Begin typing your search above and press return to search.
exit_to_app
exit_to_app
കാപിറ്റൽ കലാപം ആസൂത്രണം ചെയ്​തത്​ സോഷ്യൽ മീഡിയയിൽ; നടന്നത്​ ജനാധിപത്യത്തിനെതിരായ ആക്രമണം -ഹാരി
cancel
Homechevron_rightTECHchevron_rightTech Newschevron_rightകാപിറ്റൽ കലാപം...

കാപിറ്റൽ കലാപം ആസൂത്രണം ചെയ്​തത്​ സോഷ്യൽ മീഡിയയിൽ; നടന്നത്​ ജനാധിപത്യത്തിനെതിരായ ആക്രമണം -ഹാരി

text_fields
bookmark_border

അമേരിക്കയിൽ ട്രംപ്​ അനുകൂലികൾ നടത്തിയ കാപിറ്റൽ ഹിൽ കലാപം വലിയ ഞെട്ടലാണ്​ ലോകത്തിന്​ സമ്മാനിച്ചത്​. യുഎസി​െൻറ ചരിത്രത്തിൽ വലിയ നാണക്കേടായി രേഖപ്പെടുത്തിയേക്കാവുന്ന സംഭവത്തിൽ ഫേസ്​ബുക്കും ട്വിറ്ററുമടക്കമുള്ള സമൂഹ മാധ്യമങ്ങളെ പഴിച്ച്​ രംഗത്തെത്തിയിരിക്കുകയാണ്​ ഹാരി രാജകുമാരൻ.

തെറ്റായ വിവരങ്ങൾ പ്രചരിപ്പിച്ച സമൂഹമാധ്യമ പ്ലാറ്റ്​ഫോമുകൾ കലാപ ആസൂത്രണത്തി​െൻറ പ്രധാന ഘടകമായി വർത്തിച്ചെന്ന്​ അദ്ദേഹം ആരോപിച്ചു. ഇക്കാലത്ത്​ ഡിജിറ്റൽ ലാൻഡ്​സ്​കേപ്പ്​ തന്നെ മാറേണ്ടതുണ്ടെന്നും ഫാസ്റ്റ്​ കമ്പനിക്ക്​ നൽകിയ പ്രത്യേക അഭിമുഖത്തിൽ അദ്ദേഹം വ്യക്​തമാക്കി.

''വ്യാജ വാർത്തകളും തെറ്റായ വിവരങ്ങളും പ്രചരിക്കുന്നത്​ അവഗണിച്ചാൽ നൽകേണ്ടിവരുന്ന വിലയെന്താണെന്നതിന്​ നമ്മളിപ്പോൾ സാക്ഷിയായി. അമേരിക്കൻ ഐക്യനാടുകളിൽ അക്ഷരാർത്ഥത്തിൽ ജനാധിപത്യത്തിനെതിരെയുള്ള ആക്രമണമാണ്​ നടന്നത്​. അത്​ ആസൂത്രണം ചെയ്​തത്​ സോഷ്യൽ മീഡിയയിലും. ഇത് അക്രമാസക്തമായ തീവ്രവാദം തന്നെയാണ്​.'' -ഹാരി പറഞ്ഞു.

സോഷ്യൽ മീഡിയ​ ഒരു ആത്യന്തിക ആധുനിക പബ്ലിക്​ സ്​ക്വയർ ആണെന്നതും അവരെ ചോദ്യം ചെയ്യുന്നത്​ ആവിഷ്​കാര സ്വാതന്ത്ര്യത്തിന്​ വിരുദ്ധമാണെന്നതുമൊക്കെയുള്ള ആശയങ്ങൾ അപ്പാടെ വിഴുങ്ങുന്ന രീതി പാടില്ല. അതേസമയം, അഭിപ്രായ സ്വാതന്ത്ര്യമാണോ അല്ലെങ്കിൽ കൂടുതൽ വിശ്വസനീയവും അനുകമ്പയുള്ളതുമായ ഡിജിറ്റൽ ലോകമാണോ വേണ്ടത്​ എന്ന ചോദ്യത്തിന്​ പ്രസക്​​തിയില്ലെന്നും അദ്ദേഹം കൂട്ടിച്ചേർത്തു.

Show Full Article
TAGS:social media Capitol Hill riots Prince Harry 
Next Story