ഇനി ഏറ്റവും ആദായം ഏതെന്ന് എ.ഐ പറഞ്ഞുതരും

ഓ​ൺ​ലൈ​ൻ ഷോ​പ്പി​ങ് ബോ​റാ​യോ? എ​ങ്കി​ൽ എ.​ഐ റോ​ബോ​ട്ട് സ​ഹാ​യി​ക്കാ​നെ​ത്തും. ചാ​റ്റ് ജി.​പി.​ടി​യാ​ണ് പു​തി​യ ഷോ​പ്പി​ങ് ഫീ​ച്ച​ർ ആ​ഡ് ചെ​യ്യു​ന്ന​ത്. ഇ​തോ​ടെ ഓ​ൺ​ലൈ​ൻ ഷോ​പ്പി​ങ് രം​ഗ​ത്ത് മീ​ഡി​യ സൈ​റ്റു​ക​ളുടെയും ആ​മ​സോ​ൺ, ഗൂ​ഗ്ൾ തു​ട​ങ്ങി​യ​വ​യു​ടെയും ആ​ധി​പ​ത്യം ചോ​ദ്യം ചെ​യ്യ​പ്പെ​ടും. ഷോ​പ്പി​ങ് അ​പ്ഡേ​റ്റ് വ​ഴി ഉ​പ​​ഭോ​ക്താ​ക്ക​ൾ​ക്ക് ഉ​ൽ​പ​ന്ന​ങ്ങ​ളു​ടെ വി​ല​യും റി​വ്യൂ​ക​ളും എ​ളു​പ്പ​ത്തി​ൽ കാ​ണാ​ൻ സാ​ധി​ക്കു​ക​യും ​വ്യ​ക്തി​ഗ​ത ഉ​ൽ​പ​ന്ന റെ​ക്ക​മെ​ൻ​ഡേ​ഷ​ൻ​സി​ന്റെ ഭാ​ഗ​മാ​യി നേ​രി​ട്ടു​ള്ള ലി​ങ്കു​ക​ളും ല​ഭ്യ​മാ​ക്കും. ‘ഇ​തൊ​രി​ക്ക​ലും പ​ര​സ്യ​മ​ല്ല, സ്വ​ത​ന്ത്ര​മാ​യി തെ​ര​ഞ്ഞെ​ടു​ക്കു​ന്ന​വ​യാ​ണ്’ എ​ന്നാ​ണ് മാ​തൃ ക​മ്പ​നി ഓ​പ​ൺ എ.​ഐ അ​വ​കാ​ശ​പ്പെ​ടു​ന്ന​ത്.

ഉ​പ​ഭോ​ക്താ​ക്ക​ൾ​ക്ക് ഉ​ൽ​പ​ന്ന​ങ്ങ​ൾ എ​ളു​പ്പം ക​ണ്ടെ​ത്താ​നും താ​ര​ത​മ്യം ചെ​യ്യാ​നും വാ​ങ്ങാ​നും സൗ​ക​ര്യ​മൊ​രു​ക്കു​ക​യാ​ണ് അ​പ്ഡേ​ഷന്റെ ല​ക്ഷ്യ​മെ​ന്നും ക​മ്പ​നി പ​റ​യു​ന്നു. ഫീ​ച്ച​ർ ഉ​ട​ൻ​ത​ന്നെ ല​ഭ്യ​മാ​യി​ത്തു​ട​ങ്ങും.

എ.​ഐ രം​ഗം കൈ​യ​ട​ക്കി​ക്കൊ​ണ്ട് 2022ൽ ​പു​റ​ത്തി​റ​ങ്ങി​യ ഓ​പ​ൺ എ.​ഐ ക​ഴി​ഞ്ഞ വ​ർ​ഷം ചാ​റ്റ് ജി.​പി.​ടി ബോ​ട്ട് പു​റ​ത്തി​റ​ക്കു​ക കൂ​ടി ചെ​യ്ത​തോ​ടെ ഏ​റ്റ​വും ജ​ന​പ്രീ​തി​യു​ള്ള നി​ർ​മി​ത ബു​ദ്ധി പ്ലാ​റ്റ്ഫോം ആ​യി മാ​റി​യി​രി​ക്കു​ക​യാ​ണ്.

ചാ​റ്റ് ജി.​പി.​ടി​ക്ക് ക​ഴി​ഞ്ഞ ആ​ഴ്ച മാ​ത്രം 100 കോ​ടി വെ​ബ് സെ​ർ​ച്ചാ​ണ് വ​ന്ന​ത്. അ​തേ​സ​മ​യം, ആ​ഗോ​ള വെ​ബ് ട്രാ​ഫി​ക്കി​ന്റെ 89 ശ​ത​മാ​ന​വും ഗൂ​ഗ്ൾ ത​ന്നെ​യാ​ണ് കൈ​യ​ട​ക്കി​യി​രി​ക്കു​ന്ന​ത്. എ​ന്നാ​ൽ, ഈ ​ആ​ധി​പ​ത്യം പ​തി​യെ കു​റ​യു​ന്ന​താ​ണ് നി​ല​വി​ലെ സാ​ഹ​ച​ര്യം. ഷോ​പ്പി​ങ് കൂ​ടി ത​ങ്ങ​ളു​ടെ സെ​ർ​ച്ചി​ൽ വ​രു​ന്ന​തോ​ടെ ഓ​പ​ൺ എ.​ഐ​യും ഗൂ​ഗി​ളും ത​മ്മി​ൽ നേ​രി​ട്ട് ഏ​റ്റു​മു​ട്ട​ലു​ണ്ടാ​വു​മെ​ന്നാ​ണ് ടെ​ക് ലോ​കം ക​രു​തു​ന്ന​ത്. ന്യൂ​യോ​ർ​ക് ടൈം​സ് പോ​ലെ ഈ രംഗത്ത് ഒരു കൈ നോക്കുന്ന ലോ​ക​ത്തെ​മ്പാ​ടു​മു​ള്ള പ​ബ്ലി​ഷേ​ഴ്സി​നും ഓ​പ​ൺ എ.​ഐ വെ​ല്ലു​വി​ളി​യാ​കും.

മ​ത്സ​രം മു​ന്നി​ൽ​ക​ണ്ട് ആ​മ​സോ​ൺ ക​ഴി​ഞ്ഞ വ​ർ​ഷം​ത​ന്നെ ത​ങ്ങ​ളു​ടെ എ.​ഐ ഷോ​പ്പി​ങ് അ​സി​സ്റ്റ​ന്റ് പു​റ​ത്തി​റ​ക്കി​യി​രു​ന്നു. എ.​ഐ ക​മ്പ​നി​യാ​യ പെ​ർ​പ്ലെ​ക്സി​റ്റി​ക്കും ഷോ​പ്പി​ങ് ടൂ​ളു​ണ്ട്. ലൈ​വ് സ്​​പോ​ർ​ട്സ് സ്കോ​റും ചാ​റ്റ് ജി.​പി.​ടി വ​ഴി ഉ​ട​ൻ ല​ഭ്യ​മാ​കും.