ഇന്ത്യയിൽ 40 കോടി വരിക്കാരുള്ള ഏക ടെലികോം കമ്പനിയായി റിലയൻസ്​ ജിയോ

ഇന്ത്യയിലെ തങ്ങളുടെ വരിക്കാരുടെ എണ്ണം 40 കോടി കവിഞ്ഞെന്ന്​ പ്രഖ്യാപിച്ച്​ റിലയൻസ്​ ജിയോ. ഇതോടെ ഇന്ത്യയിൽ അത്രയും വരിക്കാരുള്ള ആദ്യത്തെ ടെലികോം സേവന ദാതാവായി ജിയോ മാറി. എതിരാളികളായ വി.​െഎ, എയർടെൽ എന്നീ കമ്പനികളേക്കാൾ വേഗത്തിൽ പുതിയ വരിക്കാരെ ചേർത്തതോടെയാണ്​ സ്വപ്​ന നേട്ടത്തിലേക്ക്​ ജിയോ എത്തിയത്​.

നിലവിൽ 405.5 മില്യൺ (40.56 crore) സബ്​സ്​ക്രൈബർമാരാണ്​ ജിയോക്കുള്ളത്​. അവസാനത്തെ ക്വാർട്ടറിൽ പുതിയ 73 ലക്ഷം വരിക്കാരെ കൂടി ചേർത്ത കമ്പനി 13.96% വളർച്ചയാണ്​ രേഖപ്പെടുത്തിയത്​. കഴിഞ്ഞ വർഷം ഇതേ സമയത്ത്​ 35.59 കോടി വരിക്കാരായിരുന്നു ജിയോക്ക്​.

അതേസമയം റിലയൻസ്​ ജിയോയുടെ ലാഭവും മൂന്നിരട്ടി വർധിച്ചു. സാമ്പത്തിക വർഷത്തി​െൻറ ഒന്നാം പാദവുമായി താരതമ്യം ചെയ്യു​േമ്പാൾ 12.85 ശതമാനം നേട്ടം രേഖപ്പെടുത്തി. 2,844 കോടിയാണ്​ ജിയോയുടെ ലാഭം. ഒ​​രു ഉപയോക്​താവിൽ നിന്ന്​ ശരാശരി ലഭിക്കുന്ന വരുമാനം 140.3 രൂപയിൽ നിന്നും 145 രൂപയായി വർധിച്ചു.