Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightTECHchevron_rightTech Newschevron_rightചൈനീസ്​ ഫോണുകൾക്ക്​...

ചൈനീസ്​ ഫോണുകൾക്ക്​ വെല്ലുവിളി; വില കുറഞ്ഞ​ സ്​മാർട്ട്​ഫോണുമായി റിലയൻസ്​

text_fields
bookmark_border
jio
cancel

മുംബൈ: ചൈനീസ്​ കമ്പനികൾക്ക്​​ വെല്ലുവിളി ഉയർത്താൻ റിലയൻസ്​ വില കുറഞ്ഞ സ്​മാർട്ട്​ ഫോൺ പുറത്തിറക്കുന്നു. 4,000 രൂപക്ക്​ ഫോണുകൾ പുറത്തിറക്കാനാണ്​ റിലയൻസിൻെറ പദ്ധതി. അടുത്ത രണ്ട്​ വർഷത്തിനുള്ളിൽ 200 മില്യൺ ഫോണുകൾ വിപണിയിലിറക്കുമെന്നാണ്​ റിപ്പോർട്ട്​. പ്രാദേശികമായി ഫോൺ അസംബ്ലിൾ ചെയ്യുന്നവരോട്​ അതിൻെറ വേഗം കൂട്ടാൻ റിലയൻസ്​ നിർദേശിച്ചുവെന്നാണ്​ വിവരം. ഷവോമി ഉൾപ്പടെ സ്​മാർട്ട്​ഫോൺ വിപണി അടക്കിവാഴുന്ന ചൈനീസ്​ കമ്പനികളെ ലക്ഷ്യമിട്ടാണ്​ റിലയൻസ്​ നീക്കം.

ഗൂഗ്​ളിൻെറ ആൻഡ്രോയിഡ്​ ഓപ്പറേറ്റിങ്​ സിസ്​റ്റം ഉപയോഗിച്ച്​ പ്രവർത്തിക്കുന്ന ഫോണുകളാവും പുറത്തിറക്കുക. റിലയൻസ്​ ജിയോയുടെ വരവാണ്​ ഇന്ത്യയിൽ 4ജി വിപ്ലവത്തിന്​ തുടക്കം കുറിച്ചത്​. ഇതിന്​ പിന്നാലെ സ്​മാർട്ട്​ഫോൺ നിർമാണത്തിലും മേധാവിത്വം ഉറപ്പിക്കാനാണ്​ മുകേഷ്​ അംബാനാിയുടെ നീക്കം.

പ്രാദേശിക നിർമ്മാതാക്കളായ ഡിക്​സൺ ടെക്​നോളജി, ലാവ ഇൻറർനാഷണൽ, കാർബൺ മൊബൈൽസ്​ തുടങ്ങിയ കമ്പനികളാവും റിലയൻസിൻെറ സ്​മാർട്ട്​ഫോൺ വിപ്ലവത്തിന്​ ഊർജം പകരുക​. അതേസമയം, സ്​മാർട്ട്​ഫോൺ പുറത്തിറക്കുന്നുവെന്ന വാർത്തകൾ ഔദ്യോഗികമായി സ്ഥിരീകരിക്കാൻ റിലയൻസ്​ തയാറായിട്ടില്ല.

4ജി ഫീച്ചർ ഫോൺ റിലയൻസ്​ നേരത്തെ തന്നെ പുറത്തിറക്കിയിരുന്നു. ഇന്ത്യ​യിലെ മറ്റൊരു മൊബൈൽ സേവനദാതാവായ എയർടെല്ലും വില കുറഞ്ഞ സ്​മാർട്ട്​ഫോണുകൾ പുറത്തിറക്കുമെന്ന റിപ്പോർട്ടുകൾ പുറത്ത്​ വരുന്നുണ്ട്​.

Show Full Article
TAGS:jio smartphone reliance 
Web Title - Rs 4,000 smartphone running on Reliance Jio — How Ambani plans to dominate telecom market
Next Story