പോക്കറ്റിൽ കിടന്ന മൊബൈൽ പൊട്ടിത്തെറിച്ചു; ഭീതിപ്പെടുത്തുന്ന ദൃശ്യം വൈറൽ

ഷോപ്പിൽ ഇരിക്കവെ യുവാവി​െൻറ പോക്കറ്റിൽ കിടന്ന മൊബൈൽ ഫോൺ പൊട്ടിത്തെറിച്ചു. സി.സി.ടി.വിയിൽ പതിഞ്ഞ വീഡിയോ വൈറൽ. ഗുജറാത്തിലെ പടാനിലാണ്​ സംഭവം.നാലുപേർ ചേർന്ന്​ കടയിൽ സംസാരിച്ചിരിക്കവെ ഒരാളുടെ പോക്കറ്റിൽ കിടന്ന മൊബൈൽ പുകഞ്ഞ്​ കത്തുകയായിരുന്നു. ഉടനെ അദ്ദേഹം മൊബൈൽ പോക്കറ്റിൽ നിന്ന്​ തട്ടി പുറത്തേക്കിട്ടു. കടയിലെ സിസിടിവിയിൽ പതിഞ്ഞ ദൃശ്യങ്ങൾ സമൂഹമാധ്യമങ്ങളിൽ എത്തിയതോടെ വൈറലായി. മൊബൈലിൽ നിന്ന് പുക ഉയരുന്നത് പെ​െട്ടന്ന്​ ശ്രദ്ധിച്ചതിനാൽ ദുരന്തം ഒഴിവായി.

വെള്ളിയാഴ്ച രാവിലെ 10 മണിയോടെയാണ് സംഭവം. ഏപ്രിലിൽ സമാനമായ വീഡിയോ വൈറലായിരുന്നു. അന്ന്​ ചൈനയിലായിരുന്നു അപകടം നടന്നത്​. ഒരാളുടെ ബാഗിലുണ്ടായിരുന്ന മൊബൈൽ വളരെ തിരക്കേറിയ സ്ഥലത്തുവച്ച്​ തീപിടിക്കുകയായിരുന്നു. അന്നും വീഡിയോ സോഷ്യൽ മീഡിയയിൽ വൈറലായിരുന്നു.