ​യി​ലും ച​ന്ദ്രാ​സ്ത​മ​യ സ​മ​യ​ത്തും പൂ​ർ​ണ​ഗ്ര​ഹ​ണം ദൃ​ശ്യ​മാ​യി. വ​ട​ക്കേ അ​മേ​രി​ക്ക​യി​ൽ ഈ ​പ്ര​തി​ഭാ​സം ദൃ​ശ്യ​മാ​യി​ല്ല. കേ​ര​ള​ത്തി​ൽ രാ​ത്രി 11.44 ന്  ​ഭാ​ഗി​ക​ഗ്ര​ഹ​ണ​വും ഒ​രു​മ​ണി​യോ​ടെ പൂ​ർ​ണ​ഗ്ര​ഹ​ണ​വു​മു​ണ്ടാ​യി. മ​ഴ​ക്കാ​റു​​മൂ​ലം കേ​ര​ള​ത്തി​​​െൻറ പ​ല ഭാ​ഗ​ങ്ങ​ളി​ലും കാ​ണാ​നാ​യി​ല്ല.  

ത​ല​സ്ഥാ​ന​ത്ത​ട​ക്കം പ​ല​ജി​ല്ല​ക​ളി​ലും പൊ​തു​ജ​ന​ങ്ങ​ൾ​ക്ക്​ ഗ്ര​ഹ​ണം കാ​ണാ​ൻ സൗ​ക​ര്യ​മൊ​രു​ക്കി​യി​രു​ന്നു. നൂ​റു​ക​ണ​ക്കി​ന് പേ​രാ​ണ് കേ​ര​ള ശാ​സ്ത്ര​സാ​ങ്കേ​തി​ക മ്യൂ​സി​യ​ത്തി​ലെ​ത്തി​യ​ത്. നൂ​റ്റാ​ണ്ടി​ലെ 17ാമ​ത്തെ പൂ​ർ​ണ ച​ന്ദ്ര​ഗ്ര​ഹ​ണ​മാ​യി​രു​ന്നു ഇ​ത്. അ​ടു​ത്ത​ത്​ 2025 സെ​പ്റ്റം​ബ​ർ ഏ​ഴി​നാ​ണ്. 

അ​തേ​സ​മ​യം, 15 വ​ർ​ഷ​ങ്ങ​ൾ​ക്കു​ശേ​ഷം ചൊ​വ്വ ഭൂ​മി​യോ​ട് ഏ​റ്റ​വും അ​ടു​ത്തു വ​രു​ന്ന​തി​നും വ​രും​ദി​വ​സ​ങ്ങ​ൾ സാ​ക്ഷ്യം​വ​ഹി​ക്കു​മെ​ന്ന് വാ​ന​നി​രീ​ക്ഷ​ക​ർ അ​റി​യി​ച്ചു. ഗ്ര​ഹ​ത്തെ കൂ​ടു​ത​ൽ വ​ലു​പ്പ​ത്തി​ലും തി​ള​ക്ക​ത്തി​ലും ഇ​ന്നു​മു​ത​ൽ കാ​ണാം. ജൂ​ലൈ 31ന്​ ​ഭൂ​മി​യോ​ട് ഏ​റ്റ​വു​മ​ടു​ത്ത നി​ല​യി​ൽ ചൊ​വ്വ​യെ​ത്തും. 57.6 ദ​ശ​ല​ക്ഷം കി​ലോ​മീ​റ്റ​റാ​കും അ​ന്ന് ഭൂ​മി​യും ചൊ​വ്വ​യും ത​മ്മി​ലു​ള്ള അ​ക​ലം.