Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightTECHchevron_rightTech Newschevron_right999 രൂപക്ക്​ വയർലെസ്​...

999 രൂപക്ക്​ വയർലെസ്​ ഇയർഫോണുമായി റെഡ്​മി; 12 മണിക്കൂർ ബാറ്ററി ലൈഫ്​, 200 മണിക്കൂർ സ്റ്റാൻഡ്​ബൈ ടൈം

text_fields
bookmark_border
999 രൂപക്ക്​ വയർലെസ്​ ഇയർഫോണുമായി റെഡ്​മി; 12 മണിക്കൂർ ബാറ്ററി ലൈഫ്​, 200 മണിക്കൂർ സ്റ്റാൻഡ്​ബൈ ടൈം
cancel

റെഡ്​മി അവരുടെ ഇന്ത്യൻ ഒാഡിയോ പോട്ട്​ഫോളിയോയിലേക്ക്​ ഒരു കിടിലൻ ബജറ്റ്​ വയർലെസ്​ ഇയർഫോൺ അവതരിപ്പിച്ചു. നേരത്തെ ചില വയേർഡ്​ ഇയർഫോണുകളും റെഡ്​മി ഇയർബഡ്​സ്​ എസുമായിരുന്നു ഇന്ത്യയിൽ വലിയ തരംഗമുണ്ടാക്കിയതെങ്കിൽ പുതിയ 'റെഡ്​മി സോണിക്​ബാസ്സ്​ വയർലെസ്​ ഇയർഫോൺ' എത്തുന്നത്​ ചരിത്രം ആവർത്തിക്കാൻ തന്നെയാണ്​.

ചിത്രത്തിൽ കാണുന്നത്​ പോലെ ഒരു ഇൻ-ഇയർ നെക്ക്​ബാൻഡ്​ -സ്​റ്റൈലിലുള്ള ഇയർഫോണാണ്​ സോണിക്​ബാസ്സ്​. 21 ഗ്രാം മാത്രമുള്ള തീർത്തും ലൈറ്റ്​ വൈറ്റായ ഇയർഫോണിൽ 80 ശതമാനം ശബ്​ദത്തിൽ 12 മണിക്കൂർ നേരം പാട്ടുകേൾക്കാൻ സാധിക്കും. 200 മണിക്കൂർ സ്റ്റാൻഡ്​ബൈ ടൈമും റെഡ്​മി അവകാശപ്പെടുന്നുണ്ട്​.

ആൻറി-സ്ലിപ്​ ഫ്ലെക്​സിബിൾ മെറ്റീരിയൽ കൊണ്ട്​ നിർമിച്ചിരിക്കുന്ന റെഡ്​മി സോണിക്​ബാസ്​ വയർലെസ്​ ഇയർഫോൺ ദിവസം മുഴുവൻ സുഖകരമായി കഴുത്തിന്​ ചുറ്റുമിട്ട്​ ഉപയോഗിക്കാൻ കഴിയും. മാഗ്​നെറ്റിക്​ ഇയർബഡ്​സുമായാണ്​ പുതിയ റെഡ്​മി ഇയർഫോൺ എത്തുന്നത്​. എന്നാൽ, ചെവിയിൽ നിന്നും എടുക്കു​േമ്പാൾ പാട്ട്​ സ്വമേധയാ നിർത്തുന്ന സംവിധാനം സോണിക്​ ബാസിലില്ല. എന്നാൽ, ചെവിയിലുള്ള വാക്​സ്​ അകത്തു കയറാതിരിക്കാനുള്ള ആൻറി-വാക്​സ്​ സിലിക്കൺ ഇയർ ടിപ്​സാണ്​ നൽകിയിരിക്കുന്നത്​.

9.2mm ഉള്ള ഡ്രൈവറുമായാണ്​ സോണിക്​ ബാസ്സ്​ എത്തുന്നത്​. നൽകുന്ന വിലക്ക്​ മുകളിലുള്ള മികച്ച ശബ്​ദവും പ്രോ-ബാസ്സും ഇതിലൂടെ ലഭിക്കുമെന്നാണ്​ കമ്പനി വാഗ്​ദാനം ചെയ്യുന്നത്​. എൻവയോൺമെൻറൽ നോയ്​സ്​ കാൻസലേഷനും നല്ല കാൾ ക്വാളിറ്റിയുംനൽകാനായി ഇരട്ട മൈക്രോഫോണുകളുമുണ്ട്​. ബ്ലൂട്ടൂത്ത്​ 5.0 ഉപയോഗിച്ച്​ സോണിക്​ ബാസ്​ വയർലെസ്​ ഇയർഫോൺ ആൻഡ്രോയഡ്​-​െഎ.ഒ.എസ്​ ഡിവൈസുകളിൽ കണക്​ട്​ ചെയ്യാം. IPX4 വാട്ടർ​ റെസിസ്റ്റൻസ്​ റേറ്റിങ്ങി​െൻറ പിന്തുണയുമുണ്ട്​.


ഇന്ത്യയിൽ 1299 രൂപക്കാണ്​ സോണിക്​ ബാസ്​ ഇയർഫോൺ റെഡ്​മി അവതരിപ്പിച്ചത്​ എങ്കിലും കുറഞ്ഞ കാലത്തേക്ക്​ പ്രത്യേക ഒാഫറായി 999 രൂപക്ക്​ ഇയർഫോൺ വാങ്ങാം. മി ഡോട്ട്​ കോം, ഫ്ലിപ്​കാർട്ട്​, മറ്റ്​ ഒാഫ്​ലൈൻ സ്​റ്റോറുകളിലും നീല, കറുപ്പ്​ കളറുകളിലായി ഇന്നുമുതൽ ഇയർഫോൺ ലഭ്യമായിത്തുടങ്ങിയിട്ടുണ്ട്​​.


Show Full Article
TAGS:Redmi Redmi SonicBass Wireless Earphone Xiaomi 
Web Title - Redmi SonicBass Wireless Earphones Launched at Rs 999
Next Story