Begin typing your search above and press return to search.
exit_to_app
exit_to_app
സാംസങ്ങിനെ പിന്തള്ളി രാജ്യത്ത്​ വീണ്ടും ഷവോമി ഒന്നാമത്​; 2020-ലും നേട്ടം കൊയ്​തത്​ ചൈനീസ്​ കമ്പനികൾ
cancel
Homechevron_rightTECHchevron_rightTech Newschevron_rightസാംസങ്ങിനെ പിന്തള്ളി...

സാംസങ്ങിനെ പിന്തള്ളി രാജ്യത്ത്​ വീണ്ടും ഷവോമി ഒന്നാമത്​; 2020-ലും നേട്ടം കൊയ്​തത്​ ചൈനീസ്​ കമ്പനികൾ

text_fields
bookmark_border

രാജ്യത്ത്​ ഉടലെടുത്ത ചൈന വിരുദ്ധ വികാരം വലിയ തിരിച്ചടിയായി മാറിയ ടെക്​നോളജി ഭീമനായിരുന്നു ഷവോമി. അതുവരെ എതിരാളികളെ ഒറ്റയ്​ക്ക്​ നേരിട്ട് ഇന്ത്യൻ സ്​മാർട്ട്​ഫോൺ വിപണിയിൽ ഒന്നാമനായി വിലസിയിരുന്ന ഷവോമിക്ക്​ 2020ലെ മൂന്നാം പാദത്തിൽ കൊറിയൻ വമ്പനായ സാംസങ്ങി​െൻറ വക കിട്ടിയത്​ വലിയ അടിയായിരുന്നു. കിട്ടിയ അവസരം മുതലാക്കിയ സാംസങ്​ അവരുടെ ബജറ്റ്​ സീരീസിലെ ഫോണുകൾ ചൂടപ്പം പോലെ വിറ്റഴിച്ച്​ മാർക്കറ്റിൽ ഒന്നാമനായി മാറി.

എന്നാൽ, നാലാം പാദത്തിൽ കാര്യങ്ങളെല്ലാം പഴയപടിയാകുന്ന കാഴ്​ച്ചയാണ്​. ഷവോമി 26 ശതമാനം വിപണി വിഹിതത്തോടെ വീണ്ടും ഒന്നാമതായി. സാംസങ്ങാക​െട്ട 20 ശതമാനം ഷെയറുമായി രണ്ടാമനായും ഫിനിഷ്​ ചെയ്​തു. മൂന്നാം പാദത്തിൽ ഷവോമി മൂന്ന്​ ശതമാനം തകർച്ചയായിരുന്നു നേരിട്ടത്​. സാംസങ്​ 24 ശതമാനം മാർക്കറ്റ്​ ഷെയറുമായി ഒന്നാമതും ചൈനീസ്​ വമ്പൻമാർ 23 ശതമാനവുമായി അന്ന്​ രണ്ടാമതുമായിരുന്നു​. രണ്ട്​ വർഷത്തിനിടെ ആദ്യമായിട്ടായിരുന്നു ഷവോമിക്ക്​ വീഴ്​ച്ച സംഭവിക്കുന്നത്​.

ബജറ്റ്​ മോഡലുകളായ റെഡ്​മി 9, റെഡ്​മി നോട്ട്​ 9 സീരീസിനുണ്ടായ വലിയ ഡിമാൻറാണ്​ ഷവോമിയെ തുണച്ചത്​. ഒാൺലൈൻ വിദ്യാഭ്യാസം നിർബന്ധിതമായതോടെ ആളുകൾ കുറഞ്ഞ വിലയുള്ള ഏറ്റവും മികച്ച ഫോണുകൾക്കായി ആശ്രയിച്ചത്​ അവരെയായിരുന്നു. 13 ശതമാനം വളർച്ചയാണ്​ കഴിഞ്ഞ വർഷം ഷവോമി സ്വന്തമാക്കിയത്​. സാംസങ്ങിന്​ 30 ശതമാനം വളർച്ച നേടാൻ കഴിഞ്ഞെങ്കിലും നാലാം പാദത്തിൽ അവരുടെ മാർക്കറ്റ്​ ഷെയർ ഒരു ശതമാനം മാത്രമാണ്​ ഉയർന്നത്​.

അതേസമയം വിപണിയിൽ മൂന്നും നാലും അഞ്ചും സ്ഥാനങ്ങളിലുള്ളത്​ ചൈനീസ്​ കമ്പനികളാണ്​. അതും ബി.ബി.കെ ഇലക്​ട്രോണിക്​സ്​ എന്ന മാതൃ കമ്പനിയുടെ കീഴിലുള്ള വിവോ (16 ശതമാനം), റിയൽമി (13 ശതമാനം), ഒപ്പോ (10 ശതമാനം) എന്നിവ. 2020ലും രാജ്യത്ത്​ ഏറ്റവും കൂടുതൽ നേട്ടമുണ്ടാക്കിയ സ്​മാർട്ട്​ഫോൺ ബ്രാൻഡുകളിൽ ഭൂരിഭാഗവും ചൈനയിൽ നിന്നുള്ളവയാണ്​ എന്നത്​ ഞെട്ടിക്കുന്ന വസ്​തുതയാണ്​.

Show Full Article
TAGS:Xiaomi Samsung market share oppo vivo moto Realme 
Next Story