Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightTECHchevron_rightTech Newschevron_rightട്രംപി​െൻറ ലക്ഷ്യം...

ട്രംപി​െൻറ ലക്ഷ്യം രാഷ്​ട്രീയ നേട്ടം; നിരോധനം തടയണമെന്ന്​​ ടിക്​ടോക്​ കോടതിയിൽ

text_fields
bookmark_border
ട്രംപി​െൻറ ലക്ഷ്യം രാഷ്​ട്രീയ നേട്ടം; നിരോധനം തടയണമെന്ന്​​ ടിക്​ടോക്​ കോടതിയിൽ
cancel

വാഷിങ്​ടൺ: സെപ്​റ്റംബർ 20 മുതൽ ചൈനീസ്​ ആപുകളായ ടിക്​ ടോകിനും വീചാറ്റിനും യു.എസിൽ നിയന്ത്രണമേർപ്പെടുത്തുമെന്ന്​ ട്രംപ്​ ഭരണകൂടം പ്രഖ്യാപിച്ചിരിക്കുകയാണ്​. ആപ്പിൻെറ ഡൗൺലോഡിങ്​ നിരോധിക്കാനാണ്​ യു.എസ്​ നീക്കം. ആപ്പിൾ സ്​റ്റോറിൽ നിന്നും ഗൂഗിൾ പ്ലേ സ്​റ്റോറിൽ നിന്നും ആപ്പുകൾ ഒഴിവാക്കണമെന്ന്​ യു.എസ്​ കോമേഴ്​സ്​ ഡിപ്പാർട്ട്​മെൻറ്​ പുറത്തിറക്കിയ ഉത്തരവിൽ വ്യക്​തമാക്കുന്നു. എന്നാൽ, ട്രംപി​െൻറ നീക്കത്തിനെതിരെ കോടതിയെ സമീപിച്ചിരിക്കുകയാണ്​ ടിക്​ടോക്​.

ടിക്​ടോകി​െൻറ മാതൃ കമ്പനിയായ ബൈറ്റ്​ ഡാൻസ്​ വാഷിങ്​ടണിലെ ഫെഡറൽ കോടതിയിൽ ഇതുമായി ബന്ധപ്പെട്ട്​ പരാതി നൽകി. രാഷ്​ട്രീയ നേട്ടമുണ്ടാക്കാനായി ഷോട്​ വിഡിയോ ആപ്പ്​ നിരോധിക്കാനുള്ള ട്രംപ്​ ഭരണകൂടത്തി​െൻറ നീക്കം തടയണമെന്നാണ്​ ബൈറ്റ്​ഡാൻസ്​ കോടതിയിൽ പറഞ്ഞത്​. ​പൗരൻമാരുടെ സംസാര സ്വാതന്ത്ര്യത്തിൻമേലുള്ള കടന്നുകയറ്റമാണിതെന്നും പരാതിയിൽ പറയുന്നു. ലക്ഷക്കണക്കിന്​ ആളുകളുടെ ഒരു ഒാൺലൈൻ സമൂഹത്തെ നശിപ്പിക്കാനുള്ള നീക്കം കൂടിയാണിതെന്നും അവർ ഒരുമിച്ച്​ കൂടി സ്വതന്ത്രമായി അഭിപ്രായം പങ്കുവെക്കുന്നത്​ തടയുകയാണെന്നും ബൈറ്റ്​ഡാൻസ്​ പരാതിയിൽ പറയുന്നു.

കഴിഞ്ഞ കുറച്ചുമാസങ്ങളായി പലതവണയായി ടിക്​ടോക്​ അമേരിക്കൻ സർക്കാരിനെതിരെ കോടതിയെ സമീപിച്ചിരുന്നു. അമേരിക്കൻ ഉപയോക്​താക്കളുടെ സ്വകാര്യതയുടെ കാര്യത്തിലും സുരക്ഷയിലും തങ്ങൾക്കുള്ള പ്രതിബദ്ധത വെളിവാക്കുന്ന തെളിവുകൾ ഹാജരാക്കിയിട്ടുണ്ടെങ്കിലും കൊമേഴ്​സ്​ ഡിപ്പാർട്ട്​മെൻറ്​ അത്​ അവഗണിക്കുകയായിരുന്നുവെന്നും ബൈറ്റ്​ ഡാൻസ്​ ചൂണ്ടിക്കാട്ടുന്നു. യു.എസ്​ കമ്പനികളുമായി ടിക്​ ടോക്​ ഏതെങ്കിലും തരത്തിലുള്ള ഇടപാടുകൾ നടത്തുന്നെങ്കിൽ അത്​ 45 ദിവസത്തിനകം പൂർത്തിയാക്കണമെന്ന്​ ​നേരത്തെ ട്രംപ്​ അന്ത്യശാസനം നൽകിയിരുന്നു.

Show Full Article
TAGS:tiktok ban Donald Trump tiktok 
Web Title - TikTok Sues Trump Administration to Prevent App Ban in the U.S
Next Story