ട്രംപി​െൻറ സ്വന്തം 'സോഷ്യൽ മീഡിയ'യക്ക്​ ആയുസ്​ ഒരു മാസം മാത്രം; ട്രംപ്​ ഡെസ്​ക്​ ബ്ലോഗ്​ പൂട്ടി

വാഷിങ്​ടൺ: അമേരിക്കൻ പ്രസിഡന്‍റ്​ തെരഞ്ഞെടുപ്പിനിടയിലും ശേഷവും നടത്തിയ അതിക്രമങ്ങൾക്ക്​​ ട്വിറ്ററിൽനിന്നും ഫേസ്​ബുക്കിൽനിന്നും ഇൻസ്റ്റാഗ്രാമിൽ നിന്നും പുറന്തള്ളപ്പെട്ട ഡോണൾഡ്​ ട്രംപ്​ പ്രതികാരം ചെയ്തത്​ സ്വന്തം സമൂഹ മാധ്യമ പ്ലാറ്റ്​ഫോം തുടങ്ങും എന്ന്​ പ്രഖ്യാപിച്ചുകൊണ്ടായിരുന്നു. മുൻ പ്രസിഡൻറി​െൻറ വീരവാദങ്ങൾ കേട്ട്​ എന്തോ വലിയ സംഭവം പ്രതീക്ഷിച്ചവരെ വരവേറ്റത്​ എല്ലാവരും മറന്നുതുടങ്ങിയ വേർഡ്​പ്രസ്​ ​ബ്ലോഗും. ട്വിറ്ററിന്‍റെ പ്രാഗ്​രൂപം പോലെ തോന്നിച്ച 'ഫ്രം ദ ഡെസ്​ക്​ ഒാഫ്​ ഡൊണാൾഡ്​ ട്രംപ്​'​ എന്ന ​ബ്ലോഗിൽ ട്രംപിന്‍റെ പ്രസ്​താവനകളും പ്രഖ്യാപനങ്ങളും മാത്രമായിരുന്നു ഉണ്ടായിരുന്നത്​.

എന്നാൽ, സ്വന്തം 'സോഷ്യൽ മീഡിയ' തുടങ്ങി ഒരുമാസം പിന്നിടവേ, ട്രംപിന്​ വീണ്ടും പണി കിട്ടിയിരിക്കുകയാണ്​. അദ്ദേഹത്തി​െൻറ ബ്ലോഗും ഇപ്പോൾ നീക്കം ചെയ്യപ്പെട്ടുകഴിഞ്ഞു. സ്വന്തം വെബ്​സൈറ്റി​െൻറ ഉപവിഭാഗമായിരുന്ന ട്രംപ്​ ഡസ്​ക്​ എന്ന ബ്ലോഗ്​ അവിടെ നിന്നും നീക്കിയിട്ടുണ്ട്​. ട്രംപി​െൻറ മുതിര്‍ന്ന സഹായി ജേസണ്‍ മില്ലർ അത്​ സ്ഥിരീകരിച്ചു​. അതേസമയം, നിലവിലെ ബ്ലോഗ് പൂട്ടുന്നത് ട്രംപ്​​ ഒരു പുതിയ സോഷ്യല്‍ മീഡിയ പ്ലാറ്റ്‌ഫോമില്‍ ചേരുന്നതി​െൻറ ഭാഗമായാണെന്നും അദ്ദേഹം സൂചന നൽകി. എന്നാൽ, ഏത്​ സോഷ്യൽ മീഡിയ ആണെന്ന്​ പുറത്തുവിട്ടിട്ടില്ല.

മെയ്​ നാലിനായിരുന്നു ട്രംപ്​ ബ്ലോഗ്​ തുടങ്ങിയത്​. ട്വിറ്ററിലും ഫേസ്​ബുക്കിലും സ്വന്തം പേരിൽ അക്കൗണ്ട്​ തുടങ്ങി പോസ്റ്റുകളിടാൻ സാധിക്കാതെ വന്നതോടെ നിലവിലെ സംഭവങ്ങളെക്കുറിച്ചുള്ള ത​െൻറ ചിന്തകൾ ട്രംപ് ബ്ലോഗിൽ​ പോസ്റ്റുചെയ്യും​. വായനക്കാർക്ക്​​​​ അവരുടെ സോഷ്യൽ മീഡിയ അക്കൗണ്ടുകളിൽ ട്രംപി​െൻറ വാക്കുകൾ പങ്കുവെക്കാം. അതിലൂടെ പ്രമുഖ സോഷ്യൽ മീഡിയകളിൽ നിറഞ്ഞുനിൽക്കാനുമായിരുന്നു അദ്ദേഹത്തി​െൻറ പദ്ധതി.