Begin typing your search above and press return to search.
exit_to_app
exit_to_app
നെറ്റ്​ഫ്ലിക്സിനെ പോലും ഞെട്ടിച്ച്​ സ്ക്വിഡ്​ ഗെയിം; 21 മില്യൺ ഡോളർ മുടക്കി വാരിയത്​ ഭീമൻ തുക
cancel
Homechevron_rightTECHchevron_rightTech Newschevron_rightനെറ്റ്​ഫ്ലിക്സിനെ...

നെറ്റ്​ഫ്ലിക്സിനെ പോലും ഞെട്ടിച്ച്​ 'സ്ക്വിഡ്​ ഗെയിം'; 21 മില്യൺ ഡോളർ മുടക്കി വാരിയത്​ ഭീമൻ തുക

text_fields
bookmark_border

അമേരിക്കൻ ഒ.ടി.ടി പ്ലാറ്റ്​ഫോമായ നെറ്റ്​ഫ്ലിക്​സിൽ​ സെപ്റ്റംബർ 17ന്​ റിലീസ്​ ചെയ്​ത കൊറിയൻ വെബ്​ സീരീസാണ്​ 'സ്ക്വിഡ്​ ഗെയിം'​. സമീപകാലത്തായി നെറ്റ്​ഫ്ലിക്​സിലൂടെ പുറത്തുവന്ന സിനിമകളിലും സീരീസുകളിലും ഏറ്റവും വലിയ ജനപ്രീതി സ്വന്തമാക്കാൻ കൊറിയൻ പരമ്പരക്ക്​ സാധിച്ചിട്ടുണ്ട്​. ഇതിനകം ലോകത്തിലെ ഏറ്റവും കൂടുതൽ പ്രേക്ഷകരുള്ള ടിവി ഷോ ആയി സ്ക്വിഡ്​ ഗെയിം മാറിയിട്ടുണ്ട്​. അമേരിക്കയും ഇന്ത്യയും ബ്രിട്ടനുമടക്കം 90ലധികം രാജ്യങ്ങളിൽ ഒന്നാം സ്ഥാനത്ത്​ തുടരുകയാണ്​ ഈ സീരീസ്​.


സീരീസിന്​ ലഭിച്ചുകൊണ്ടിരിക്കുന്ന ഗംഭീര പ്രതികരണങ്ങൾക്ക്​ കാരണം അതി​െൻറ പ്രമേയം തന്നെയാണ്​. കടക്കെണിയും പ്രാരാബ്ധവും നിറഞ്ഞ ജീവിതമാകുന്ന കളിക്കളത്തിൽ അതിജീവനത്തിനായി പോരാടുന്ന 456 പേരാണ്​ 'സ്ക്വിഡ്​ ഗെയിമിലെ' കഥാപാത്രങ്ങൾ. അവരെ കോടികൾ വാഗ്ദാനം ചെയ്​തുകൊണ്ട്​ ഒരു അജ്ഞാതൻ ക്ഷണിക്കുകയാണ് യഥാർത്ഥ കളിക്കളത്തിലേക്ക്​.

പേരിൽ ഗെയിമുണ്ടെങ്കിലും സ്ക്വിഡ്​ ഗെയിം​ സത്യത്തിൽ ഒരു മരണക്കളിയാണ്​. കോടികളുടെ കിലുക്കം പ്രതീക്ഷിച്ച്​ ഗെയിം കളിക്കാൻ പോയവർ ആദ്യത്തെ കളിയോടെ തന്നെ പകച്ചുപോവുകയാണ്​​. കുട്ടികൾ കളിക്കുന്ന കളിയാണ്​, കളിക്കാൻ എളുപ്പമാണ്, എന്നാൽ, കളിയിൽ​ തോറ്റാലുള്ള ശിക്ഷ മരണമാണ്​. ഒമ്പത്​ എപ്പിസോഡുകളുള്ള പരമ്പരയിലൂടെ പ്രേക്ഷകരെ ആകാംക്ഷയുടെ മുൾമുനയിൽ നിർത്താൻ ഹാങ് ഡോങ് ഹ്യക്ക് എന്ന സംവിധായകന്​ സാധിക്കുന്നുണ്ട്​.

നെറ്റ്​ഫ്ലിക്​സിനെ ഞെട്ടിച്ച സ്വീകാര്യത

21 മില്യൺ (ഏകദേശം 158 കോടി രൂപ) ഡോളർ മുടക്കി നിർമിച്ച പുതിയ മെഗാഹിറ്റ്​ സീരീസായ സ്ക്വിഡ്​ ഗെയിം നെറ്റ്​ഫ്ലിക്​സിന്​ 900 മില്യൺ ഡോളർ (6,754 കോടി രൂപ) മൂല്യമുണ്ടാക്കി നൽകിയതായാണ്​ ഏറ്റവും പുതിയ റിപ്പോർട്ട്​​. കമ്പനിയിലെ ആന്തരിക കണക്കുകൾ ഉദ്ധരിച്ച് ബ്ലൂംബെർഗ് ആണ്​ ഇത്​ റിപ്പോർട്ട്​ ചെയ്​തിരിക്കുന്നത്​. വ്യക്തിഗത ഷോകളുടെ പ്രകടനം വിലയിരുത്തിയപ്പോൾ ദക്ഷിണ കൊറിയൻ ഷോ നെറ്റ്ഫ്ലിക്സിന് ഇതുവരെ 891.1 മില്യൺ ഡോളർ ഇംപാക്റ്റ് മൂല്യം സൃഷ്ടിച്ചെന്നാണ്​ റിപ്പോർട്ടിൽ പറയുന്നത്​.

റിലീസ്​ ചെയ്​ത്​ ആദ്യ 23 ദിവസങ്ങളിൽ ഏകദേശം 132 ദശലക്ഷം ആളുകൾ "സ്ക്വിഡ് ഗെയിം" കുറഞ്ഞത് രണ്ട് മിനിറ്റെങ്കിലും കണ്ടുവെന്ന്​ നെറ്റ്​ഫ്ലിക്​സ്​ പുറത്തുവിട്ട കണക്കുകളിൽ പറയുന്നുണ്ട്​. "ബ്രിഡ്ജർട്ടൺ" എന്ന സീരീസ്​ സ്ഥാപിച്ച നെറ്റ്ഫ്ലിക്സ് റെക്കോർഡാണ്​ കൊറിയൻ സീരീസ്​ തകർത്തത്​. (ചില ഷോകളുടെ ജനപ്രീതി അറിയിക്കാനായി നെറ്റ്​ഫ്ലിക്​സ്​ പുറത്തുവിടുന്നതാണീ Two-Minute Figure)

Show Full Article
TAGS:Squid Game Netflix 
News Summary - OTT Giant Netflix Estimates Squid Game Will Be Worth Almost 900 Million Dollar
Next Story