Begin typing your search above and press return to search.
exit_to_app
exit_to_app
അമേരിക്കയിലും ബ്രിട്ടനിലും യൂട്യൂബിനെ മറികടന്ന്​ ടിക്​ ടോക്​; ചൈനീസ്​ ആപ്പിനിത്​ ചരിത്ര നേട്ടം
cancel
Homechevron_rightTECHchevron_rightTech Newschevron_rightഅമേരിക്കയിലും...

അമേരിക്കയിലും ബ്രിട്ടനിലും യൂട്യൂബിനെ മറികടന്ന്​ ടിക്​ ടോക്​; ചൈനീസ്​ ആപ്പിനിത്​ ചരിത്ര നേട്ടം

text_fields
bookmark_border

അമേരിക്കയിലും ബ്രിട്ടനിലും യൂട്യൂബിനെ മലർത്തിയടിച്ച്​ ചൈനീസ്​ ഷോർട്ട്​ വിഡിയോ ആപ്പായ ടിക്​​ടോക്​. ശരാശരി ഉപയോഗ സമയത്തി​െൻറ കാര്യത്തിലാണ്​ ഗൂഗ്​ളി​െൻറ യൂട്യൂബിനെ ടിക്​ടോക്​ മറികടന്നിരിക്കുന്നത്​. ഇരു രാജ്യങ്ങളിലെയും ഉപയോക്താക്കൾ എല്ലാ മാസവും ഉള്ളടക്കം കാണാനായി അവരുടെ കൂടുതൽ സമയവും ചെലവഴിക്കുന്നത്​ ടിക്​ ടോക്കിലാണെന്നാണ്​​ റിപ്പോർട്ടുകൾ പറയുന്നത്​.

കഴിഞ്ഞ വര്‍ഷം ഓഗസ്റ്റിലാണ്​ അമേരിക്കയിൽ ടിക്​ ടോക്​ യൂട്യൂബിനെ മറികടന്നത്​. ആപ്പ് അനലിറ്റിക്‌സ് സ്ഥാപനമായ ആപ് ആനിയുടെ 2021 ജൂണ്‍ വരെയുള്ള കണക്കുകൾ പ്രകാരം അമേരിക്കയിലെ ഉപയോക്താക്കള്‍ ടിക്‌ടോക്ക് വിഡിയോ പ്രതിമാസം ശരാശരി 24 മണിക്കൂർ നേരമാണ്​ കണ്ടത്​. എന്നാൽ, യൂട്യൂബ് കണ്ടത് 22 മണിക്കൂറും 40 മിനിറ്റും മാത്രമാണ്. യുകെയിലും സ്ഥിതി സമാനമാണ്​. ആളുകള്‍ 26 മണിക്കൂര്‍ ടിക്‌ടോക്ക് വിഡിയോകൾ കാണു​േമ്പാൾ യൂട്യൂബ് കാണുന്നത് 16 മണിക്കൂര്‍ മാത്രമാണെന്നും ആപ്​ ആനിയുശട കണക്കുകള്‍ ചൂണ്ടിക്കാട്ടുന്നു.

എന്തായാലും പുതിയ കണക്കുകൾ, ടിക്​​ ടോക്കിലെ ഹൃസ്വ വിഡിയോകൾക്ക്​ ലഭിക്കുന്ന സ്വീകാര്യതയാണ്​ ദൃശ്യമാക്കുന്നത്​. യൂട്യൂബിലെ ദൈർഘ്യമേറിയ വിഡിയോകളേക്കാൾ ടിക്​ടോക്കിലെ മൂന്ന്​ മിനിറ്റ്​ വരെയുള്ള ചെറു വിഡിയോകളിൽ സമയം ചെലവഴിക്കാനാണ്​ ആളുകൾ താൽപര്യപ്പെടുന്നത്​. അമേരിക്കയിൽ ഏതാനും മാസങ്ങൾക്ക്​ മുമ്പ്​ നേരിട്ട വിലക്ക്​ ഭീഷണികൾ അതിജീവിച്ചുകൊണ്ടാണ്​ ടിക്​ ടോക്​ ഇൗ നേട്ടം സ്വന്തമാക്കിയതെന്നതും ശ്രദ്ധേയമാണ്​.

അതേസമയം, പുറത്തുവന്ന കണക്കുകൾ, ആൻഡ്രായ്​ഡ്​ ഫോണിലെ കാഴ്​ച്ചക്കാരെ മാത്രമാണ്​ സൂചിപ്പിക്കുന്നത്​. അതുകൊണ്ടുതന്നെ മൊത്തം സ്​മാർട്ട്​ഫോൺ ഉപയോക്​താക്കളെ ആപ്​ ആനിയുടെ ഡാറ്റ പ്രതിനിധീകരിക്കുന്നില്ല.

Show Full Article
TAGS:TikTok YouTube US Britain 
News Summary - TikTok overtakes YouTube in US average watch time
Next Story