ഗൂഗ്​ൾ അസിസ്റ്റൻറും അലക്​സയും സിരിയും സപ്പോർട്ട്​ ചെയ്യുന്ന ഇയർബഡ്​സുമായി സോണി ഇന്ത്യയിൽ

പുതിയ ട്രൂ വയർലെസ്​ ഇയർബഡ്​സുമായി സോണി ഇന്ത്യയിൽ. ഡബ്ല്യു.എഫ്​-എച്ച്​800 എന്ന മോഡലാണ്​ കിടിലൻ ഫീച്ചറുകളുമായി അവതരിപ്പിച്ചിരിക്കുന്നത്​. ഒരേ സമയം ഗൂഗ്​ൾ അസിസ്റ്റൻറ്​, അലെക്സ, സിരി എന്നീ വോയ്​സ്​ അസിസ്റ്റൻറുകൾ സപ്പോർട്ട്​ ചെയ്യുന്ന ഇയർബഡ്​സ്​ എന്ന പ്രത്യേകതയും ഡബ്ല്യു.എഫ്​-എച്ച്​800നുണ്ട്​. വ്യത്യസ്​തവും സുന്ദരവുമായ ഡിസൈനിലാണ്​ നിർമാണം.

14,990 രൂപക്ക്​ ഇന്ത്യയിലെത്തിയ ഇയർബഡ്​സ്​ ഫ്ലിപ്​കാർട്ടിലും സോണി റീ​െട്ടയിൽ സ്​റ്റോറുകളിലും ലഭ്യമായി തുടങ്ങിയിട്ടുണ്ട്​. നിലവിൽ കറുത്ത കളറുള്ള ഒറ്റ മോഡലാണ്​ സോണി പുറത്തിറക്കിയിരിക്കുന്നത്​. ഇയർബഡ്​സ്​ ഉൾകൊള്ളുന്ന കെയ്​സിൽ നിന്നും രണ്ട്​ തവണ ഫുൾ ചാർജ്​ ചെയ്യാവുന്നതാണ്​. ഒറ്റ ചാർജിൽ​ എട്ട്​ മണിക്കൂർ ഉപയോഗിക്കാൻ കഴിയും. പത്ത്​ മിനിറ്റ്​ ചാർജ്​ ചെയ്​താൽ 70 മിനിറ്റ്​ ഉപയോഗിക്കാമെന്നും കമ്പനി വാഗ്​ദാനം ചെയ്യുന്നു.

ഡൗൺലോഡ്​ ചെയ്​തു വെക്കുന്ന പാട്ടുകളും മ്യൂസിക്​ സ്​ട്രീമിങ്​ ആപ്പുകളിൽ കംപ്രെസ്​ ചെയ്​തിട്ടുള്ള പാട്ടുകളും കൂടുതൽ മികവോടെ കേൾക്കാനായി ഡിജിറ്റൽ സൗണ്ട്​ എൻഹാൻസ്​മെൻറ്​ എഞ്ചിൻ HX (DSEE HX) ​െൻറ പിന്തുണയും സോണിയുടെ ഡബ്ല്യു.എഫ്​-എച്ച്​800ലുണ്ട്​​. 6 എംഎം ഉള്ള നിയോഡിമിയം ഡ്രൈവറും പത്ത്​ മീറ്റർ വരെ കണക്ഷൻ പോകാതെ സഹായിക്കുന്ന ബ്ലൂട്ടൂത്ത്​ 5.0യുടെ പിന്തുണയും നൽകിയിരിക്കുന്നു​. SBC, AAC എന്നീ ഒാഡിയോ ഫോർമാറ്റുകൾ പ്ലേ ചെയ്യാൻ പറ്റുമെങ്കിലും ഉയർന്ന LDAC ഫോർമാറ്റിലുള്ള പാട്ടുകൾ കേൾക്കാൻ സാധിക്കില്ല. വാട്ടർ പ്രൂഫിങ്​, ആക്​ടീവ്​ നോയ്​സ്​ കാൻസിലേഷൻ സപ്പോർട്ട്​ എന്നിവയില്ലാത്തതും പോരായ്​മയാണ്​. എന്നാൽ, ഒാ​േട്ടാമാറ്റിക്​ എ.​െഎ നോയ്​സ്​ കാൻസിലേഷൻ തങ്ങൾ ഉൾപ്പെടുത്തിയിട്ടുണ്ടെന്ന്​ സോണി അറിയിച്ചു.