Begin typing your search above and press return to search.
exit_to_app
exit_to_app
Homechevron_rightTECHchevron_rightTech Newschevron_rightആർ.എസ്​.എസ്​ നടത്തുന്ന ...

ആർ.എസ്​.എസ്​ നടത്തുന്ന മുസ്​ലിംവിരുദ്ധ പ്രചാരണം ഫേസ്​ബുക്കിന്​ കൃത്യമായി അറിയാം, പക്ഷേ തടയുന്നില്ല -​ വെളിപ്പെടുത്തലുകളുമായി മുൻ ജീവനക്കാരി

text_fields
bookmark_border
ആർ.എസ്​.എസ്​ നടത്തുന്ന മുസ്​ലിംവിരുദ്ധ പ്രചാരണം ഫേസ്​ബുക്കിന്​ കൃത്യമായി അറിയാം, പക്ഷേ തടയുന്നില്ല -​ വെളിപ്പെടുത്തലുകളുമായി മുൻ ജീവനക്കാരി
cancel

ന്യൂയോർക്​: ഫേസ്​ബുക്കിനെ പിടിച്ചുകുലുക്കി 'വിസിൽ ​േബ്ലാവർ' വീണ്ടും രംഗത്ത്​. ഫേസ്​ബുക്കിലെ മുൻ ജീവനക്കാരിയായ ഫ്രാൻസസ്​ ഹോഗനാണ്​ ഫേസ്​ബുക്കിനെക്കുറിച്ച്​ അമേരിക്കൻ സെക്യൂരിറ്റി കമീഷന്​ പരാതി സമർപ്പിച്ചത്​. 2021 മെയ്​ വരെ ഫേസ്​ബുക്കിൽ ഡാറ്റ സയന്‍റിസ്റ്റായി ജോലി ചെയ്​തിരുന്നയാളാണ്​ ഫ്രാൻസസ്​ ഹോഗൻ. ഇവരുമായുള്ള പ്രത്യേക അഭിമുഖം അമേരിക്കയിലെ പ്രമുഖമാധ്യമമായ സി.ബി.എസ്​ ന്യൂസ്​ തിങ്കളാഴ്ച​ സംപ്രേക്ഷണം ചെയ്​തു.

ഇന്ത്യൻ ഭരണകൂടവും ഫേസ്​ബുക്കും തമ്മിലുള്ള ബന്ധത്തെക്കുറിച്ചും ഹോഗൻ​ നിരവധി വെളിപ്പെടുത്തലുകൾ നടത്തിയിട്ടുണ്ട്​. നിർണായകമായ തെരഞ്ഞെടുപ്പ്​ സമയത്ത്​ പണം നൽകുന്ന രാജ്യങ്ങളിലൊന്നായ ടയർ സീ​േറാ വിഭാഗത്തിലാണ്​ ഇന്ത്യയെ ഹോഗൻ ഉൾപ്പെടുത്തിയിരിക്കുന്നത്​. യു.എസും ബ്രസീലും മാത്രമാണ്​ ഈ വിഭാഗത്തിലുള്ളത്​.



ഇന്ത്യയിലെ കണ്ടന്‍റുകളിൽ മുസ്​ലിം വിരുദ്ധ ഉള്ളടക്കം കണ്ടെത്തിയിട്ടുണ്ടെന്നും അത്​ ആർ.എസ്​.എസ്​ അനുകൂല ഗ്രൂപ്പുകളാണ്​ പ്രചരിപ്പിക്കുന്നതെന്നും ഫേസ്​ബുകിന്​ കൃത്യമായി അറിയാമെന്ന്​ ഹോഗൻ പറഞ്ഞു​. മുസ്​ലിംകളെ നായ്​ക്കളോടും പന്നികളോടും ഉപമിക്കുന്ന മനുഷ്യത്വവിരുദ്ധമായ കണ്ടന്‍റുകളും ഖുറാനിനെ അധിക്ഷേപിക്കുന്നതും ഇതിലുൾപ്പെടും. പക്ഷേ ഇന്ത്യയിലെ ഇത്തരം കണ്ടന്‍റുകൾ തടയുന്നതിനുള്ള സാ​ങ്കേതിക സംവിധാനം ഫേസ്​ബുക്കിനില്ല. അതുകൊണ്ട്​ തന്നെ അവർ ഇക്കാര്യത്തിൽ പരാജയമാണെന്ന്​ ഹോഗൻ ആരോപിച്ചു. ബി.ജെ.പി ഐ.ടി സെല്ലുകളുടെ വ്യാജ അക്കൗണ്ടുകളെക്കുറിച്ചും ഹോഗൻ പരാമർശം ഉന്നയിച്ചിട്ടുണ്ട്​.







ഇതിന്​ പുറമേ ഫേസ്​ബുക്കിനെതി​െര നിരവധി ആരോപണങ്ങൾ ഹോഗൻ തെളിവുസഹിതം പരാതിയിൽ ഉൾപ്പെടുത്തിയിട്ടുണ്ട്​​. ഫേസ്​ബുകിന്​ സുരക്ഷയേക്കാളും നോട്ടം ലാഭത്തിലാണെന്നും ഫേസ്​ബുക്കിന്‍റെയും ഇൻസ്റ്റഗ്രാമിന്‍റെയും ആൽഗരിതം ആളുകളെ അടിമകളാക്കുന്നതാണെന്നും ഹോഗൻ ആരോപിച്ചു. തിങ്കളാഴ്ച ലോകമെമ്പാടും ഫേസ്​ബുക്കിനും ഇൻസ്റ്റഗ്രാമിനും വാട്​സ്​ആപ്പിനും 'തടസ്സം' നേരിട്ടത്​ ഹോഗന്‍റെ വെളിപ്പെടുത്തലിന്​ പിന്നാലെയാണെന്നും ചില മാധ്യമങ്ങൾ റിപ്പോർട്ട്​ ചെയ്യുന്നു.

Show Full Article
TAGS:Facebook RSS Frances Haugen 
News Summary - RSS, West Bengal and Duplicate Accounts: What the Facebook Whistleblower Complaint Touches Upon
Next Story