Begin typing your search above and press return to search.
exit_to_app
exit_to_app
ഇൻസ്റ്റാഗ്രാം സമ്പന്നരുടെ പട്ടികയിൽ പ്രിയങ്കയും കോഹ്​ലിയും; ഒന്നാമൻ ഈ ഫുട്​ബാൾ ഇതിഹാസം
cancel
Homechevron_rightTECHchevron_rightTech Newschevron_rightഇൻസ്റ്റാഗ്രാം...

ഇൻസ്റ്റാഗ്രാം സമ്പന്നരുടെ പട്ടികയിൽ പ്രിയങ്കയും കോഹ്​ലിയും; ഒന്നാമൻ ഈ ഫുട്​ബാൾ ഇതിഹാസം

text_fields
bookmark_border

ഇന്ത്യൻ ക്രിക്കറ്റ്​ ടീം നായകൻ വിരാട് കോഹ്‌ലിയും ബോളിവുഡ്​ താരം പ്രിയങ്ക ചോപ്രയും ഇൗ വർഷത്തെ ഇൻസ്റ്റാഗ്രാം സമ്പന്നരുടെ പട്ടികയിൽ ഇടം നേടിയിരിക്കുകയാണ്​. പട്ടികയിലെ ആദ്യ 30 സ്ഥാനങ്ങളിൽ ഇടം നേടിയ ഇന്ത്യക്കാരും അവരാണ്​. കോഹ്​ലി 19-ാം സ്ഥാനവും പ്രിയങ്ക 27-ാം സ്ഥാനവുമാണ്​ അലങ്കരിക്കുന്നത്​. കഴിഞ്ഞ വർഷം 23-ാം സ്ഥാനത്തായിരുന്ന വിരാട് കോഹ്‌ലി ഇത്തവണ 19-ാം സ്ഥാനത്ത് എത്തിയിട്ടുണ്ട്.


ഇൻസ്റ്റഗ്രാമിലെ ഒരു പോസ്റ്റിന് കോഹ്‌ലിക്ക് കിട്ടുന്നത് 5 കോടിയാണ് (680,000 ഡോളർ). പട്ടികയിൽ 27-ാം സ്ഥാനത്തള്ള പ്രിയങ്കക്ക്​ ഇൻസ്റ്റഗ്രാമിൽ പോസ്റ്റ്​ ചെയ്യുന്ന ഓരോ പ്രമോഷണൽ പോസ്റ്റിനും 403,000 ഡോളർ (ഏകദേശം 3 കോടി) ആണ് ലഭിക്കുന്നത്​. കഴിഞ്ഞ വർഷം 19-ാം സ്ഥാനത്തായിരുന്നു പ്രിയങ്ക. വിരാട് കോഹ്‌ലിക്ക് ഇൻസ്റ്റാഗ്രാമിൽ 132 ദശലക്ഷം ഫോളോവേഴ്‌സും പ്രിയങ്ക ചോപ്രയ്ക്ക് 65 ദശലക്ഷം ഫോളോവേഴ്‌സുമാണുള്ളത്​.


ഇൻസ്റ്റയിൽ 308 ദശലക്ഷം പിന്തുടർച്ചക്കാരുള്ള ഫുട്ബാൾ ഇതിഹാസം ക്രിസ്റ്റ്യാനോ റൊണാൾഡോയാണ് സമ്പന്നരുടെ പട്ടികയിൽ ഒന്നാം സ്ഥാനത്ത്​. ഒരു സ്പോൺസേഴ്ഡ് പോസ്റ്റിന് റൊണാൾഡോയ്ക്ക് കിട്ടുന്നത് 11.9 കോടി രൂപയാണ്​. താരത്തിന്​ തൊട്ടുപിന്നിലുള്ളതാക​െട്ട ഹോളിവുഡ്​ സൂപ്പർസ്റ്റാർ ഡ്വെയ്ൻ 'ദി റോക്ക്' ജോൺസണാണ്​. 11.3 കോടിയാണ് അദ്ദേഹത്തിന് ഒരു പോസ്റ്റിന് ലഭിക്കുന്നത്. മൂന്നാമതുള്ള പോപ്​ ഗായിക അരിയാന ഗ്രാൻഡെക്ക്​ ലഭിക്കുന്നത്​ 11.2 കോടിരൂപയാണ്​. കെയ്‌ലി ജെന്നർ, സെലെന ഗോമസ് എന്നിവരും പട്ടികയിൽ ഇടം നേടിയിട്ടുണ്ട്. ഓരോ വർഷം ഇൻസ്റ്റഗ്രാം സമ്പന്നരുടെ പട്ടിക പുറത്തു വിടാറുണ്ട്.

Show Full Article
TAGS:Virat Kohli Priyanka Chopra Instagram Rich List 2021 Instagram 
News Summary - Virat Kohli Priyanka Chopra on Instagram Rich List 2021
Next Story