വിവാഹ സൽക്കാരം 'മെറ്റാവേഴ്​സിൽ'; വേദി - ഹാരി പോട്ടർ യൂനിവേഴ്​സ്, എൻട്രി ഡിജിറ്റൽ അവതാറുകളായി വന്നാൽ മാത്രം

അതെ, ആദ്യമായി മെറ്റാവേഴ്​സിൽ ഒരു വിവാഹ സൽക്കാരം നടക്കാൻപോവുകയാണ്​. തമിഴ്​നാട്ടിൽ നിന്നുള്ള നവ ദമ്പതികളായ ദിനേശ് എസ്.പിയും ജനഗനന്ദിനി രാമസ്വാമിയുമാണ്​ വ്യത്യസ്തമായ ആശയവുമായി രംഗത്തെത്തിയിരിക്കുന്നത്​. ഇരുവരുടെയും വിവാഹം ഫെബ്രുവരിയിലെ ആദ്യ ഞായറാഴ്ച്ച​ തമിഴ്‌നാട്ടിലെ ശിവലിംഗപുരം ഗ്രാമത്തിൽ വെച്ചാണ്​​ നടക്കാൻ പോകുന്നത്​. എന്നാൽ റിസപ്​ഷൻ ഡിജിറ്റലായി സംഘടിപ്പിക്കാൻ ഇരുവരും തീരുമാനിക്കുകയായിരുന്നു.

ലോകമെമ്പാടുമുള്ള തങ്ങളുടെ കുടുംബാംഗങ്ങളും സുഹൃത്തുക്കളും വെർച്വലി സൽക്കാരത്തിൽ പ​​െങ്കടുക്കുമെന്നും അവർ പറയുന്നു. 'മെറ്റാവേഴ്​സിൽ വിവാഹം സൽക്കാരം നടത്തുക എന്ന ആശയം എ​േൻറതായിരുന്നു, അവൾക്കും​ അത്​ ഇഷ്​ടപ്പെട്ടു. -മദ്രാസിലെ ഐഐടിയിൽ പ്രൊജക്റ്റ് അസോസിയേറ്റ് ആയ ദിനേശ്​ ടൈംസ്​ ഒാഫ്​ ഇന്ത്യയോട്​ പറഞ്ഞു.

ഞാൻ ഏറെക്കാലമായി ക്രിപ്​റ്റോയിലും ബ്ലോക്​ചെയിനിലും ഏർപ്പെട്ടിരിക്കുകയായിരുന്നു. കഴിഞ്ഞ ഒരു വർഷമായി ഒരു തരം ക്രിപ്​റ്റോകറൻസിയായ എഥറിയം ഖനനം ചെയ്​തുകൊണ്ടിരിക്കുകയാണ്​. ബ്ലോക്ക്‌ചെയിൻ മെറ്റാവേഴ്സിന്റെ അടിസ്ഥാന സാങ്കേതിക വിദ്യയായതിനാൽ, എന്റെ കല്യാണം നിശ്ചയിച്ചപ്പോൾ, മെറ്റാവേഴ്സിൽ അതി​െൻറ റിസപ്ഷൻ നടത്തിയലാലോ എന്ന്​ ചിന്തിച്ചു," - ദിനേശ്​ കൂട്ടിച്ചേർത്തു.

ദിനേശന്റെ പ്രതിശ്രുതവധു ജനഗനന്ദിനി വെർച്വൽ വിവാഹ റിസപ്​ഷൻ എന്ന ആശയത്തിൽ അങ്ങേയറ്റം ത്രില്ലടിച്ചിരിക്കുകയാണ്​. "ഞങ്ങൾ ഇൻസ്റ്റാഗ്രാമിലാണ്​ ആദ്യമായി കണ്ടുമുട്ടിയത്​, അതുകൊണ്ട്​ തന്നെ ഞങ്ങളുടെ വിവാഹ സൽക്കാരം മെറ്റയിൽ നടക്കുന്നത്​ ഒരുതരത്തിൽ പറഞ്ഞാൽ ഏറ്റവും അനുയോജ്യമാണ്​," -അവർ പറഞ്ഞു.

വിവാഹം സൽക്കാരം നടക്കുക ഹാരി പോട്ടർ യൂനിവേഴ്​സിൽ

ദിനേശും ജനഗനന്ദിനിയും വലിയ ഹാരി പോട്ടർ ഫാൻസാണ്​. അതുകൊണ്ട്​ തന്നെ ഹാരി പോട്ടർ യൂനിവേഴ്​സിൽ നിന്ന് പ്രചോദനം ഉൾക്കൊണ്ടതായിരിക്കും അവർ വിവാഹ സൽക്കാരം സംഘടിപ്പിക്കുക.

പരമ്പരാഗത വസ്ത്രങ്ങൾ ധരിച്ച അവതാറുകളായിട്ടാകും വധൂവരന്മാർ പ്രത്യക്ഷപ്പെടുക. അതിഥികൾക്ക് ഇഷ്​ടമുള്ള അവതാറുകളെ തിരഞ്ഞെടുത്ത് റിസപ്ഷനിലേക്ക് പ്രവേശിക്കാൻ കഴിയുന്ന ലോഗിൻ വിശദാംശങ്ങൾ നൽകും. ഒരു മണിക്കൂർ ദൈർഘ്യമുള്ള റിസപ്ഷനിൽ അവർക്ക് മറ്റ് അതിഥികളുമായി മെറ്റാവേഴ്​സിൽ വെച്ച്​ സംവദിക്കാനും കഴിയും.

അതേസമയം, ഇന്ത്യയിലെ ആദ്യത്തെ മെറ്റാവേർസ് വിവാഹ സൽക്കാരം എങ്ങനെയായിരിക്കുമെന്ന്​ കാണിക്കാനായി ദിനേശ്​ ഒരു ചെറിയ വീഡിയോ പങ്കുവെച്ചിട്ടുണ്ട്​.

എന്താണ്​ മെറ്റാവേഴ്​സ്​..?

യ​ഥാ​ർ​ഥ ലോ​ക​ത്തി​െ​ൻ​റ പ​തി​പ്പാ​യ ത്രി​മാ​ന ലോ​ക​മെന്ന്​​ മെറ്റാവേഴ്​സിനെ കുറിച്ച്​ പറയാം. അവിടെ യൂസർമാർക്ക്​​ ഡിജിറ്റൽ അ​വ​താ​റു​ക​ളാ​യി മാ​റി​, ജീ​വി​ക്കാ​നും ഇ​ട​പ​ഴ​കാ​നും സം​സാ​രി​ക്കാ​നും സാധിക്കും. ഓഗ്‌മെന്റഡ് റിയാലിറ്റി, ബ്ലോക്ക്‌ചെയിൻ, വെർച്വൽ റിയാലിറ്റി തുടങ്ങിയ സാങ്കേതികവിദ്യകളുടെ ഒന്നിലധികം ഘടകങ്ങൾ ഒത്തുചേർന്നാണ്​ ഇത്​ യാഥാർഥ്യമാകുന്നത്​.

അതേസമയം, വെർച്വൽ റിസ്​പ്​ഷനിൽ പ​െങ്കടുക്കുന്ന അതിഥികൾക്ക്​ വധൂവരന്മാരുമായി ഇടപഴകാൻ മാത്രമല്ല, അവർക്ക് സമ്മാനങ്ങൾ നൽകാനും കഴിയും. കഴിയും. "ഞങ്ങൾ വിവാഹ സമ്മാനങ്ങളും മെറ്റാവേർസ് വഴി സ്വീകരിക്കുന്നുണ്ട്​," -ദിനേശ് പറയുന്നു. "അതിഥികൾക്ക് ഗിഫ്​റ്റ്​ വൗച്ചറുകളോ അല്ലെങ്കിൽ ഗൂഗിൾ പേ ആയോ സമ്മാനങ്ങൾ നൽകാം. കൂടാതെ ഞങ്ങൾ ക്രിപ്‌റ്റോകളും സമ്മാനമായി സ്വീകരിക്കുന്നു." - അദ്ദേഹം കൂട്ടിച്ചേർത്തു.