ഹലോ താങ്കൾ മദ്യപിച്ചിട്ടുണ്ട്​... സ്​മാർട്ട്​ഫോണിന്​ മദ്യപാനികളെ തിരിച്ചറിയാനും സാധിക്കുമെന്ന്​ പഠനം

നമ്മുടെ സ്മാർട്ട്​ഫോണുകൾ ഇപ്പോൾ ഒരു 'ആൾ ഇൻ വൺ' പാക്കേജായി മാറിക്കൊണ്ടിരിക്കുകയാണ്​. കയ്യിൽ സ്മാർട്ട്​ഫോൺ ഉണ്ടെങ്കിൽ ജീവിതം വളരെ എളുപ്പമാകുന്ന അവസ്ഥയിലേക്ക്​ വരെ കാര്യങ്ങളെത്തി. സ്​മാർട്ട്​ഫോണുകളിലുള്ള സെൻസറുകൾ ഉപയോക്​താക്കൾക്ക്​ ചെയ്​തു തരുന്ന ഉപകാരങ്ങൾ ചില്ലറയല്ല. ഒാരോ സെൻസറുകൾ കൊണ്ടും എന്തൊക്കെ പുതിയ കാര്യങ്ങൾ ചെയ്യിക്കാൻ സാധിക്കുമെന്ന വമ്പൻ പരീക്ഷണങ്ങളിലാണ്​ ഇൗ മേഖലയിലെ ശാസ്​ത്രജ്ഞൻമാർ.

മാനസിക ആരോഗ്യം നിരീക്ഷിക്കാൻ ഗവേഷകർ സ്​മാർട്ട്​ഫോൺ ഉപയോഗിച്ചതിനെ കുറിച്ച്​ നാം മുമ്പ്​ കേൾക്കുകയുണ്ടായി. എന്നാൽ, ഏറ്റവും പുതിയ ഒരു പഠനത്തിൽ വ്യക്​തമാക്കുന്നത്,​ ഒരാളുടെ കയ്യിലുള്ള സ്​മാർട്ട്​ഫോണിന്​ അയാൾ മദ്യപിച്ചിട്ടുണ്ടോ.. ഇല്ല​യോ എന്ന്​ കണ്ടെത്താൻ കഴിയുമെന്നാണ്​. അതും ഫോണിലുള്ള ആക്​സിലറോമീറ്റർ സെൻസർ ഉപയോഗിച്ചുകൊണ്ട്​. സ്റ്റാൻഫോർഡ്​, പിറ്റ്​സ്​ബർഗ്​ സർവകലാശാലകളിലെ ഗവേഷകരാണ്​ പഠനം നടത്തിയത്​.

22 പേരിൽ നടത്തിയ പഠനത്തിന്​ ശേഷമാണ്​ ഗവേഷകർ തങ്ങളുടെ നിരീക്ഷണം പുറത്തുവിട്ടത്​. 92 ശതമാനം സമയത്തും സ്​മാർട്ട്​ഫോണ്​​ ഉപയോഗിച്ചയാൾ മദ്യപിച്ചിട്ടുണ്ടോ എന്ന്​ കണ്ടെത്താനായതായി അവർ ചൂണ്ടിക്കാട്ടുന്നു. മദ്യപിക്കാത്തവരും അൽപ്പം മദ്യം കഴിച്ചവരും നടക്കുന്നതും അമിതമായി മദ്യപിച്ചവർ നടക്കുന്നതും വ്യത്യസ്​ത രീതിയിൽ ആയിരിക്കും. അമിത മദ്യപാനിയുടെ ആടിയാടിയുള്ള നടത്തം നമ്മുടെ ​ആക്​സിലറോമീറ്റർ സെൻസറിലൂടെ ഫോൺ മനസിലാക്കുമെന്നാണ്​​ ഗവേഷകർ പറയുന്നത്​.

ഫോൺ പുറകിൽ കെട്ടിവെച്ചായിരുന്നു 22 പേരിൽ പരീക്ഷണം നടത്തിയത്​. വൈകാതെ കയ്യിലും പോക്കറ്റിലും ഫോൺ വെച്ചുകൊണ്ട്​ പുതിയ സംവിധാനം പരീക്ഷിക്കുമെന്നും മുതിർന്ന ഗവേഷകൻ അറിയിച്ചിട്ടുണ്ട്​. എന്തായാലും ഭാവിയിൽ അമിത മദ്യപാനികളെ കാർ ഒാടിക്കുന്നതിൽ നിന്ന്​ വരെ ചിലപ്പോൾ സ്​മാർട്ട്​ഫോണിന്​ വിലക്കാൻ സാധിക്കും. അല്ലെങ്കിൽ പൊലീസിനോ കുടുംബക്കാർക്കോ സന്ദേശം നൽകാനുള്ള സംവിധാനവും വന്നേക്കാം. ഗവേഷണം വിജയകരമായി പൂർത്തിയായാൽ റോഡ്​ അപകടങ്ങൾ കുറക്കാനുള്ള മറ്റൊരു മാർഗമാണ്​ തെളിഞ്ഞുവരുന്നത്​. പക്ഷെ മദ്യപാനികൾ ഫോൺ ഉപയോഗിക്കണമെന്നുമാത്രം...

ഫോണിലെ സെൻസറുകളും അവയുടെ ഉപയോഗവും പരിചയപ്പെട്ടാലോ...​​

ഫോൺ തിരിച്ചും മറിച്ചും പിടിക്കു​േമ്പാൾ സ്​ക്രീൻ അതേ രീതിയിലേക്ക്​ റൊ​േട്ടറ്റ്​ ചെയ്യുന്നതിനായി സഹായിക്കുന്ന ആക്​സിലറോമീറ്റർ സെൻസർ, നമ്മുടെ ചുറ്റുപാടുമുള്ള വെളിച്ചത്തിന്​ അനുസരിച്ച്​ ഫോൺ സ്​ക്രീനി​െൻറ തെളിച്ചം ക്രമീകരിക്കുന്ന ആമ്പിയൻറ്​ ലൈറ്റ്​ സെൻസർ, കോൾ അറ്റൻറ്​ ചെയ്യാനായി ഫോൺ ചെവിക്കടുത്തേക്ക്​ കൊണ്ടുപോവു​േമ്പാൾ സ്​ക്രീൻ താനെ ഒാഫ്​ ചെയ്യാൻ സഹായിക്കുന്ന പ്രോക്​സിമിറ്റി സെൻസർ, ജി.പി.എസ്​ സേവനങ്ങൾ ഫലപ്രദമായി ഉപയോഗിക്കാനും വെർച്വൽ റിയാലിറ്റി ആസ്വദിക്കാനും പനോരമിക്​ നാവിഗേഷനും 3ഡി ​ഫോ​േട്ടാഗ്രഫിക്കും സഹായിക്കുന്ന ജൈറോസ്​കോപ്പ്​ ​സെൻസർ,

തെക്കും വടക്കും പടിഞ്ഞാറും കൃത്യമായി കാണിച്ചു തരുന്ന കോമ്പസ്​ സെൻസർ, ഭീമൻ കെട്ടിടത്തിനകത്തോ, ബ്രിഡ്​ജിന്​ താഴെയോ ആയിരിക്കു​േമ്പാഴും നമ്മുടെ ലൊക്കേഷൻ കൃത്യമായി കാണിച്ചുതരുന്ന ബാരോമീറ്റർ സെൻസർ, വിരലടയാളം വെച്ച്​ സക്രീൻ അൺ ലോക്ക്​ ചെയ്യാൻ സഹായിക്കുന്ന ഫിംഗർ പ്രിൻറ് സെൻസർ, ഫ്ലിപ്​ കവറുകൾ അടക്കു​േമ്പാൾ ഫോൺ സ്​ക്രീൻ തനിയെ ഒാഫാവുകയും തുറക്കു​േമ്പാൾ ഉണരുകയും ചെയ്യാൻ സഹായിക്കുന്ന ഹാൾ എഫക്​ട് സെൻസർ, നമ്മുടെ കയ്യിലെ ആറിഞ്ച്​ വലിപ്പമുള്ള സ്​മാർട്ട്​ഫോണിൽ വിരുതൻമാർ ഒളിപ്പിച്ചുവച്ചിരിക്കുന്ന വിദ്യകളിൽ ചിലത്​ മാത്രമാണിത്​.