Begin typing your search above and press return to search.
proflie-avatar
Login
exit_to_app
exit_to_app
Homechevron_rightTECHchevron_rightTech Newschevron_right2020ൽ ആഗോളതലത്തിൽ...

2020ൽ ആഗോളതലത്തിൽ ഏറ്റവും വരുമാനമുണ്ടാക്കിയ ഗെയിമായി പബ്​ജി മൊബൈൽ

text_fields
bookmark_border
പബ്​ജി ഗെയിം
cancel

ഇന്ത്യയിൽ നിരോധനമേർപ്പെടുത്തി മൂന്ന്​ മാസം തികയുന്ന സാഹചര്യത്തിൽ പുതിയൊരു നേട്ടം സ്വന്തമാക്കിയിരിക്കുകയാണ്​ പബ്​ജി മൊബൈൽ​ എന്ന ഗെയിം. സെൻസർ ടവേഴ്​സി​െൻറ ഏറ്റവും പുതിയ റിപ്പോർട്ട്​ പ്രകാരം 2020ലെ ടോപ്​ ഗ്രോസിങ്​ മൊബൈൽ ഗെയിമായി തെരഞ്ഞെടുക്കപ്പെട്ടിരിക്കുകയാണ്​ പബ്​ജി. ഗൂഗ്​ൾ പ്ലേസ്​റ്റോറിലും ആപ്പിളി​െൻറ ആപ്പ്​ സ്​റ്റോറിലും പബ്​ജി തന്നെയാണ്​ മുന്നിലുള്ളത്​.

ഹോണർ കിങ്​സ്​ എന്ന ഗെയിമാണ്​ രണ്ടാം സ്ഥാനത്ത്​. ജനപ്രിയ ഗെയിമായ പോകിമോൻ ഗോ-യെ ബഹുദൂരം പിന്നിലാക്കിയാണ്​ പബ്​ജി ഏറ്റവും വരുമാനമുള്ള ഗെയിമായി മാറിയതെന്നതും പ്രത്യേകതയാണ്​. ആഗോള മൊബൈൽ ഗെയിമിങ്​ വിപണി 2020 ൽ 75.4 ബില്യൺ ഡോളറിനടുത്താണ് വരുമാനമുണ്ടാക്കിയത്​. മുൻവർഷത്തെ അപേക്ഷിച്ച് 19.5 ശതമാനം വളർച്ചയാണ്​ ഇൗ വർഷം നേടിയത്​.


കഴിഞ്ഞ 12 മാസത്തെ കണക്കുകൾ അനുസരിച്ച്​ 2.6 ബില്യൺ ഡോളറാണ്​ (191,000 കോടി രൂപ) പബ്​ജി മൊബൈലി​െൻറ വരുമാനം. കഴിഞ്ഞ വർഷത്തേക്കാൾ 64.3 ശതമാനത്തോളം വളർച്ചയാണ്​ 2020ൽ എന്നതും ഞെട്ടിക്കുന്നതാണ്​. ഇതിൽ ഇന്ത്യയിൽ നിന്നുള്ള റെവന്യൂ ഉൾപ്പെടുത്തിയിട്ടില്ല. ആഗോള വരുമാന വിഹിതത്തിൽ 1.2 ശതമാനം (41 മില്യൺ) മാത്രമാണ്​ ഇന്ത്യയുടെ സംഭാവന എന്നത്​ പബ്​ജി മൊബൈൽ ഇൗയിടെ വെളിപ്പെടുത്തിയിരുന്നു. അതുകൊണ്ട്​ തന്നെ ഇന്ത്യയിലേറ്റ തിരിച്ചടി പ്ലെയർ ബേസിൽ ഇടിവുണ്ടാക്കി എന്നല്ലാതെ ടെൻസെൻറിനേയെ പബ്​ജി കോർപ്പറേഷനെയോ കാര്യമായി ബാധിച്ചിട്ടില്ല എന്നുവേണം അനുമാനിക്കാൻ.

രണ്ടാമത്തെ ഗെയിമായ ഹോണർ ഒാഫ്​ കിങ്​സ്​ 2.5 ബില്യൺ വരുമാനമാണ്​ ഇൗ വർഷം ഉണ്ടാക്കിയത്​. ഇതും ചൈനീസ്​ കമ്പനിയായ ടെൻസെൻറിന്​ കീഴിലുള്ള ആർക്കൈഡ്​ ഗെയിമാണ്​. കഴിഞ്ഞ വർഷത്തേക്കാൾ 42.8 ശതമാനം വളർച്ചയാണ്​ ഇൗ ഗെയിം ഇൗ വർഷത്തിൽ സ്വന്തമാക്കിയത്​. പോകിമോൻ ഗോയുടെ വരുമാനം 1.2 ബില്യൺ ഡോളറാണ്​. നിലവിൽ ഇന്ത്യയിൽ തരംഗമായി മുന്നേറുന്ന 'എമങ് അസ്​' എന്ന ഗെയിം നിലവിൽ യാതൊരു റെവന്യൂ റെക്കോർഡും സ്വന്തമാക്കിയിട്ടില്ല എന്നതും ശ്രദ്ദേയാണ്​. ഇപ്പോൾ ഫ്രീ ഗെയിമായി തുടരുന്ന എമങ്​ അസ്​ ഭാവിയിൽ പുതിയ മാപ്പുകളും ഫീച്ചറുകളും പരസ്യങ്ങളും മറ്റും ഉൾപ്പെടുത്തി വരുമാനമുണ്ടാക്കാനുള്ള നീക്കം ആരംഭിച്ചേക്കാം.​

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:PUBG MobileTop Grossing Game
News Summary - PUBG Mobile Is the Top Grossing Game of 2020
Next Story