Begin typing your search above and press return to search.
proflie-avatar
Login
exit_to_app
exit_to_app
വൺപ്ലസിൽ നിന്ന്​ രാജിവെച്ച കാൾ പേയ്​ എത്തുന്നത്​ വിചിത്ര പേരുള്ള പുതിയ കമ്പനിയുമായി
cancel
Homechevron_rightTECHchevron_rightTech Newschevron_rightവൺപ്ലസിൽ നിന്ന്​...

വൺപ്ലസിൽ നിന്ന്​ രാജിവെച്ച കാൾ പേയ്​ എത്തുന്നത്​ വിചിത്ര പേരുള്ള പുതിയ കമ്പനിയുമായി

text_fields
bookmark_border

ചൈനീസ്​ സ്​മാർട്ട്​ഫോൺ ബ്രാൻഡായ വൺപ്ലസിൽ നിന്നും സഹ സ്ഥാപകൻ കാൾ പേയ്​ രാജിവെച്ച വാർത്ത ഞെട്ടലോടെയായിരുന്നു ടെക്​ ലോകം കേട്ടത്​. ആഗോളതലത്തിൽ വൺപ്ലസ്​ ​മികച്ച പ്രകടനം കാഴ്​ച്ചവെക്കുന്ന സമയത്തായിരുന്നു അദ്ദേഹം കഴിഞ്ഞ വർഷം സെപ്​തംബറിൽ കമ്പനിയിൽ നിന്ന്​ പടിയിറങ്ങിയത്​. എന്നാൽ, രണ്ട്​ മാസങ്ങൾക്ക്​ ശേഷം കാൾ പേയ്​ ഒരു സർപ്രൈസ്​ പ്രഖ്യാപനം നടത്തി. പുതിയ കമ്പനിയെ കുറിച്ചായിരുന്നു അത്​. അതിൽ നിക്ഷേപിക്കുന്ന വമ്പൻമാരെയും അദ്ദേഹം പരിചയപ്പെടുത്തി.

2021 ജനുവരി 27ന്​ കാൾ പേയ്​ ത​െൻറ പുതിയ കമ്പനിയുടെ പേരും പ്രഖ്യാപിച്ചിരിക്കുകയാണ്​. ​ 'ഒന്നുമില്ല' എന്നർഥമാക്കുന്ന 'Nothing' എന്നാണ്​ അദ്ദേഹം ത​െൻറ കൺസ്യൂമർ ടെക്​നോളജി കമ്പനിക്ക്​​ പേര്​ നൽകിയിരിക്കുന്നത്​. ലണ്ടൻ അടിസ്ഥാനമാക്കിയുള്ള 'നത്തിങ്​' തുടക്കത്തിൽ ഒരു ഒാഡിയോ ഡിവൈസുകൾക്ക്​ മാത്രമായുള്ള കമ്പനിയായിരിക്കുമെന്ന്​ സൂചനയുണ്ടായിരുന്നുവെങ്കിലും അവർ സ്​മാർട്ട്​ ഉപകരണങ്ങളും നിർമിച്ചേക്കും.


'സാ​േങ്കതിക വിദ്യയിൽ രസകരമായ എന്തെങ്കിലും സംഭവിച്ചിട്ട്​ കാലം കുറച്ചായി. ഇനി പുതിയ മാറ്റങ്ങളുടെ സമയമാണ്'​. - നത്തിങ്ങി​െൻറ സി.ഇ.ഒയും സ്ഥാപകനുമായ പേയ്​ ഒരു ഒൗദ്യോഗിക പത്രക്കുറിപ്പിലൂടെ അറിയിച്ചു. 'നത്തിങ്ങി'ലൂടെ കാൾ പേയ്​ എന്താണ്​ ലക്ഷ്യമിടുന്നത്​ എന്ന്​ ചോദിച്ചാൽ, അദ്ദേഹത്തിന്​ പറയാനുള്ളത്​ - ''ആളുകളും സാ​േങ്കതിക വിദ്യയും തമ്മിലുള്ള തടസ്സങ്ങൾ നീക്കുന്നതിനും തടസ്സമില്ലാത്ത ഒരു ഡിജിറ്റൽ ഭാവി സൃഷ്​ടിക്കുന്നതിനുമാണ്​' തങ്ങൾ ശ്രമിക്കുന്നതെന്നായിരിക്കും മറുപടി.

അതേസമയം, എന്തൊക്കെ സ്​മാർട്ട്​ ഡിവൈസുകളായിരിക്കും നത്തിങ്​ ലോഞ്ച്​ ചെയ്യുക എന്നതിനെ കുറിച്ച്​ യാതൊരു സൂചനയും ഇപ്പോൾ ലഭ്യമല്ല. ഇൗ വർഷം പകുതിയോടെ തന്നെ തങ്ങളുടെ ആദ്യത്തെ സ്​മാർട്ട്​ ഉപകരണം നിങ്ങളെ തേടിയെത്തുമെന്ന്​ നത്തിങ്​ ഉറപ്പുനൽകുന്നു.


Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:OnePlusCarl PeiNew Company
News Summary - OnePlus Co-Founder Carl Peis New Company
Next Story