Begin typing your search above and press return to search.
exit_to_app
exit_to_app
മത്സരം വേണം..! ഇവിടെ രണ്ട് സ്വകാര്യ ടെലികോം കമ്പനികൾ മാത്രമായാൽ അത്​ ദാരുണമായിരിക്കും - എയർടെൽ തലവൻ
cancel
Homechevron_rightTECHchevron_rightTech Newschevron_right'മത്സരം വേണം..! ഇവിടെ...

'മത്സരം വേണം..! ഇവിടെ രണ്ട് സ്വകാര്യ ടെലികോം കമ്പനികൾ മാത്രമായാൽ അത്​ ദാരുണമായിരിക്കും' - എയർടെൽ തലവൻ

text_fields
bookmark_border

ഇന്ത്യയുടെ ടെലികോം മേഖലയിൽ മത്സരം അത്യാവശ്യമാണെന്നും അതിന്​ മൂന്ന് നെറ്റ്‌വർക്ക് ഓപ്പറേറ്റർമാർ രാജ്യത്ത്​ അതിജീവിക്കേണ്ടതുണ്ടെന്നും ഭാരതി എയർടെൽ ലിമിറ്റഡ് ചെയർമാൻ സുനിൽ മിത്തൽ അഭിപ്രായപ്പെട്ടു. ഖത്തർ എക്കണോമിക്​ ഫോറത്തിൽ സംസാരിക്കുകയായിരുന്നു അദ്ദേഹം.

"ഇന്ത്യ വളരെ വലിയ രാജ്യമാണ്, അതുകൊണ്ട്​ തന്നെ ഏറ്റവും കുറഞ്ഞത്​ മൂന്ന് സ്വകാര്യ ടെലികോം കമ്പനികൾക്ക്​ ഇവിടെ പ്രവർത്തിക്കാൻ ​ അർഹതയുണ്ട്." "എന്നാൽ, 12 ഓപ്പറേറ്റർമാരിൽ നിന്ന് ഇപ്പോൾ ഞങ്ങൾ രണ്ടരയായി കുറഞ്ഞിരിക്കുകയാണ്​. ഇത് രണ്ടായി കുറയുമോ...? എ​െൻറ കാഴ്ചപ്പാടിൽ അത് വളരെ ദാരുണമായിരിക്കും. " -എയർടെൽ മേധാവി ചൂണ്ടിക്കാട്ടി. അതേസമയം, രാജ്യത്ത്​ എയർടെൽ മികച്ച നിലയിലാണെന്നും അദ്ദേഹം പറഞ്ഞു.

മുകേഷ്​ അംബാനിയുടെ റിലയൻസ്​ ജിയോയുടെ വരവോടെ രാജ്യത്ത്​ മറ്റ്​ ടെലികോം സേവനദാതാക്കൾ വലിയ പ്രതിസന്ധി നേരിട്ടിരുന്നു. എന്നാൽ, ജിയോയുടെ ആധിപത്യം അതിജീവിച്ച്​ എയർടെൽ ഇപ്പോൾ വലിയ വളർച്ച കൈവരിച്ചുകൊണ്ടിരിക്കുകയാണ്​. അതേസമയം, ഒരുകാലത്തെ പ്രധാന കളിക്കാരായ ബി.എസ്​.എൻ.എല്ലും, വൊഡാഫോണുമായി ചേർന്ന്​ 'വി.​െഎ' ആയി മാറിയ ​െഎഡിയയും മത്സരത്തിൽ ഒരുപാട്​ പിറകെയാണുള്ളത്​. ഇത്​ വലിയ ഭീഷണിയാണെന്നാണ്​ സുനിൽ മിത്തൽ മുന്നറിയിപ്പ്​ നൽകുന്നത്​.

കേവലം 5ജിയിൽ ശ്രദ്ധ കേന്ദ്രീകരിക്കുന്നതിന്​ പകരമായി തീർത്തും അവികസിതമായ ഇടങ്ങളിലുള്ളവർക്ക്​ പോലും നെറ്റ്‌വർക്ക് കവറേജ് നൽകിയിട്ടുണ്ടെന്ന് ഉറപ്പുവരുത്താൻ കഴിഞ്ഞാലെ കമ്പനികൾക്ക് പ്രസക്തമായി തുടരാൻ സാധിക്കുകയുള്ളൂവെന്നും​​ എയർടെൽ മേധാവി വ്യക്​തമാക്കി.

കഴിഞ്ഞ ദശകത്തിൽ കണ്ട ഏകീകരണത്തിനുശേഷം ഇപ്പോൾ ഇന്ത്യയുടെ ടെലികോം മേഖല പ്രധാനമായും മൂന്ന് ഓപ്പറേറ്റർമാരാണ്​ പങ്കിടുന്നത്​. ഇന്ത്യയിലെ ഏറ്റവും വലിയ നെറ്റ്‌വർക്കായി ആധിപത്യം തുടരുന്ന മുകേഷ് അംബാനിയുടെ ഉടമസ്ഥതയിലുള്ള റിലയൻസ് ജിയോ ഇൻഫോകോം ലിമിറ്റഡാണ്​ അതിൽ പ്രധാനി, തൊട്ടുപിന്നാലെ ക്രമാനുഗതമായി വിപണി വിഹിതം ഉയർത്തിക്കൊണ്ട്​ മിത്തലി​െൻറ എയർടെലുമുണ്ട്​. മൂന്നാമതുള്ള വോഡഫോൺ ഐഡിയ ലിമിറ്റഡിന്​ നിലവിൽ മറ്റ്​ രണ്ട്​ കമ്പനികളോട്​ മുട്ടാൻ മാത്രം കെൽപ്പുണ്ടോ എന്ന്​ സംശയമാണ്​. മുതിർന്ന ഉദ്യോഗസ്ഥർ പാപ്പരത്തത്തിലേക്ക് വഴുതിവീഴാമെന്ന് മുൻകാലങ്ങളിൽ മുന്നറിയിപ്പ് നൽകിയിരുന്ന കമ്പനി കൂടിയാണ്​ വി.ഐ.

Show Full Article
TAGS:Airtel Reliance Jio Vi BSNL Sunil Mittal telecom 
News Summary - Will be tragic if India is left with only 2 private telecom firms says Sunil Mittal
Next Story