റെഡ്​മി നോട്ട്​ 10 സീരീസിന്​ ഡിസ്​പ്ലേ പ്രശ്​നമെന്ന്​ യൂസർമാർ; മറുപടിയുമായി കമ്പനി

റെഡ്​മി ഈയിടെ ആമസോണിൽ അവതരിപ്പിച്ച​ നോട്ട്​ 10 സീരീസ്​ മുൻ മോഡലുകളെ പോലെ തന്നെ മികച്ച വിൽപ്പനയാണ്​ സ്വന്തമാക്കിക്കൊണ്ടിരിക്കുന്നത്​. ​െറഡ്​മി നോട്ട്​ 10, റെഡ്​മി നോട്ട്​ 10 പ്രോ, നോട്ട്​ 10 പ്രോ മാക്​സ്​ എന്നീ മോഡലുകളാണ്​ വിൽപ്പനക്കുള്ളത്​. എന്നാൽ, ഫോൺ വാങ്ങിയ ചിലർ ഇപ്പോൾ പരാതിയുമായി എത്തിത്തുടങ്ങിയിട്ടുണ്ട്​. എല്ലാവരുടേയും പ്രശ്​നം ഡിസ്​പ്ലേയാണ്​.

ടച്ച്​ സ്​ക്രീൻ പ്രശ്​നമാണ് സമൂഹ മാധ്യമങ്ങളിലൂടെ​ പലരും റിപ്പോർട്ട്​ ചെയ്യുന്നത്​. ഫോണിൽ ടൈപ്പ്​ ചെയ്യു​േമ്പാഴുള്ള പ്രതികരണത്തിലുള്ള പ്രശ്​നങ്ങളും ഉപയോഗിച്ചുകൊണ്ടിരിക്കു​േമ്പാൾ സ്​ക്രീൻ താനെ മിന്നിക്കളിക്കുന്നതും ചിലർ പരാതിയായി പറഞ്ഞു​. സ്​ക്രീൻ ഫ്ലിക്കറിങ്​ എന്ന്​ പറയപ്പെടുന്ന ഈ പ്രശ്​നം പഴയ ചില റെഡ്​മി ഫോണുകളിലും റിപ്പോർട്ട്​ ചെയ്​തിരുന്നു. ഫോണിന്‍റെ പ്രകടനം മന്ദഗതിയിലാകുന്നതായും ചിലർ ട്വിറ്ററിൽ എഴുതി​. മൂന്ന്​ മോഡലുകൾക്കും ഇതേ പ്രശ്​നങ്ങളുള്ളതായി യൂസർമാർ പരാതിപ്പെട്ടു എന്നതും ശ്രദ്ധേയമാണ്​.

അതേസമയം, യൂസർമാർ വ്യാപകമായി പരാതിയുമായി എത്തിയതോടെ റെഡ്​മി വിഷയത്തിൽ പ്രതികരിച്ചിട്ടുണ്ട്​. 0.001 ശതമാനം ഫോണുകളിൽ മാത്രമാണ്​ പ്രശ്​നം കാണപ്പെടുന്നതെന്നും അത്​ എത്രയും പെട്ടന്ന്​ പരിഹരിക്കാനായി കമ്പനി പ്രവർത്തിച്ചുകൊണ്ടിരിക്കുകയാണെന്നും അവർ വ്യക്​തമാക്കി.

നിലവിൽ പരാതിയുമായി എത്തിയ യൂസർമാരിൽ ആർക്കും തന്നെ കമ്പനിയിൽ നിന്ന്​ വ്യക്​തമായ വിശദീകരണം ലഭിച്ചിട്ടില്ല. ഫോൺ മാറ്റി ലഭിച്ച ഒരു യൂസർ പുതിയ ഫോണിലും അതേ പ്രശ്​നം നേരിട്ടതായി ട്വീറ്റ്​ ചെയ്​തിരുന്നു. സർവീസ്​ സെന്‍ററിൽ പോയി റിപ്പോർട്ട്​ ചെയ്​തപ്പോൾ സോഫ്​റ്റ്​വെയർ അപ്​ഡേറ്റിവ്​ വേണ്ടി മാസങ്ങളോളം കാത്തിരിക്കാൻ പറഞ്ഞതായും അയാൾ കുറിച്ചു.