വീട്ടുപടിക്കല്‍ മത്സ്യമെത്തിക്കാന്‍ മിമി ആപ്പുമായി ഫിഷറീസ് വകുപ്പ്

തിരുവനന്തപുരം: വാങ്ങുന്ന മത്സ്യത്തി​െൻറ പൂര്‍ണവിവരങ്ങള്‍ ഉപഭോക്താക്കള്‍ക്കെത്തിക്കുന്ന മിമി ഫിഷ് എന്ന മൊബൈല്‍ ആപ്പിലൂടെ മത്സ്യത്തി​െൻറ ചില്ലറ വില്‍പനക്ക്​ ഫിഷറീസ് വകുപ്പ് ഒരുങ്ങുന്നു. മത്സ്യത്തിനും മൂല്യവര്‍ധിത ഉൽപന്നങ്ങള്‍ക്കുമായി സംസ്ഥാനത്തുടനീളം വില്‍പനശാലകളും ഓണ്‍ലൈന്‍ ഹോം ഡെലിവറി സംവിധാനവും ആരംഭിക്കും.

സമീപത്തുള്ള മിമി സ്​റ്റോര്‍ വഴിയോ മിമി മൊബൈല്‍ ആപ്​ വഴിയോ മത്സ്യം വാങ്ങാം. പച്ചമീൻ, ഉണക്കമീന്‍, മീന്‍കറി, മീന്‍ അച്ചാർ എന്നിവയാണ് തുടക്കത്തില്‍ വില്‍പനക്കെത്തിക്കുന്നത്. കൂടുതല്‍ മൂല്യവര്‍ധിത ഉൽപന്നങ്ങളും ഉടന്‍ വിപണിയിലെത്തും. തീരദേശ വികസന കോര്‍പറേഷ​െൻറ (കെ.എസ്.സി.എ.ഡി.സി) സാമൂഹിക-സാമ്പത്തിക പരിപാടിയുടെ ഭാഗമായാണ് പരിവര്‍ത്തനം എന്ന പദ്ധതിക്കുകീഴില്‍ ഈ സംരംഭം. കൊല്ലം, ആലപ്പുഴ, പത്തനംതിട്ട ജില്ലകളിലാണ് ആദ്യം മിമി ഫിഷി​െൻറ സേവനങ്ങള്‍ ലഭ്യമാകുകയെന്ന് പരിവര്‍ത്തനം പദ്ധതി ചീഫ് ഓഫ് ഓപറേഷന്‍സ് റോയ് നാഗേന്ദ്രന്‍ പറഞ്ഞു. വൈകാതെ, എല്ലാ ജില്ലകളിലും രാജ്യത്തെ പ്രധാന നഗരങ്ങളിലും മിമി ഫിഷി​െൻറ സേവനം ലഭ്യമാക്കും.