‘ഓ​ൺ​ലൈ​ൻ സ​മ്മാ​ന വാ​ഗ്ദാ​ന​ങ്ങ​ളി​ൽ വീ​ഴേ​ണ്ട; ച​തി​യു​ണ്ട്’​, മു​ന്ന​റി​യി​പ്പു​മാ​യി അ​ബൂ​ദ​ബി പൊ​ലീ​സ്

അ​ബൂ​ദ​ബി: സ​ർ​ക്കാ​ർ സ്ഥാ​പ​ന​ങ്ങ​ളു​ടെ​യും പ്ര​മു​ഖ ക​മ്പ​നി​ക​ളു​ടെ​യും വ്യാ​ജ വെ​ബ്സൈ​റ്റ്​ ലി​ങ്കു​ക​ളും സ​ന്ദേ​ശ​ങ്ങ​ളും അ​യ​ച്ചു​ന​ൽ​കി​യും ഫോ​ൺ വി​ളി​ച്ചും ന​ട​ത്തു​ന്ന ത​ട്ടി​പ്പു​ക​ൾ​ക്കെ​തി​രെ മു​ന്ന​റി​യി​പ്പു​മാ​യി അ​ബൂ​ദ​ബി പൊ​ലീ​സ്. പ്ര​മു​ഖ റ​സ്റ്റാ​റ​ന്‍റു​ക​ളു​ടെ​യും ഷോ​പ്പു​ക​ളു​ടെ​യും വ്യാ​ജ വെ​ബ്സൈ​റ്റു​ക​ൾ വ​ഴി പ്ര​ത്യേ​ക ഓ​ഫ​റു​ക​ളാ​ണ്​ സം​ഘം വാ​​ഗ്ദാ​നം ചെ​യ്യു​ക. തു​ട​ർ​ന്ന്​ ഈ ​ഓ​ഫ​റു​ക​ൾ ല​ഭി​ക്കു​ന്ന​തി​നാ​യു​ള്ള ഫീ​സ് ക്രെ​ഡി​റ്റ് കാ​ർ​ഡി​ലൂ​ടെ അ​ട​ക്കാ​ൻ ആ​വ​ശ്യ​പ്പെ​ടും. ഇ​ങ്ങ​നെ പ​ണ​മ​ട​ക്കു​ന്ന​വ​രു​ടെ അ​ക്കൗ​ണ്ട്​ വി​വ​ര​ങ്ങ​ളാ​ണ്​ സം​ഘം ത​ട്ടി​യെ​ടു​ക്കു​ന്ന​ത്.

ഷി​പ്പി​ങ് ചാ​ർ​ജും ഇ​ൻ​ഷു​റ​ൻ​സ് തു​ക​യും ന​ൽ​കി​യാ​ൽ സ​മ്മാ​നം ന​ൽ​കാ​മെ​ന്ന രീ​തി​യി​ൽ സ​മൂ​ഹ മാ​ധ്യ​മ​ങ്ങ​ളി​ലൂ​ടെ​യും സ്മാ​ർ​ട്ട് ഫോ​ൺ ആ​പ്പു​ക​ളി​ലൂ​ടെ​യും ന​ൽ​കു​ന്ന വ്യാ​ജ ഇ​ല​ക്ട്രോ​ണി​ക് പ​ര​സ്യ​ങ്ങ​ളു​മാ​യി സ​ഹ​ക​രി​ക്ക​രു​തെ​ന്നും പൊ​ലീ​സ് മു​ന്ന​റി​യി​പ്പ്​ ന​ൽ​കി.

ത​ട്ടി​പ്പി​നാ​യി സം​ഘം തു​ട​ങ്ങി​യ ബാ​ങ്ക് അ​ക്കൗ​ണ്ടു​ക​ളി​ലേ​ക്കോ രാ​ജ്യ​ത്തെ ധ​ന​വി​നി​മ​യ സ്ഥാ​പ​ന​ങ്ങ​ളി​ലൂ​ടെ​യോ പ​ണം അ​യ​ക്കാ​നാ​വും ത​ട്ടി​പ്പു​കാ​ർ ആ​വ​​ശ്യ​പ്പെ​ടു​ന്ന​ത്.

തൊ​ഴി​ൽ​വാ​​ഗ്ദാ​നം ചെ​യ്തു ത​ട്ടി​പ്പു​ന​ട​ത്തു​ന്ന സം​ഘ​ത്തെ​ക്കു​റി​ച്ചും പൊ​ലീ​സ് മു​ന്ന​റി​യി​പ്പ് ന​ൽ​കി. യ​ഥാ​ർ​ഥ സ്ഥാ​പ​ന​ങ്ങ​ളു​ടെ പേ​രി​നോ​ട് സാ​മ്യ​പ്പെ​ടു​ത്തി​യു​ണ്ടാ​ക്കു​ന്ന വെ​ബ്സൈ​റ്റു​ക​ളി​ലൂ​ടെ തൊ​ഴി​ൽ വാ​​ഗ്ദാ​നം ചെ​യ്യു​ക​യും ഇ​തി​നോ​ട് പ്ര​തി​ക​രി​ക്കു​ന്ന​വ​രോ​ട് പ്രൊ​സ​സി​ങ് ഫീ​സ് ആ​യി പ​ണം വാ​ങ്ങു​ക​യു​മാ​ണ്​ ചെ​യ്യു​ന്ന​ത്.

ഓ​ൺ​ലൈ​ൻ ബാ​ങ്കി​ങ് സേ​വ​ന​ങ്ങ​ളു​മാ​യി ബ​ന്ധ​പ്പെ​ട്ട​തോ എ.​ടി.​എം കാ​ർ​ഡു​മാ​യി ബ​ന്ധ​പ്പെ​ട്ട​തോ ആ​യ ര​ഹ​സ്യ​വി​വ​ര​ങ്ങ​ൾ ആ​രു​മാ​യും കൈ​മാ​റ​രു​തെ​ന്നും ബാ​ങ്കു​ക​ൾ ഉ​പ​യോ​​ക്താ​ക്ക​ളോ​ട് ഇ​ത്ത​രം വി​വ​ര​ങ്ങ​ൾ ആ​വ​ശ്യ​പ്പെ​ടാ​റി​ല്ലെ​ന്നും പൊ​ലീ​സ് പ​റ​ഞ്ഞു. ബാ​ങ്കി​ങ് വി​ശ​ദാം​ശ​ങ്ങ​ൾ അ​പ്ഡേ​റ്റ് ചെ​യ്യു​ന്ന​തി​നോ മ​റ്റോ ആ​വ​ശ്യ​പ്പെ​ട്ട് അ​ജ്ഞാ​ത​ർ വി​ളി​ച്ചാ​ൽ ഉ​ട​ൻ 8002626 എ​ന്ന അ​മ​ൻ സ​ർ​വി​സി​ൽ വി​ളി​ക്കു​ക​യോ 2828 എ​ന്ന് എ​സ്‌.​എം.​എ​സ്‌ അ​യ​ക്കു​ക​യോ ചെ​യ്യ​ണ​മെ​ന്ന് പൊ​ലീ​സ് ആ​വ​ശ്യ​പ്പെ​ട്ടു.