Begin typing your search above and press return to search.
exit_to_app
exit_to_app
Homechevron_rightTECHchevron_rightTech Newschevron_rightടിക്​ടോക്ക്​...

ടിക്​ടോക്ക്​ നിരോധിക്കാനൊരുങ്ങി പാകിസ്​താനും; കാരണമിതാണ്​...!

text_fields
bookmark_border
ടിക്​ടോക്ക്​ നിരോധിക്കാനൊരുങ്ങി പാകിസ്​താനും; കാരണമിതാണ്​...!
cancel

ഇസ്​ലാമാബാദ്​: ചൈനീസ്​ ഷോർട്ട്​ വിഡിയോ ആപ്പായ ടിക്​ടോകിന്‍റെ ശനിദശ അവസാനിക്കുന്നില്ല. ഇന്ത്യയിൽ നിരോധിക്കപ്പെട്ടതിന്​ പിന്നാലെ അമേരിക്കയിലും ആസ്​ട്രേലിയയിലും നിരോധന ഭീഷണിയുയരുകയും സുരക്ഷാ ഭീഷണയുയർത്തുന്ന ആപ്പുകളുടെ ലിസ്റ്റിൽ പെടുത്തുകയും ചെയ്​തിരുന്നു. എന്നാൽ, ഇപ്പോൾ പാകിസ്​താനിൽ നിന്നാണ്​ അപകടം കാത്തിരിക്കുന്നത്​.

പെഷവാർ ഹൈക്കോടതി ഉത്തരവിനെ തുടർന്ന്​ പാകിസ്​താൻ ടിക്​ടോകിനെ നിരോധിക്കാനൊരുങ്ങുന്നതായി രാജ്യത്തെ ടെലികോം അതോറിറ്റിയുടെ (പി.ടി.എ) വക്​താവ് ഖുറം മെഹ്​റാൻ​ റോയിറ്റേഴ്​സിനോട്​ പറഞ്ഞു. ടിക്​ടോക്​ സഭ്യമല്ലാത്ത ഉള്ളടക്കം പ്രചരിപ്പിക്കുന്നുവെന്ന്​ കാട്ടി ഒരു വ്യക്​തി നൽകിയ പരാതിയെ തുടർന്നാണ്​ ഹൈക്കോടതി ഉത്തരവ്​​.

'കോടതി പി.ടി.എയോട്​ ടിക്​ടോക്​ ബ്ലോക്ക്​ ചെയ്യാൻ ആവശ്യപ്പെട്ടിട്ടുണ്ട്​. അധികൃതർ ഉത്തരവ്​ പാലിച്ചേക്കുമെന്നും മെഹ്​റാൻ വ്യക്​തമാക്കി. അതേസമയം, 'കോടതി ഉത്തരവിനെക്കുറിച്ച് അറിഞ്ഞിട്ടുണ്ടെന്നും കമ്പനി അതുമായി ബന്ധപ്പെട്ട വിശദീകരണം യഥാസമയം നൽകുമെന്നും പാകിസ്ഥാനിലെ ടിക്ക് ടോക്കിന്‍റെ പ്രതിനിധി അറിയിച്ചു.

പാകിസ്​താൻ കഴിഞ്ഞ ഒക്​ടോബറിൽ ടിക്​ടോക്​ രാജ്യത്ത്​ നിരോധിച്ചിരുന്നു. എന്നാൽ, പത്ത്​ ദിവസങ്ങൾക്ക്​ ശേഷം ആപ്പ്​ തിരിച്ചെത്തുകയാണുണ്ടായത്​. അശ്ലീലവും സദാചാര വിരുദ്ധവുമായ ഉള്ളടക്കങ്ങൾ പോസ്റ്റ്​ ചെയ്യുന്ന എല്ലാ അക്കൗണ്ടുകളും ബ്ലോക്ക്​ ചെയ്യാൻ നിർദേശിച്ചതിന്​ പിന്നാലെയായിരുന്നു ആപ്പ്​ തിരിച്ചെത്തിയത്​. ഫേസ്​ബുക്കും വാട്​സ്​ആപ്പും കഴിഞ്ഞാൽ പാകിസ്​താനിൽ ഏറ്റവും കൂടുതൽ ആളുകൾ ഉപയോഗിക്കുന്ന ആപ്പാണ്​ ടിക്​ടോക്ക്​.

Show Full Article
TAGS:TikTok Pakistan court order 
News Summary - Pakistan to block social media app TikTok on court order
Next Story