Begin typing your search above and press return to search.
proflie-avatar
Login
exit_to_app
exit_to_app
Homechevron_rightTECHchevron_rightTech Newschevron_rightആയിരക്കണക്കിന്​...

ആയിരക്കണക്കിന്​ ഫോളോവേഴ്​സിനെ നഷ്​ടമാകുന്നതായി​ യൂസർമാർ; വിശദീകരണവുമായി ട്വിറ്റർ

text_fields
bookmark_border
ആയിരക്കണക്കിന്​ ഫോളോവേഴ്​സിനെ നഷ്​ടമാകുന്നതായി​ യൂസർമാർ; വിശദീകരണവുമായി ട്വിറ്റർ
cancel

പ്രശസ്​ത ബോളിവുഡ്​ നടൻ അനുപം ഖേറടക്കം നിരവധി ട്വിറ്റർ യൂസർമാർ തങ്ങളുടെ ആയിരക്കണക്കിന്​ ഫോളോവേഴ്​സിനെ നഷ്​ടമായതായി പരാതിപ്പെട്ടിരുന്നു. കഴിഞ്ഞ കുറച്ചുദിവസങ്ങളായി അത്തരത്തിലുള്ള പരാതി ട്വീറ്റുകൾ നിരവധിയാണ്​ ട്വിറ്ററിൽ കാണപ്പെട്ടത്​. 36 മണിക്കൂറുകൾ കൊണ്ട്​ തനിക്ക്​ 80,000 പിന്തുടർച്ചക്കാരെ നഷ്​ടമായെന്നായിരുന്നു അനുപം ഖേർ ട്വീറ്റ്​ ചെയ്​തത്​. ട്വിറ്റർ ആപ്പിൽ എന്തെങ്കിലും പ്രശ്​നങ്ങളുണ്ടോ എന്നും അദ്ദേഹം ചോദിച്ചിരുന്നു.

എന്നാൽ, സംഭവത്തിൽ വിശദീകരണവുമായി എത്തിയിരിക്കുകയാണ്​ കമ്പനി. തങ്ങളുടെ പ്ലാറ്റ്​ഫോം വ്യാജ അക്കൗണ്ടുകൾ ഉപയോഗിച്ച്​ നയവിരുദ്ധമായി ഉപയോഗിക്കുന്നത്​​ തടയാനായുള്ള നടപടിയുടെ ഭാഗമായാണ് ചിലർക്ക്​​ ഫോളോവേഴ്​സിനെ നഷ്​ടമായതെന്ന്​ ട്വിറ്റർ അറിയിച്ചു.

'ട്വിറ്റർ മുന്നോട്ടുവെക്കുന്ന സമഗ്രത പരിരക്ഷിക്കുന്നതിന് പാസ്‌വേഡ് അല്ലെങ്കിൽ ഫോൺ നമ്പർ പോലുള്ള വിശദാംശങ്ങൾ സാധൂകരിക്കാനോ സ്ഥിരീകരിക്കാനോ അക്കൗണ്ടുകളോട്​ സ്ഥിരമായി ആവശ്യപ്പെടും. യൂസർമാർ അത്തരം അധിക വിവരങ്ങൾ സ്ഥിരീകരിക്കുന്നത്​ വരെ അവരുടെ അക്കൗണ്ടുകൾ ലോക്കായ അവസ്ഥയിൽ തന്നെ തുടരും. അതിനാൽ അവരെ മറ്റുള്ളവരുടെ ഫോളോവർമാരുടെ എണ്ണത്തിലേക്കും കണക്കാക്കില്ല. -ഇത്​ കാരണമാണ്​ ചില യൂസർമാർക്ക്​ അവരുടെ ഫോളോവർമാരുടെ എണ്ണത്തിൽ ഇടിവുണ്ടായതെന്നും ട്വിറ്റർ കൂട്ടിച്ചേർത്തു.

പ്ലാറ്റ്​ഫോമിൽ നിരവധി വ്യാജ അക്കൗണ്ടുകളുണ്ടെന്നും അവയുടെ പ്രവർത്തനം ട്വിറ്ററി​െൻറ നയങ്ങൾക്ക്​ വിരുദ്ധമാണെന്നും കമ്പനി പറയുന്നു. യൂസർമാർ അവരുടെ അക്കൗണ്ടിൽ തെറ്റിദ്ധരിപ്പിക്കുന്ന വിവരങ്ങൾ നൽകുന്നത്​ ശ്രദ്ധയിൽ പെട്ടിട്ടുണ്ടെന്നും കമ്പനി വ്യക്​തമാക്കി.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Twitter followersTwitter
News Summary - Why many Twitter handles keep losing followers
Next Story