Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightTECHchevron_rightTech Newschevron_rightഇന്ത്യക്കായി ഇൻ...

ഇന്ത്യക്കായി 'ഇൻ' മൊബൈൽസുമായി മൈക്രോമാക്​സ്​ ; ഇത്​ ചൈനക്കുള്ള പണിയെന്ന്​ രാഹുൽ ശർമ

text_fields
bookmark_border
ഇന്ത്യക്കായി ഇൻ മൊബൈൽസുമായി മൈക്രോമാക്​സ്​ ; ഇത്​ ചൈനക്കുള്ള പണിയെന്ന്​ രാഹുൽ ശർമ
cancel

സ്​മാർട്ട്​ഫോൺ ബിസിനസിലേക്കുള്ള തങ്ങളുടെ തിരിച്ചുവരവ്​ മൈക്രോമാക്​സ്​ രണ്ടുതവണയാണ്​ പ്രഖ്യാപിച്ചത്​. രാജ്യത്തുടലെടുത്ത ചൈന വിരുദ്ധവികാരം ചൈനീസ്​ ഉത്​പന്നങ്ങൾ ബഹിഷ്​കരിക്കാനുള്ള ആഹ്വാനങ്ങളിലേക്ക്​ നയിച്ച സാഹചര്യത്തിലായിരുന്നു മൈക്രോമാക്​സ്​ സമൂഹ മാധ്യമങ്ങളിലൂടെ മോദിയുടെ ആത്മനിർഭർ ഭാരതും ഏറ്റുപിടിച്ച്​ വമ്പൻ തിരിച്ചുവരവി​െൻറ സൂചന നൽകിയത്​. എന്നാൽ അത്​ വെറും പ്രഖ്യാപനമല്ലെന്ന്​ തെളിയിച്ചിരിക്കുകയാണ്​ ഇന്ത്യൻ കമ്പനിയായ മൈക്രോമാക്​സ്​.​ ഇന്ന് ട്വിറ്ററിൽ​ അവർ 'In' സീരീസിലുള്ള പുതിയ സ്​മാർട്ട്​ഫോണുകളുമായി എത്തുകയാണെന്ന്​ അറിയിച്ചു. കമ്പനിയുടെ സഹ സ്ഥാപകൻ രാഹുൽ ശർമ ട്വിറ്ററിൽ ഇന്ന്​ ഒരു വിഡിയോയുമായി എത്തിയിട്ടുണ്ട്​.

'എ​െൻറ പേര്​ രാഹുൽ ശർമ. ഒരു ഇടത്തരം കുടുംബത്തിലായിരുന്നു എ​െൻറ ജനനം. അച്ഛൻ സർക്കാർ സ്​കൂൾ അധ്യാപകനായിരുന്നു. ആ സമയത്ത്​ ജീവിതത്തിൽ എന്തെങ്കിലും വലുതായി ചെയ്യണം എന്നുണ്ടായിരുന്നു. അന്ന്​ പിതാവിനോട്​ മൂന്ന്​ ലക്ഷം രൂപ കടം വാങ്ങി മൂന്ന്​ സുഹൃത്തുക്കളോടൊപ്പമാണ്​ മൈക്രോമാക്​സ്​ എന്ന കമ്പനിയാരംഭിച്ചത്​. നിങ്ങളുടെ പിന്തുണയോടെ രാജ്യത്തെ ഏറ്റവും വലിയ ബ്രാൻഡും ലോകത്തെ തന്നെ ഏറ്റവും വലിയ പത്ത്​ ബ്രാൻഡുകളിൽ ഒന്നായും മാറി. എന്നാൽ, ചൈനീസ്​ ബ്രാൻഡുകളുടെ കടന്നുവരവോടെ കമ്പനി വലിയ തകർച്ചയിലേക്ക്​ നീങ്ങി. തോൽക്കുകയായിരുന്നില്ല. ജീവിതത്തിൽ ഞാൻ ചെയ്യാനുദ്ദേശിച്ച കാര്യം ചെയ്​തു എന്ന വിശ്വാസമുണ്ടായിരുന്നുവെന്നും രാഹുൽ ശർമ പറഞ്ഞു.

ശേഷം ചൈന-ഇന്ത്യ അതിർത്തി ​പ്രശ്​നങ്ങളെ കുറിച്ച്​ പരാമർശിച്ച രാഹുൽ ശർമ ഇന്ത്യക്കാർ മൈ​ക്രോമാക്​സി​െൻറ തിരിച്ചുവരവിന്​ വേണ്ടി അപേക്ഷിച്ചതോടെയാണ്​​ അതിന്​ വേണ്ടി ആലോചിച്ചതെന്നും ഇനി എന്ത്​ ചെയ്​താലും അത്​ ഇന്ത്യക്ക്​ വേണ്ടി മാത്രമായിരിക്കുമെന്നും പറഞ്ഞു​. ഇന്ത്യയുടെ സ്വന്തമായിരുന്ന ഒരു സ്​മാർട്ട്​ഫോൺ ബ്രാൻഡിനെ പുനരുജ്ജീവിപ്പിക്കാൻ ആത്​മനിർഭർ ഭാരത്​ ക്യാംപെയിൻ പ്രോത്സാഹിപ്പിച്ചതിനെ കുറിച്ചും വിഡിയോയിൽ പരാമർശിക്കുന്നുണ്ട്​. കൂടെ മൈക്രോമാക്​സി​െൻറ പുതിയ സ്​മാർട്ട്​ഫോൺ സീരീസിനെ കുറിച്ചും അദ്ദേഹം വെളിപ്പെടുത്തി. 'ഇൻ' എന്ന്​ മാത്രം എഴുതിയ ഫോണി​െൻറ റീ​െട്ടയിൽ ബോക്​സ്​ രാഹുൽ ശർമ പ്രേക്ഷകർക്കായി കാണിക്കുന്നുമുണ്ട്​.


യൂട്യൂബർ ടെക്​നിക്കൽ ഗുരുജിക്ക്​ നൽകിയ പ്രത്യേക അഭിമുഖത്തിൽ രാഹുൽ ശർമ പുതിയ ഫോൺ ഗെയിമിങ്​ ഇഷ്​ടപ്പെടുന്നവരെ ലക്ഷ്യമിട്ടാണ്​ പുറത്തിറക്കുന്നതെന്നും സൂചന നൽകുന്നുണ്ട്​. മികച്ച പെർഫോമൻസ്​ നൽകുന്ന ചിപ്​സെറ്റുമായിട്ടായിരിക്കും 'ഇൻ' സീരീസ്​ ഫോണുകൾ എത്തുക. സ്​റ്റോക്​ ആൻഡ്രോയ്​ഡിന്​ തുല്യമായ യൂസർ ഇൻറർഫേസായിരിക്കുമെന്നും പരസ്യങ്ങളോ, പ്രീ-ഇൻസ്റ്റാൾഡ്​ ബ്ലോട്ട്​വെയറുകളോ ഉൾപ്പെടുത്തില്ലെന്നും രാഹുൽ ശർമ വാക്കുനൽകുന്നു.

നിലവിൽ 7000 രൂപ മുതൽ 15000 രൂപ വരെയുള്ള ഫോണുകളിലാണ്​ മൈക്രോമാക്​സ്​ ശ്രദ്ധ കേന്ദ്രീകരിക്കുന്നത്​. 'ഇൻ' സീരീസിലുള്ള പുതിയ ഫോണുകൾ നവംബറിൽ ലോഞ്ച്​ ചെയ്യാനും കമ്പനി ഉദ്ദേശിക്കുന്നുണ്ട്​. Micromax In 1A എന്ന പേരിലായിരിക്കും ആദ്യ ഫോൺ എത്തുക. മീഡിയ ടെകി​െൻറ ചിപ്​സെറ്റായിരിക്കും കരുത്ത്​ പകരുക.

2014ൽ ഇന്ത്യൻ സ്​മാർട്ട്​ഫോൺ മാർക്കറ്റിൽ തരംഗം സൃഷ്​ടിച്ച കമ്പനിയായിരുന്നു മൈക്രോമാക്​സ്​. രാജ്യത്ത്​ ചൈനീസ്​ സ്​മാർട്ട്​ഫോണുകളുടെ അതിപ്രസരമില്ലാതിരുന്ന ആ കാലത്ത്​ കമ്പനിക്ക്​ എന്തും സാധ്യമായിരുന്നു. എന്നാൽ, ഇന്ന്​ ബജറ്റ്​ ഫോണുകളുടെ നീണ്ട ലിസ്റ്റുമായി മത്സരരംഗത്തുള്ളത് സാംസങ്ങ്​ മാത്രമല്ല. ​ ഷവോമി റിയൽമി ഒപ്പോ, വിവോ ഇൻഫിനിക്​സ്,​ നോക്കിയ, മോട്ടറോള അങ്ങനെ പോകുന്നു. ചൈന വിരുദ്ധ വികാരം മാത്രം മുതലെടുത്ത്​ മൈക്രോമാക്​സിന്​​ രാജ്യത്ത് പഴയ തരംഗം സൃഷ്​ടിക്കാൻ സാധിക്കില്ല എന്നിരിക്കെ, മികച്ച ഫോണുകളുമായി എത്തി സ്​മാർട്ട്​ഫോൺ വിപണിയിൽ ശക്​തമായ സാന്നിധ്യം ഉറപ്പിക്കലാവും കമ്പനിയുടെ ലക്ഷ്യം.​

Show Full Article
TAGS:Micromax IN Mobiles Rahul Sharma 
Next Story