Begin typing your search above and press return to search.
exit_to_app
exit_to_app
5.3 കോടി വരിക്കാരുടെ സ്വകാര്യ വിവരങ്ങൾ ചോർന്നു; മാപ്പ്​ പറഞ്ഞ്​ ടി-​മൊബൈൽ സി.ഇ.ഒ
cancel
Homechevron_rightTECHchevron_rightTech Newschevron_right5.3 കോടി വരിക്കാരുടെ...

5.3 കോടി വരിക്കാരുടെ സ്വകാര്യ വിവരങ്ങൾ ചോർന്നു; മാപ്പ്​ പറഞ്ഞ്​ ടി-​മൊബൈൽ സി.ഇ.ഒ

text_fields
bookmark_border

5.3 കോടിയോളം വരുന്ന തങ്ങളുടെ വരിക്കാരെ ബാധിച്ച വിവരച്ചോർച്ചയിൽ മാപ്പ്​ ചോദിച്ച്​ പ്രമുഖ അന്താരാഷ്​ട്ര ടെലികോം കമ്പനിയായ ടി-മൊബൈലി​െൻറ സി.ഇ.ഒ മൈക്​ സിവെർട്ട്​. ദിവസങ്ങൾക്ക്​ മുമ്പ്​ നടന്ന ഹാക്കിങ്ങിലാണ്​ സൈബർ കുറ്റവാളികൾ 53 ദശലക്ഷം ടി-​മൊബൈൽ വരിക്കാരുടെ സ്വകാര്യം വിവരങ്ങൾ ചോർത്തിയത്​. ഹാക്കിങ്ങിനെ തുടർന്ന്​ കമ്പനി ആന്തരികമായി നടത്തിയ അന്വേഷണം പൂർത്തിയായതായും വിവരച്ചോർച്ച നടന്നത്​ സ്ഥിരീകരിച്ചിട്ടുണ്ടെന്നും അദ്ദേഹം വ്യക്​തമാക്കി.

'വിവരച്ചോർച്ച തടയുന്നതിൽ നമ്മൾ പരാജയപ്പെട്ടു എന്നുള്ളതാണ്​ ഇൗ സംഭവത്തിലെ ഏറ്റവും കഠിനമായ ഭാഗങ്ങളിലൊന്ന്​. ടീം മജന്തയിലെ എല്ലാവർക്കും വേണ്ടി ഞാൻ അതിൽ അതീവമായ ഖേദം രേഖപ്പെടുത്തുന്നു.' - സിവെർട്ട്​ പറഞ്ഞു. ജർമനി, അമേരിക്ക, നെതർലൻഡ്​സ്​, ചെക്ക്​ റിപബ്ലിക്​, തുടങ്ങിയ രാജ്യങ്ങളിൽ സേവനം നടത്തുന്ന ടെലികോം കമ്പനിയാണ്​ ടി-മൊബൈൽ.

'ടി-മൊബൈൽ പോലുള്ള സംവിധാനങ്ങൾ ചൂഷണം ചെയ്യാനും ആക്രമിക്കാനും ചില ദുഷ്​ട ശക്​തികൾ അനന്തമായി പ്രവർത്തിക്കുന്നുണ്ട്​..., കമ്പനി അവരെ പ്രതിരോധിക്കാൻ ശ്രമിക്കുന്നുണ്ടെങ്കിലും ഉപഭോക്താക്കളുടെ പ്രതീക്ഷകൾക്ക് അനുസൃതമായി ഉയരാൻ സാധിച്ചില്ല. എന്നാൽ, ഞങ്ങളിൽ നിങ്ങൾക്കുണ്ടായിരുന്ന വിശ്വാസത്തെ പുനർനിർമ്മിക്കാനായി കമ്പനിയുടെ സുരക്ഷാ പരിശ്രമങ്ങൾ അടുത്ത ഘട്ടത്തിലേക്ക്​ കൊണ്ടുപോവുന്നതിൽ ഞങ്ങൾ പൂർണ്ണമായി പ്രതിജ്ഞാബദ്ധരാണ്," -സിവെർട്ട് കൂട്ടിച്ചേർത്തു.

Show Full Article
TAGS:T Mobile Data Breach Hacking Hacker 
News Summary - T-Mobile CEO apologizes for the hack that exposed data of 53 million people
Next Story