Begin typing your search above and press return to search.
exit_to_app
exit_to_app
google
cancel
Homechevron_rightTECHchevron_rightTech Newschevron_rightനിരോധിത ഉള്ളടക്കങ്ങൾ...

നിരോധിത ഉള്ളടക്കങ്ങൾ നീക്കിയില്ല; ഗൂഗ്​ളിന്​ വീണ്ടും പിഴയിട്ട്​ റഷ്യ

text_fields
bookmark_border

മോസ്​കോ: നിരോധിതമായ ഉള്ളടക്കങ്ങൾ നീക്കം ചെയ്യാത്തതിന്​ അമേരിക്കൻ ടെക്​ ഭീമനായ ഗൂഗിളിന് വീണ്ടും പിഴയിട്ടിരിക്കുകയാണ്​ മോസ്കോ കോടതി. ഗൂഗിള്‍ ആറു മില്ല്യൺ റഷ്യൻ റൂബിൾ (80,881 ഡോളർ) പിഴയടക്കണമെന്നാണ്​ ടാഗൻസ്കി ജില്ലാ കോടതി വിധിച്ചത്.

ഇതേ കാരണത്താൽ കഴിഞ്ഞ ഏതാനും മാസങ്ങളായി റഷ്യ ഫേസ്ബുക്കും ഗൂഗിളും അടക്കമുള്ള ടെക് കമ്പനികളിൽ നിന്നും പിഴയീടാക്കി വരുന്നുണ്ട്​. അശ്ലീല ഉള്ളടക്കമോ, മയക്കുമരുന്ന്, ആത്മഹത്യ തീവ്രവാദ പ്രചാരണം തുടങ്ങിയവയെ പിന്തുണയ്ക്കുന്നതോ ആയ പോസ്റ്റുകള്‍ നീക്കം ചെയ്യണമെന്ന റഷ്യൻ സർക്കാരി​െൻറ നിർദേശങ്ങൾ അനുസരിക്കാത്തതിനെ തുടർന്നാണ്​ നടപടി.

റഷ്യയിൽ ഗൂഗിളിന് ഇതുവരെ 32.5 മില്ല്യൺ റൂബിൾ പിഴ വിധിച്ചിട്ടുള്ളതായി റഷ്യന്‍ വാര്‍ത്താ ഏജന്‍സികള്‍ റിപ്പോര്‍ട്ട് ചെയ്യുന്നുണ്ട്​. റഷ്യൻ അധികൃതർക്കെതിരായ പോസ്റ്റുകൾ നീക്കം ചെയ്യാത്തതിന്​ മെയ് 25-ാം തീയതി ഫേസ്ബുക്കിന് 26 മില്ല്യൺ റൂബിളും കഴിഞ്ഞ മാസം, പ്രതിഷേധങ്ങൾക്കുള്ള ആഹ്വാനം പിൻവലിക്കാത്തതിന് ടെലഗ്രാമിന് അഞ്ചു മില്ല്യൺ റൂബിളും പിഴ വിധിച്ചിരുന്നു.

Show Full Article
TAGS:Google Russia banned content 
News Summary - Russia fines Google again for failing to remove banned content
Next Story