ഫോൾഡ്​ സീരീസിന്​ വേണ്ടി നോട്ട്​ സീരീസിനെ കൊല്ലാൻ സാംസങ്​; നിർമാണം ഔദ്യോഗികമായി നിർത്തിയെന്ന്​ റിപ്പോർട്ട്​

സാംസങ്​ അവരുടെ സ്​മാർട്ട്​ഫോൺ ലൈനപ്പിലേക്ക്​ ഫോൾഡബ്​ൾ ഫോണുകൾക്ക്​ കൂടുതൽ പ്രാധാന്യം നൽകാൻ പോവുകയാണ്​. ഗ്യാലക്സി z ഫോൾഡ്​ 3യും Z ഫ്ലിപ്പും അവരുടെ മുൻതലമുറക്കാരിലുണ്ടായിരുന്ന പ്രശ്​നങ്ങളും മറ്റും പരിഹരിച്ച്​ കിടിലനാക്കിയാണ്​ ഇത്തവണ അവതരിപ്പിച്ചത്​​. അതിൽ തന്നെ ഫോൾഡ്​ 3യിൽ സാംസങ്​ എസ്​ പെൻ പിന്തുണയും നൽകി. ഇൗ സന്തോഷവാർത്തക്കിടയിൽ സാംസങ്​ ഫാൻസിനെ അലട്ടിക്കൊണ്ട്​ ഒരു ദുഃഖ വാർത്ത കൂടി ഇപ്പോൾ പുറത്തുവന്നിട്ടുണ്ട്​.

കൊറിയൻ ഭീമൻ അവരുടെ ജനപ്രീതിയേറിയ ഗ്യാലക്സി നോട്ട്​ സീരീസ്​ ഒൗദ്യോഗികമായി അവസാനിപ്പിക്കാൻ പോവുകയാണത്രേ. ഗ്യാലക്സിക്ലബ് ആണ്​ കമ്പനയുടെ സമീപകാലത്തെ ട്രേഡ്​മാർക്​ ലിസ്റ്റ്​ ഉദ്ധരിച്ചുകൊണ്ട്​ പുതിയ റിപ്പോർട്ട്​ പുറത്തുവിട്ടിരിക്കുന്നത്​. റിപ്പോർട്ട് അനുസരിച്ച്, കമ്പനി ഗ്യാലക്സി എം, ഗ്യാലക്സി എ, ഗ്യാലക്സി എസ്, ഗ്യാലക്സി ഇസഡ് സീരീസ് എന്നിവയുടെ വ്യാപാരമുദ്രകൾ പുതുക്കിയിട്ടുണ്ട്​. എന്നാൽ, ഗ്യാലക്സി നോട്ട് സീരീസ്​ പട്ടികയിൽ നിന്ന്​ പുറത്താണ്​.

നേരത്തെ നോട്ട്​ സീരീസ്​ നിർമാണം നിർത്തുന്നതുമായി ബന്ധപ്പെട്ട്​ നിരവധി റിപ്പോർട്ടുകൾ പുറത്തുവന്നിട്ടുണ്ടെങ്കിലും അവയിൽ പലതും അസത്യമെന്നും വെറും ഉൗഹാപോഹങ്ങളെന്നും വിശ്വസിച്ച്​ സമാധാനിക്കുകയായിരുന്നു പലരും. എന്നാൽ, പുതിയ റിപ്പോർട്ട്​ നോട്ട്​ സീരീസി​െൻറ അന്ത്യമുറപ്പിക്കുന്നത്​ തന്നെയാണ്​.

എല്ലാവർഷവും ഫ്ലാഗ്​ഷിപ്പ്​ ഫോണുകളായ എസ്​ സീരീസിനൊപ്പം സാംസങ്​ നോട്ട്​ സീരീസും അവതരിപ്പിക്കാറുണ്ട്​. എന്നാൽ, ഇൗ വർഷം എസ്​ 21 മോഡലുകളും ഫോൾഡബ്​ൾ ഫോണുകളും മാത്രമായിരുന്നു വിപണിയിലെത്തിയത്​. ആഗോള ചിപ്പ് ക്ഷാമം കാരണമായി പറഞ്ഞുകൊണ്ടാണ്​ സാംസങ് 2021 -ൽ നോട്ട് സീരീസ് അവതരിപ്പിക്കാതിരുന്നത്​. എന്നാൽ, 2022 -ൽ ഗാലക്സി നോട്ട് ഫോണുകൾ പുറത്തിറക്കുമെന്നും കമ്പനിയുടെ സിഇഒ പറഞ്ഞിരുന്നു.

നിലവിൽ ഗ്യാലക്​സി Z ഫോൾഡ്​ 3യിലും എസ്​ 21 അൾട്രയിലും സാംസങ്​ എസ്​ പെൻ പിന്തുണ നൽകിയിട്ടുണ്ട്​. എസ്​ പെൻ ഫാൻസായ നോട്ട്​ സീരീസ്​ ഉപയോക്താക്കളോട് ഇനിയങ്ങോട്ട്​​ ഫോൾഡ്​ സീരീസിലേക്കോ, അ​ല്ലെങ്കിൽ എസ്​ സീരീസിലെ വില കൂടിയ മോഡലിലേക്കോ​​ മാറി ചിന്തിക്കാൻ പറയാതെ പറയുകയാണ്​ സാംസങ്​. ഫോൾഡബ്​ൾ ഫോണുകൾക്ക്​ ഡിമാൻറ്​ വർധിപ്പിക്കാനുള്ള അടവ്​ കൂടിയാണിത്​. ഇതെല്ലാം ചേർത്തുവായിക്കു​േമ്പാൾ നോട്ട്​ സീരീസ്​ ഫാൻസിന്​ ഇനി പ്രതീക്ഷ വേണ്ടെന്ന്​ തന്നെ അനുമാനിക്കാം.