ആ​രാ​ണീ പ​യ്യ​ൻ​സ് വാ​ങ്? എ​ന്താ​ണ് സ്കെ​യി​ൽ എ.​ഐ?

എ.​ഐ മോ​ഡ​ലു​ക​ളെ പ​രി​ശീ​ലി​പ്പി​ക്കു​ന്ന ഡാ​റ്റ ലേ​ബ​ലി​ങ് സ്റ്റാ​ർ​ട്ട​പ്പാ​യ സ്കെ​യി​ൽ എ.​ഐ (Scale AI) സ​ഹസ്ഥാ​പ​ക​ൻ അ​ല​ക്സാ​ണ്ട​ർ വാ​ങ് ആ​ണി​പ്പോ​ൾ ടെ​ക് ലോ​ക​ത്തെ പു​തി​യ താ​രം. ലാ​ർ​ജ് ​ലാം​ഗ്വേ​ജ് മോ​ഡ​ലു​ക​ൾ മു​ത​ൽ ഓ​ട്ടോ​ണോ​മ​സ് വാ​ഹ​ന​ങ്ങ​ൾ​ക്കു വ​രെ​യു​ള്ള എ​ല്ലാ​ത​രം എ.​ഐ​ക​ളെ​യും സ​ജ്ജ​മാ​ക്കു​ന്ന​തി​ൽ ഡാ​റ്റ ലേ​ബ​ലി​ങ് സ്ഥാ​പ​ന​ങ്ങ​ൾ​ക്ക് ഏ​റെ പ്ര​ധാ​ന്യ​മു​ണ്ട്.

(ചി​ത്ര​ങ്ങ​ൾ, ടെ​ക്സ്റ്റ്, ഓ​ഡി​യോ തു​ട​ങ്ങി അ​നേ​കം അ​സം​സ്കൃ​ത ഡാ​റ്റ മെ​ഷീ​ൻ ലേ​ണി​ങ് മോ​ഡ​ലു​ക​ൾ​ക്ക് പ​രി​ശീ​ലന​ത്തി​നാ​യി പ്രോ​സ​സ് ചെ​യ്യു​ന്ന​തി​ന് അ​ർ​ഥ​മു​ള്ള ലേ​ബ​ലി​ങ് ന​ൽ​കു​ന്ന​താ​ണ് ഡാ​റ്റ ലേ​ബ​ലി​ങ്) 15 ബി​ല്യ​ൺ ഡോ​ള​റി​ന്റെ നി​ക്ഷേ​പ ഇ​ട​പാ​ടി​ലൂ​ടെ ഈ ​ക​ക്ഷി​യെയും സ്കെ​യി​ൽ എ.​ഐ​യേ​യും മെ​റ്റ ക്ഷ​ണി​ച്ചി​രു​ത്തി​യി​രി​ക്കു​ക​യാ​ണി​​പ്പോ​ൾ.

‘ആ​ർ​ട്ടി​ഫി​ഷ്യ​ൽ സൂ​പ്പ​ർ ഇ​ന്റ​ലി​ജ​ൻ​സ്’ എ​ന്നു വി​ളി​ക്കാ​വു​ന്ന എ.​ഐ പ​ദ്ധ​തി​ക​ൾ ആ​വി​ഷ്‍ക​രി​ക്കാ​ൻ മെ​റ്റ ആ​രം​ഭി​ച്ചി​രി​ക്കു​ന്ന പു​തി​യ റി​സ​ർ​ച്ച് ലാ​ബി​ന്റെ നേ​തൃ​ത്വ​മാ​ണ് അ​ല​ക്സാ​ണ്ട​ർ വാ​ങ്ങി​ന് ന​ൽ​കി​യി​രി​ക്കു​ന്ന​ത്. നി​ർ​മി​തബു​ദ്ധി മോ​ഡ​ലു​ക​ളു​ടെ കാ​ര്യ​ത്തി​ൽ ഗൂ​ഗ്ൾ, മൈ​ക്രോ​സോ​ഫ്റ്റ്, ഓ​പ​ൺ എ.​ഐ എ​ന്നി​വ​ക്കൊ​പ്പം എ​ത്താ​ൻ ഇ​നി​യും ക​ഴി​ഞ്ഞി​ട്ടി​ല്ലാ​ത്ത മെ​റ്റ​ക്ക് ഈ ​പ​ദ്ധ​തി ഏ​റെ നി​ർ​ണാ​യ​ക​മാ​ണ്.

ആ​രാ​ണി​യാ​ൾ ?

ചൈ​നീ​സ് കു​ടി​യേ​റ്റ ​കു​ടും​ബ​ത്തി​ൽ, യു.​എ​സി​ലെ ന്യൂ ​മെ​ക്സി​ക്കോ​യി​ൽ ജ​നി​ച്ച അ​ല​ങ്കാ​ണ്ട​ർ വാ​ങ് ന്യൂ​ക്ലി​യ​ർ ഫി​സി​സ്റ്റ് ആ​യാ​ണ് ക​രി​യ​ർ തു​ട​ങ്ങി​യ​ത്. കോ​ള​ജ് പ​ഠ​ന​ത്തി​നു​മു​മ്പ്, ‘ക്വാ​റ’​യി​ലും ജോ​ലി ചെ​യ്തി​രു​ന്നു. പ്ര​ശ​സ്ത​മാ​യ മാ​സ​ച്യൂ​സെ​റ്റ്സ് സ​ർ​വ​ക​ലാ​ശാ​ല​യി​ൽ (എം.​ഐ.​ടി) ഒ​രു വ​ർ​ഷം പ​ഠി​ച്ചശേ​ഷം ഇ​റ​ങ്ങി​പ്പോ​ന്ന വാ​ങ്, സാ​ക്ഷാ​ൽ സാം ​ആ​ൾ​ട്ട്മാ​ൻ (ഓ​പ​ൺ എ.​ഐ) നേ​തൃ​ത്വം ന​ൽ​കി​യി​രു​ന്ന ‘വൈ ​കോം​ബി​നേ​റ്റ​റി’​ൽ ചേ​ർ​ന്നു.

ശേ​ഷ​മാ​ണ്, ലൂ​സി ഗു​വോ​യു​മാ​യി ചേ​ർ​ന്ന് 2016ൽ ​സ്കെ​യി​ൽ എ.​ഐ സ്ഥാ​പി​ച്ച​ത്. ര​ണ്ടുവ​ർ​ഷം കൊ​ണ്ടു​ത​ന്നെ ‘ഫോ​ബ്സ്’ പ​ട്ടി​ക​യി​ൽ ക​യ​റി. ഇ​തി​നി​ടെ ഗു​വോ ക​മ്പ​നി വി​ടു​ക​യു​ണ്ടാ​യി. എ​ങ്കി​ലും വാ​ങ് 2019ൽ ​സ്കെ​യി​ലി​നെ യൂ​നി​കോ​ൺ ക​മ്പ​നി​യാ​ക്കി മാ​റ്റി. അ​ങ്ങ​നെ 24ാം വ​യ​സ്സി​ൽ ഏ​റ്റ​വും പ്രാ​യം കു​റ​ഞ്ഞ ‘സെ​ൽ​ഫ് ​മെ​യ്ഡ്’ ബി​ല്യ​ണ​യ​റാ​യി വാ​ങ്.

സ്കെ​യി​ൽ എ.​ഐ

എ.​ഐ സി​സ്റ്റ​ങ്ങ​ളെ പ​രി​ശീ​ലി​പ്പി​ക്കാ​നു​ള്ള ബൃ​ഹ​ത്താ​യ അ​ള​വി​ലു​ള്ള ഡാ​റ്റ​യെ ക്ര​മ​പ്പെ​ടു​ത്തി സ​ജ്ജീ​ക​രി​ക്കു​ന്ന ലേ​ബ​ലി​ങ് ​രം​ഗ​ത്തെ അ​തി​കാ​യ​രാ​ണ് ഈ ​ക​മ്പ​നി. ഡ്രൈ​വ​റി​ല്ലാ​ത്ത കാ​റു​ക​ളു​ടെ എ.​ഐ സം​വി​ധാ​ന​ങ്ങ​ളി​ൽ ഇ​വ​ർ​ക്ക് കു​ത്ത​ക​യു​ണ്ട്. ആ​യി​ര​ക്ക​ണ​ക്കി​ന് കേ​ാൺ​ട്രാ​ക്ട് ജോ​ലി​ക്കാ​രെ വെ​ച്ചാ​ണ് ക​മ്പ​നി ഇ​ത്ര​യ​ധി​കം ഡാ​റ്റ പ്രോ​സ​സ് ചെ​യ്യു​ന്ന​ത്.

ഇ​ങ്ങ​നെ ശു​ദ്ധീ​ക​രി​ച്ചെ​ടു​ത്ത ഡാ​റ്റ, ത​ങ്ങ​ളു​ടെ എ.​ഐ മോ​ഡ​ലു​ക​ളെ പ​രി​ശീ​ലി​പ്പി​ക്കാ​ൻ ടെ​ക് ക​മ്പ​നി​ക​ൾ​ക്ക് വി​ൽ​ക്കു​ക​യും ചെ​യ്യും. ടൊ​യോ​ട്ടമു​ത​ൽ ഹോ​ണ്ടവ​രെ​യും മൈ​ക്രോ​സോ​ഫ്റ്റ് മു​ത​ൽ ഓ​പ​ൺ എ.​ഐവ​രെ​യും സ്കെ​യി​ലു​മാ​യി സ​ഹ​ക​രി​ക്കു​ന്നു​ണ്ട്. യു.​എ​സ് സ​ർ​ക്കാ​ർവ​രെ ഇ​വ​രു​ടെ സ​ഹാ​യം തേ​ടാ​റു​ണ്ട്.