Begin typing your search above and press return to search.
exit_to_app
exit_to_app
Homechevron_rightTECHchevron_rightTech Newschevron_rightസൂക്ഷിക്കണം; ഓൺലൈൻ...

സൂക്ഷിക്കണം; ഓൺലൈൻ തട്ടിപ്പുകൾ

text_fields
bookmark_border
സൂക്ഷിക്കണം; ഓൺലൈൻ തട്ടിപ്പുകൾ
cancel

ഓൺലൈൻ തട്ടിപ്പുകൾ ലോകത്താകമാനം വ്യാപകമാകുന്ന സാഹചര്യമാണുള്ളത്​. ചെറിയ അശ്രദ്ധതന്നെ വലിയ നഷ്ടത്തിന്​ കാരണമാകുന്നുണ്ട്​. പലരുടെയും ലക്ഷങ്ങളാണ്​ ഒരു നിമിഷത്തെ അശ്രദ്ധയിൽ നഷ്ടമാകുന്നത്​. ഓൺലൈൻ സാമ്പത്തിക ഇടപാടുകൾ ഉപയോഗപ്പെടുത്തുന്നവരിൽ പത്തിൽ നാലുപേരും ഏതെങ്കിലും തരത്തിലുള്ള തട്ടിപ്പുകൾക്ക്​ ഇരയാകുന്നതായാണ്​ കണക്കുകൾ വ്യക്​തമാക്കുന്നത്​​. യു.എ.ഇയിൽ ഓൺലൈൻ തട്ടിപ്പിനെതിരെ അധികൃതർ ബോധവൽകരണം ശക്​തമാക്കിയിട്ടുണ്ട്​. പണം നഷ്ടപ്പെടുന്ന പരാതികൾ ഓരോ ദിവസവും കൂടിവരുന്നുണ്ട്​. എന്നാൽ വിദേശങ്ങളിൽ നിന്നും മറ്റും നിയന്ത്രിക്കുന്ന തട്ടിപ്പു സംഘങ്ങളായതിനാൽ പണം തിരിച്ചുകിട്ടുന്നത്​ അപൂർവമാണ്​. ഈ സാഹചര്യത്തിൽ ജാഗ്രത വർധിപ്പിക്കാനാണ്​ പൊലീസ്​ സാമൂഹിക മാധ്യമങ്ങളിലൂടെ ബോധവൽകരണവുമായി രംഗത്തെത്തിയത്​.

യു.എ.ഇയിലെ മിക്ക എമിറേറ്റുകളിലെയും പൊലീസ്​ വകുപ്പുകൾ ഇക്കാര്യത്തിൽ നിർദേശങ്ങൾ പുറത്തിറക്കിയിട്ടുണ്ട്​. ബാങ്ക് അക്കൗണ്ടുമായി ബന്ധപ്പെട്ട വ്യക്തിഗത വിവരങ്ങൾ ഫോണിലൂടെ അന്വേഷിക്കുന്നവരോട് വെളിപ്പെടുത്തരുതെന്നതാണ്​ പൊലീസ് നൽകുന്ന പ്രധാന നിർദേശം. ഇത്തരം വിവരങ്ങള്‍ അധികാരികൾ ഒരിക്കലും ആവശ്യപ്പെടില്ല. വ്യക്തിഗത വിവരങ്ങൾ നേടുന്നതിനും അവരുടെ പണം തട്ടിയെടുക്കുന്നതിനുമായി തട്ടിപ്പുസംഘം ബാങ്ക് ജീവനക്കാരെന്ന വ്യാജേനയാണ് ഉപഭോക്താക്കളെ സമീപിക്കുന്നത്. എത്ര വിശ്വസ്തത തോന്നുന്ന മെസേജുകളാണെങ്കിലും ഫോണിലൂടെ മാത്രമായി ഇത്തരം കാര്യങ്ങൾക്ക്​ മറുപടി നൽകാതിരിക്കലാണ്​ നല്ലത്​.

സാമൂഹിക മാധ്യമങ്ങഴിൽ അക്കൗണ്ട്​ ഉള്ളവരെ കെണിയിൽ പെടുത്താൻ പല വഴികളും തട്ടിപ്പുകാർ പരീക്ഷിക്കാറുണ്ട്​. അതിനാൽ കോവിഡ്​ കാലത്ത്​ പൊതുവിടങ്ങളിൽ സാമൂഹിക അകലം പാലിക്കുന്നതുപോലെ സമൂഹമാധ്യമങ്ങളിലും ചിലതരം അകലം പാലിക്കലുകൾ നല്ലതാണ്​. അടുത്തിടെയായി തട്ടിപ്പുകളുടെ പെരുമഴയാണ്​ ഫേസ്​ബുക്കിൽ​. പ്രൊഫൈൽ ചിത്രം കോപ്പിയടിച്ച്​ വ്യാജ പ്രൊഫൈലുണ്ടാക്കി ഫേസ്​ബുക്ക്​ അക്കൗണ്ട്​ ഉടമകളിൽനിന്ന്​ പണം പിടുങ്ങുന്ന വിരുതന്മാരും ഏറെയാണ്​. സഹായമനസ്സുള്ളവർ ഇത്തരം തട്ടിപ്പുകളിൽ കുടുങ്ങിയിട്ടുണ്ട്​. ഫേസ്​ബുക്ക്​ മെസഞ്ചർ വഴിയാണ്​ സഹായ അപേക്ഷ എത്തുന്നത്​ എന്നതിനാൽ മെസഞ്ചറിൽ സന്ദേശം കാണു​മ്പോൾ നന്നായി പരിശോധിച്ച്​ മാത്രം മറുപടി നൽകാനും അധികൃതർ നിർദേശിക്കുന്നു.

4 കാര്യങ്ങൾ ശ്രദ്ധിക്കുക

വ്യക്​തിപരമായ വിവരങ്ങൾ ആർക്കും നൽകാതിരിക്കുക. വിവരങ്ങൾ ചോദിച്ച്​ ഒരിക്കലും സർക്കാർ സംവിധാനങ്ങളോ പൊലീസോ ബാങ്കുകളോ ആരെയും ബന്ധപ്പെടില്ല. അതിനാൽ അത്തരം കാര്യങ്ങൾ ചോദിച്ചു വരുന്ന ഫോ​ൺകോളുകളും മെസേജുകളും സൂക്ഷിക്കുക. ആവശ്യ​മെങ്കിൽ അത്തരം നമ്പറുകൾ ബ്ലോക്ക്​ ചെയ്യുക. ബാങ്ക്​ വിവരങ്ങൾ ഒരിക്കലും വെളിപ്പെടുത്താതിരിക്കുക. ബാങ്ക്​ വിവരങ്ങളായ ഒ.ടി.പി, സി.സി.വി കോഡ്​, കാർഡ്​ എക്സ്​പെയറി ഡേറ്റ്​ എന്നിവ ഒരാൾക്കും കൈമാറരുത്​. ഓഫറുകൾ സ്വീകരിക്കുമ്പോൾ സൂക്ഷിക്കുക. വലിയ പണമോ സമ്മാനമോ ലഭിച്ചുവെന്ന പേരിൽ വരുന്ന ഓഫർ മെസേജുകൾ മിക്കപ്പോഴും തട്ടിപ്പായിരിക്കും. തട്ടിപ്പിനിരയായാൽ ബാങ്കിന്​ ഔദ്യോഗികമായി പരാതി നൽകുക, പൊലീസിൽ റിപ്പോർട്ട്​ ചെയ്യുക, യു.എ.ഇ സെൻട്രൽ ബാങ്കിന്‍റെ ഉപഭോക്​തൃ സംരക്ഷണ വിഭാഗത്തിന്​ പരാതി നൽകുക എന്നീ മൂന്നു കാര്യങ്ങൾ ചെയ്യുക. ദുബൈയിലാണെങ്കിൽ eCrime.ae എന്ന വെബ്​സൈറ്റിലൂടെയോ ദുബൈ പൊലീസിന്‍റെ ഇ-ക്രൈം ആപ്പിലൂടെയോ അടുത്തുള്ള സ്മാർട്​ പൊലീസ്​ സ്​റ്റേഷൻ വഴിയോ 901നമ്പറിലോ റിപ്പോർട്ട്​ ചെയ്യുക.

Show Full Article
TAGS:online fraud alert Emaratbeats 
News Summary - online fraud alert
Next Story