Begin typing your search above and press return to search.
exit_to_app
exit_to_app
മൈക്രോസോഫ്​റ്റിലെ ഗുരുതര പിഴവ്​ കണ്ടെത്തി; 20-കാരിയായ അദിതിക്ക്​​ 22 ലക്ഷം രൂപ പ്രതിഫലം നൽകി കമ്പനി
cancel
Homechevron_rightTECHchevron_rightTech Newschevron_rightമൈക്രോസോഫ്​റ്റിലെ...

മൈക്രോസോഫ്​റ്റിലെ ഗുരുതര പിഴവ്​ കണ്ടെത്തി; 20-കാരിയായ അദിതിക്ക്​​ 22 ലക്ഷം രൂപ പ്രതിഫലം നൽകി കമ്പനി

text_fields
bookmark_border

ഗൂഗ്​ൾ, ആപ്പിൾ, മൈക്രോസോഫ്​റ്റ്​ പോലുള്ള ടെക്​ ഭീമൻമാർ അവരുടെ സേവനങ്ങളും ഡിജിറ്റൽ പ്ലാറ്റ്ഫോമുകളും വികസിപ്പിക്കുന്നതി​െൻറ പാതയിലാണ്​. അതിനോടൊപ്പം തങ്ങളുടെ സിസ്റ്റങ്ങളിലും സേവനങ്ങളിലും കടന്നുകൂടുന്ന ഗുരുതരമായ സുരക്ഷാ വീഴ്​ച്ചകൾ കണ്ടെത്തുന്നതിന്​ സൈബർ സുരക്ഷാ ഗവേഷകർക്കായി അവർ ബഗ് ബൗണ്ടി പ്രോഗ്രാമുകളും നടത്താറുണ്ട്​. ടെക്​ ഭീമൻമാരുടെ സിസ്റ്റങ്ങളിൽ അപകടം വിതയ്​ക്കാൻ കഴിയുന്ന തരത്തിലുള്ള സുരക്ഷാ പിഴവുകൾ ഗവേഷകൻ കണ്ടെത്തുകയാണെങ്കിൽ ടെക് കമ്പനികൾ അയാൾക്ക്​ വളരെ വലിയ തുക പ്രതിഫലം വാഗ്ദാനം ചെയ്യാറുണ്ട്​.

അത്തരത്തിൽ ഒരു സുരക്ഷാ പിഴവ്​ കണ്ടെത്തിയതിന്​ ഡൽഹിക്കാരിയായ പെൺകുട്ടിക്ക്​ 22 ലക്ഷം രൂപ ​പ്രതിഫലം നൽകിയിരിക്കുകയാണ്​ അമേരിക്കൻ ടെക്​ കമ്പനിയായ ​മൈക്രോസോഫ്​റ്റ്​. അവരുടെ അസുർ ക്ലൗഡ്​ പ്ലാറ്റ്​ഫോമിലെ റിമോട്ട് കോഡ് എക്സിക്യൂഷന്‍ ബഗ്ഗാണ്​ 20 കാരിയായ അദിതി സിങ്​ റിപ്പോർട്ട്​ ചെയ്​തത്​.

സ്വന്തമായി എത്തിക്കല്‍ ഹാക്കിങ്​ വിദ്യ പരിശീലിച്ച അദിതിയുടെ തുടക്കത്തിലെ ആഗ്രഹം മെഡിക്കൽ പ്രൊഫഷനായിരുന്നു. മെഡിക്കല്‍ പ്രവേശന പരീക്ഷയുടെ പരിശീലനത്തിനായി കോട്ടയിലെ അലൻ ഇൻസ്റ്റിറ്റ്യൂട്ട്​ എന്ന സ്വകാര്യ സ്ഥാപനത്തിൽ ചേർന്നെങ്കിലും പ്രവേശന പരീക്ഷയിൽ അവൾ പരാജയപ്പെട്ടു. ശേഷം മറ്റൊരു സ്ഥാപനത്തിൽ കംപ്യൂട്ടർ സയൻസ്​ പഠനത്തിനായി ജോയിൽ ചെയ്യുകയും ചെയ്​തു. പഠനത്തോടൊപ്പം ജാവാ സ്ക്രിപ്റ്റും മറ്റ് പ്രോഗ്രാമിംഗ് ഭാഷകളും യുട്യൂബിലൂടെയാണ് അദിതി പരിശീലിച്ചത്. ഒരു വര്‍ഷം മുമ്പാണ്​ ബഗ്ഗ്​ ബൌണ്ടി ഹണ്ടിങ് അവൾ​ ആരംഭിച്ചത്​.

അദിതി ആദ്യം കണ്ടെത്തിയത് മാപ് മൈ ഇന്ത്യ എന്ന സ്ഥാപനത്തിലെ സുരക്ഷാ വീഴ്ചയായിരുന്നു. അത്​ റിപ്പോർട്ട്​ ചെയ്​തതോടെ ബിരുദമില്ലാതിരുന്നിട്ടും അവർ അദിതിക്ക്​ അവിടെ ജോലി നൽകി. മാപ് മൈ ഇന്ത്യയിലെ ജോലിക്കിടെയായിരുന്നു മൈക്രേസോഫ്​റ്റിലെ ബഗ്ഗ്​ വേട്ട. നേരത്തെ ടിക്​ടോക്കിലെ ഒടിപി ബൈപ്പാസ്​ ബഗ്ഗ് അദിതി​ കണ്ടെത്തിയിരുന്നു. ഫേസ്​ബുക്കിലെ സുരക്ഷാ വീഴ്​ച്ച കണ്ടെത്തിയതിന്​ അവൾക്ക്​ അഞ്ച്​ ലക്ഷം രൂപ ലഭിച്ചിരുന്നു.

Show Full Article
TAGS:Microsoft bug bounty programs ethical hacker 
News Summary - Microsoft Rewards 20Year-Old Indian Girl Rs 22 Lakhs
Next Story