Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightTECHchevron_rightTech Newschevron_rightജിയോയുടെ സജീവ...

ജിയോയുടെ സജീവ ഉപയോക്​താക്കളുടെ എണ്ണത്തിൽ വമ്പൻ ഇടിവെന്ന്​ ട്രായ്​; എയർടെല്ലിനും വി.​െഎക്കും നേട്ടം

text_fields
bookmark_border
ജിയോയുടെ സജീവ ഉപയോക്​താക്കളുടെ എണ്ണത്തിൽ വമ്പൻ ഇടിവെന്ന്​ ട്രായ്​; എയർടെല്ലിനും വി.​െഎക്കും നേട്ടം
cancel

ടെലികോം റെഗുലേറ്ററി അതോറിറ്റി ഒാഫ്​ ഇന്ത്യയുടെ (ട്രായ്​) പ്രതിമാസ റിപ്പോർട്ടിൽ 2020 ജൂലൈയിൽ മുകേഷ്​ അംബാനിയുടെ ജിയോ അവരുടെ മൊബൈൽ നെറ്റ്​വർക്കിലേക്ക്​ 35 ലക്ഷം പുതിയ സബ്​സ്​ക്രൈബർമാരെയാണ്​ ചേർത്തത്​. അതേസമയം വൊഡാഫോൺ-​െഎഡിയയെ റീബ്രാൻഡ്​ ചെയ്​ത വി.​െഎക്ക്​ 37 ലക്ഷം വരിക്കാരെ നഷ്​ടമാവുകയും ചെയ്​തു. വയർലെസ്​ വരിക്കാരിൽ 35.03 മാർക്കറ്റ്​ ഷെയറുമായി ഏറ്റവും മുന്നിലുള്ള ജിയോക്ക്​ പക്ഷെ സജീവ ഉപയോക്താക്കളുടെ എണ്ണം നിലനിർത്താൻ സാധിച്ചിട്ടില്ല.

ട്രായ്​ പുറത്തുവിട്ട പുതിയ കണക്കുകളിലാണ്​ ഇക്കാര്യം ചൂണ്ടിക്കാട്ടുന്നത്​. സജീവ ഉപയോക്താക്കളുടെ കാര്യത്തില്‍ റിലയന്‍സ് ജിയോക്ക്​ വമ്പൻ തിരിച്ചടിയാണ്​ നിലവിൽ നേരിടേണ്ടി വന്നിരിക്കുന്നത്​. ജൂണില്‍ 39.7 കോടി ഉപയോക്താക്കളുണ്ടെന്ന് ജിയോ അവകാശപ്പെടുന്നുണ്ടെങ്കിലും അതില്‍ 78 ശതമാനം മാത്രമാണ് കമ്പനിയുടെ വയർലെസ്​ സേവനങ്ങള്‍ സജീവമായി ഉപയോഗിക്കുന്നതത്രേ. കഴിഞ്ഞവര്‍ഷം 84 ശതമാനമായിരുന്നു ജിയോയുടെ സജീവ ഉപയോക്താക്കൾ.

ഒരു മാസത്തെ നിശ്ചിത സമയത്ത്​ അതത് നെറ്റ്​വർക്കുകളുമായി കണക്​ട്​ ചെയ്​തിരിക്കുന്ന പരമാവധി ഉപയോക്താക്കളെയാണ് ട്രായ്​ സജീവ ഗണത്തിൽ പരിഗണിക്കുന്നത്. ഫലത്തിൽ, ജൂണില്‍ ജിയോ രേഖപ്പെടുത്തിയ 39.7 കോടി ഉപയോക്താക്കളില്‍ 8.7 കോടി പേര്‍ സജീവ ഉപയോക്​താക്കളല്ല. അതേസമയം, എതിരാളികളായ വി.​െഎ, ഭാരതി എയര്‍ടെല്‍ തുടങ്ങിയ കമ്പനികള്‍ സജീവ ഉപയോക്താക്കളുടെ എണ്ണത്തിൽ വൻ മുന്നേറ്റം നടത്തുകയും ചെയ്​തു. ജൂണിൽ എയര്‍ടെല്‍ 98 ശതമാനവും വി.​െഎ 90 ശതമാനവുമാണ്​ വർധനവ്​ രേഖപ്പെടുത്തിയത്​. ജിയോക്കും എയർടെല്ലിനും നിലവിൽ 31 കോടി വീതം സജീവ ഉപയോക്താക്കളാണുള്ളത്​.

മറ്റ്​ ഒാപറേറ്റർമാരുടെ ഉൾപ്പെടെ രണ്ട്​ സിമ്മുകൾ ഉപയോഗിക്കുന്ന ഉപയോക്​താക്കൾ ജിയോ സിം ഇൻറർനെറ്റ്​ ഉപയോഗത്തിന്​ വേണ്ടി മാത്രമുള്ള ഉപാധിയായി കാണുന്നതും സജീവ ഉപയോക്​താക്കളുടെ കാര്യത്തിൽ ജിയോക്ക്​ തിരിച്ചടിയായി. രജിസ്റ്റര്‍ ചെയ്ത സിം കാര്‍ഡുകളും നെറ്റ്​വർക്കുകളുമായി ബന്ധം സ്ഥാപിച്ച നമ്പറുകളും പരിശോധിച്ചാണ് ട്രായ് പ്രതിമാസത്തെ സജീവ ഉപയോക്താക്കളെ കണ്ടെത്തുന്നത്.

മാസാമാസം റീച്ചാര്‍ജ് ചെയ്യാത്ത ഉപയോക്താക്കളെ തിരഞ്ഞുപിടിച്ച് ഇവരുടെ സേവനങ്ങള്‍ നിര്‍ത്തലാക്കാനുള്ള നടപടികള്‍ വി.​െഎ, ഭാരതി എയർടെൽ തുടങ്ങിയ കമ്പനികൾ മു​േമ്പ ആരംഭിച്ചിരുന്നു. വരുമാനം വര്‍ധിപ്പിക്കുന്നത്​ ലക്ഷ്യമിട്ട് ഇരു കമ്പനികളും സജീവ ഉപയോക്താക്കളിലാണ് ഇപ്പോൾ ശ്രദ്ധകേന്ദ്രീകരിക്കുന്നതും.

Show Full Article
TAGS:Reliance Jio airtel VI TRAI active users 
Web Title - Reliance Jio sees fall in active users in June
Next Story