Begin typing your search above and press return to search.
exit_to_app
exit_to_app
Homechevron_rightTECHchevron_rightTech Newschevron_rightആർക്കൈവ്ഡ്​...

ആർക്കൈവ്ഡ്​ ചാറ്റുകൾക്ക്​ കൂടുതൽ നിയന്ത്രണം; യൂസർമാർ കാത്തിരുന്ന ഫീച്ചർ അവതരിപ്പിച്ച്​ വാട്​സ്​ആപ്പ്​

text_fields
bookmark_border
ആർക്കൈവ്ഡ്​ ചാറ്റുകൾക്ക്​ കൂടുതൽ നിയന്ത്രണം; യൂസർമാർ കാത്തിരുന്ന ഫീച്ചർ അവതരിപ്പിച്ച്​ വാട്​സ്​ആപ്പ്​
cancel

ജനപ്രിയ മെസ്സേജിങ്​ ആപ്പായ വാട്​സ്​ആപ്പിൽ പുതിയ സവിശേഷത കൂടി അവതരിപ്പിച്ചിരിക്കുകയാണ്​. ആർക്കൈവ്ഡ്​ ചാറ്റുകളിലാണ്​ യൂസർമാർക്ക്​ ഉപകാരപ്പെടുന്ന വിധത്തിലുള്ള പുത്തൻ ഫീച്ചർ ചേർത്തിരിക്കുന്നത്​. പൊതുവേ, ഒരു ചാറ്റ്​ ആർക്കൈവ്​ ചെയ്​താലും പുതിയ സന്ദേശങ്ങൾ വന്നാൽ, അതി​െൻറ നോട്ടിഫിക്കേഷൻ കാണിക്കും. എന്നാൽ, പുതിയ അപ്​ഡേറ്റിൽ അത്തരം ചാറ്റുകളിൽ യൂസർമാർക്ക്​​ കൂടുതൽ നിയന്ത്രണം കൊണ്ടുവന്നിരിക്കുകയാണ്​ വാട്സ്​ആപ്പ്​.

ഇനി പുതിയ സന്ദേശങ്ങൾ വന്നാലും ആർക്കൈവ്​ ചെയ്​ത ചാറ്റുകളിൽ അവയുടെ​ നോട്ടിഫിക്കേഷൻ കാണിക്കില്ല. വീണ്ടും അവ കാണിച്ചുതുടങ്ങാൻ ചാറ്റുകൾ ആർക്കൈവ് ലിസ്റ്റിൽ നിന്ന്​​ ഒഴിവാക്കണം. പുതിയ സേവനം ഐഫോൺ, ആൻഡ്രോയ്​ഡ്​ ഉപയോക്​താക്കൾക്ക്​ ഒരുപോലെ ലഭ്യമാണെന്ന്​ വാട്​സ്ആപ്പ് പുറത്തുവിട്ട​ വാർത്താ കുറിപ്പില്‍​ പറയുന്നു.

ഉപയോക്താക്കൾക്ക്​ സ്വന്തം ഇൻബോക്​സിൽ കൂടുതൽ നിയന്ത്രണം നൽകാനായാണ്​ ഇത്​ നടപ്പാക്കുന്നതെന്നും വാട്​സ്​ആപ്പ്​ അറിയിച്ചു. കഴിഞ്ഞ കുറച്ച് വർഷങ്ങളായി ആർകൈവ്ഡ് ചാറ്റ് ഫീച്ചർ നിലവിലുണ്ടെങ്കിലും, ആർക്കൈവുചെയ്‌ത ത്രെഡിൽ ഒരു പുതിയ മെസേജ് ലഭിക്കുമ്പോഴെല്ലാം അവ ചാറ്റുകളിൽ മുന്നിൽ തന്നെ കയറി വരുമായിരുന്നു. ഇത് ആർകൈവ്ഡ് ചാറ്റ് ഓപ്ഷൻ ഉപയോഗിക്കുമ്പോഴുള്ള പോരായ്മയായി ചൂണ്ടികാണിക്കപ്പെടുകയും ചെയ്തിരുന്നു.

Show Full Article
TAGS:WhatsApp New Feature WhatsApp Archived Chats 
News Summary - WhatsApp New Feature Archived Chats
Next Story