നിങ്ങളുടെ ജീവനക്കാർക്കും ഐഫോൺ മതിയോ...? സാംസങ്ങിന്​ പറ്റിയ അബദ്ധം ആഘോഷമാക്കി നെറ്റിസൺസ്​

ട്വിറ്റർ കാരണം വലിയ നാണക്കേടിൽ അകപ്പെട്ടിരിക്കുകയാണ്​ ദക്ഷിണ കൊറിയൻ കമ്പനിയായ സാംസങ്​. യൂസർമാർ ഏത്​ ഡിവൈസ്​ ഉപയോഗിച്ചാണോ ട്വീറ്റ്​ ചെയ്യുന്നത്​ അത് ട്വീറ്റി​െൻറ താഴെ​ വെളിപ്പെടുത്തുന്ന ട്വിറ്ററി​െൻറ പൊതുവേയുള്ള രീതിയാണ്​ സാംസങ്ങിന്​ പണികൊടുത്തത്​. കമ്പനി​ ഏറെ പ്രതീക്ഷയോടെ ലോഞ്ച്​ ചെയ്യാനിരിക്കുന്ന എസ്​21 എന്ന ഫ്ലാഗ്​ഷിപ്പ്​ സ്​മാർട്ട്​ഫോണുമായി ബന്ധപ്പെട്ട് 'സാംസങ്​ മൊബൈൽ യു.എസ്'​ എന്ന ഹാൻഡിൽ ഒരു ​പ്രമോഷൻ ട്വീറ്റ്​ ഇട്ടിരുന്നു.​ ​ആ ട്വീറ്റിന്​ താഴെ വെണ്ടക്കാ അക്ഷരത്തിൽ 'ട്വിറ്റർ ഫോർ ​െഎഫോൺ' എന്ന്​ തെളിഞ്ഞുവന്നതോടെയാണ്​ ട്രോളുകളുമായി നെറ്റിസൺസ്​ എത്തിയത്​​.

ആപ്പിളി​െൻറ ​െഎഫോൺ ഉപയോഗിച്ച്​ ട്വീറ്റ്​ ചെയ്​താൽ 'ട്വിറ്റർ ഫോർ ​െഎഫോൺ' എന്നും ആൻഡ്രോയ്​ഡ്​ ഫോണുകൾക്ക്​ ട്വിറ്റർ ഫോർ ആൻഡ്രോയ്​ഡ്​ എന്നും, ഇനി ട്വീറ്റ്​ ചെയ്യുന്നത്​ കംപ്യൂട്ടറിലാണെങ്കിൽ ട്വിറ്റർ ഫോർ വെബ്​ എന്നും പരാമർശിക്കലാണ്​​ ട്വിറ്ററി​െൻറ രീതി. എന്നാൽ, അക്കാര്യം ഒാർമിക്കാതെ തങ്ങളുടെ പ്രമോഷൻ ടീമിലുള്ള ആർക്കോ സംഭവിച്ച അബദ്ധത്തിന്​ വില നൽകേണ്ടി വന്നത്​ സാംസങ്ങും. 'സാംസങ്ങി​െൻറ ജീവനക്കാർ പോലും അവരുടെ ഫോണുകൾ ഉപയോഗിക്കുന്നില്ലല്ലോ... എന്നാണ്​ ട്വിറ്ററാട്ടികൾ തമാശയായി ചോദിക്കുന്നത്​.

Always a classic 😅 https://t.co/TjOopNnEN6

— Marques Brownlee (@MKBHD) January 14, 2021

പ്രമുഖ ടെക്​ യൂട്യൂബറായ മാർക്വസ്​ ബ്രൗൺലീ (MKBHD) പതിവുപോലെ സാംസങിന്​ പറ്റിയ 'ട്വീറ്റ്​ അബദ്ധം' സമൂഹ മാധ്യമങ്ങളിൽ പങ്കുവെച്ചിട്ടുണ്ട്​. നേരത്തെ അദ്ദേഹം തന്നെ ഒപ്പോ, ഹ്വാവേ അടക്കമുള്ള കമ്പനികൾക്ക്​ സമാനമായ രീതിയിൽ സംഭവിച്ച അമളികൾ ട്വിറ്ററിലൂടെ പുറത്തുകൊണ്ടുവന്നിരുന്നു.