Begin typing your search above and press return to search.
exit_to_app
exit_to_app
സൈബർ പീപ്പിയുമായി ഇലോൺ മസ്​ക്​; ആപ്പിൾ തുണി വാങ്ങി പണം കളയരുതെന്നും ഉപദേശം
cancel
Homechevron_rightTECHchevron_rightTech Newschevron_right'സൈബർ പീപ്പിയുമായി'...

'സൈബർ പീപ്പിയുമായി' ഇലോൺ മസ്​ക്​; ആപ്പിൾ തുണി വാങ്ങി പണം കളയരുതെന്നും ഉപദേശം

text_fields
bookmark_border

വാഹനപ്രേമികൾക്കിടയിൽ അമ്പരപ്പുണ്ടാക്കിയ വാഹനമായിരുന്നു ഇലോൺ മസ്​കി​െൻറ ടെസ്​ല നിർമിച്ച സൈബർ ട്രക്ക്​. ലോകമിതുവരെ കണ്ടുപരിചയിച്ച എല്ലാ വാഹന രൂപകൽപന സങ്കൽപങ്ങളേയും അട്ടിമറിക്കുന്ന സവിശേഷതകളുമായായിരുന്നു സൈബർ ട്രക്ക് അവതരിച്ചത്​​. ഒറ്റനോട്ടത്തിൽ അന്യഗ്രഹത്തിൽ നിന്ന്​ വന്നതാണോ എന്ന്​ പോലും സംശയിച്ചുപോകും. ടെസ്​ല 2019ൽ സൈബർ ട്രക്കി​െൻറ കണ്‍സെപ്റ്റ് മോഡലായിരുന്നു അവതരിപ്പിച്ചത്​. വൈകാതെ വാഹനം വിപണിയിലെത്തുമെന്നാണ്​ പ്രതീക്ഷിക്കുന്നത്​.

എന്നാൽ, സൈബർ ട്രക്കിന് മു​േമ്പ ​​'സൈബർ വിസിലു'മായെത്തി തരംഗം സൃഷ്​ടിച്ചിരിക്കുകയാണ്​ ടെസ്​ല. സൈബർ ട്രക്കി​െൻറ രൂപത്തിൽ നിന്നും പ്രചോദനമുൾക്കൊണ്ട്​ നിർമിച്ച 'പീപ്പി' 50 ഡോളറിനാണ്​​ (3,750 രൂപ) വിൽപ്പനക്കെത്തിയത്​. മണിക്കൂറുകൾ കൊണ്ടാണ് സൈബർ വിസിൽ ചൂടപ്പം പോലെ​ വിറ്റുതീർന്നത്​. ടെസ്​ല സി.ഇ.ഒ ഇലോൺ മസ്​കി​െൻറ ഒരു ട്വീറ്റായിരുന്നു 'സൈബർ പീപ്പി'യെ സൂപ്പർഹിറ്റാക്കിയത്​​.

വിസിൽ പൂർണ്ണമായും വിറ്റുതീർന്നതോടെ, ചില വിരുതൻമാർ ഇ-ബേയിൽ (eBay) വില കൂട്ടിയിട്ട്​ മറിച്ചുവിൽക്കാനും തുടങ്ങി. വിസിലൊന്നിന്​ 2,250 ഡോളറാണ് (1.68 ലക്ഷം രൂപ)​ ചിലർ ഈടാക്കുന്നത്​. അത്​ വാങ്ങാനും വലിയ തിരക്കാണ്​ അനുഭവപ്പെടുന്നത്​.

നേരത്തെ ആപ്പിൾ പുറത്തിറക്കിയ പോളിഷിങ്​ തുണിയുടെ വില എടുത്തുകാണിച്ച്​ ഇലോൺ മസ്​ക്​ ട്രോളുമായി രംഗത്തെത്തിയിരുന്നു. 19 ഡോളറിന്​ വിപണിയിലെത്തിയ പോളിഷിങ്​ ക്ലോത്​ ആപ്പിൾ ഡിവൈസുകളുടെ ഡിസ്​പ്ലേ തുടക്കാനുള്ള മൈക്രോഫൈബർ തുണിയാണ്​. എന്നാലിപ്പോൾ, മസ്​ക്​ ആപ്പിൾ തുണിക്ക്​ പകരം 'സൈബർ പീപ്പി' വാങ്ങിക്കാനാണ്​ നെറ്റിസൺസിനോട്​ ആവശ്യപ്പെടുന്നത്​.


Show Full Article
TAGS:Tesla Elon Musk Cyber Whistle Cyber Truck Apple 
News Summary - Tesla CEO Elon Musk just introduced the companys latest product cyber whistle
Next Story