ആപ്പിളിനെ വെല്ലാൻ മെറ്റയുടെ സ്​മാർട്ട്​ വാച്ച്​?

ന്യൂയോർക്​: ​ആപ്പിളിനെ വെല്ലാൻ െമറ്റ പ്ലാറ്റ്​ഫോം ഇൻ കോർപറേറ്റ്​സ്​ കമ്പനി സ്​മാർട്ട്​​ വാച്ച്​ അവതരിപ്പിക്കാൻ തയാറെടുക്കുന്നതായി റിപ്പോർട്ട്​. ഫ്രണ്ട്​ കാമറയുള്ള സ്​മാർട്ട്​ വാച്ചി​െൻറ ചിത്രത്തെ അടിസ്​ഥാനമാക്കിയാണ്​ വാർത്ത. ഫേസ്​ബുക്കി​െൻറ ഐഫോൺ ആപ്പുകളിലൊന്നിൽ നിന്നാണ്​ ചിത്രം ലഭിച്ചതെന്ന്​ ബ്ലൂംബർഗ്​ റിപ്പോർട്ട്​ ചെയ്യുന്നു.

കർവ്​ഡ്​ എഡ്​ജ്​ ഉള്ള സ്​ക്രീനോടു കൂടിയ വാച്ചാണ്​ ചിത്രത്തിലുള്ളത്. സ്​ക്രീനി​െൻറ താഴെ മധ്യ ഭാഗത്തായി ഒരു കാമറയുമുണ്ട്​. കമ്പനിയുടെ ആദ്യ വാച്ച്​ 2022 തുടക്കത്തിൽ പുറത്തിറങ്ങുമെന്നാണ്​ റിപ്പോർട്ട്​.

ഫേസ്​ബുക്ക്​ പേരുമാറ്റം; കാരണം നിരത്തി സക്കർബർഗ്​

ഫേസ്​ബുക്കി​​ന്‍റെ പേരുമാറ്റം സമൂഹ മാധ്യമ പ്ലാറ്റ്​ഫോമിലല്ലെന്നും കമ്പനിയിലാണെന്നും വിശദീകരിച്ച്​ മാർക്​ സക്കർബർഗ്. ആപ്പുകളിലും ബ്രാൻഡുകളിലും മാറ്റം വരുത്താതെ പുതിയ വെർച്വൽ ലോകം കെട്ടിപ്പടുക്കുകയാണ്​ ലക്ഷ്യം. ഫേസ്​ബുക്ക്​​, ഇൻസ്​റ്റഗ്രാം, ഒകുലസ്​ എന്നിവയുടെ മാതൃകമ്പനിയുടെ പേര്​ മെറ്റ എന്ന്​ കഴിഞ്ഞ ദിവസം മാറ്റിയിരുന്നു. ഫേസ്​ബുക്ക്​ കണക്​ട്​ ഓഗ്​മെൻറഡ്​ ആൻഡ്​ വിർച്വൽ റിയാലിറ്റി കോൺഫറൻസിലാണ്​ സി.ഇ.ഒ മാർക്​ സക്കർബർഗ്​ പേരുമാറ്റം അറിയിച്ചത്​.

കാലിഫോർണിയയിലെ മെൻലോ പാർക്കിലെ ആസ്​ഥാനത്ത്​ പുതിയ ലോഗോയും അനാഛാദനം ചെയ്​തു. സമൂഹ മാധ്യമത്തിനപ്പുറം വിശാലമായ മെറ്റാവേഴ്​സ്​ മേഖലയിലേക്ക്​ കമ്പനി വ്യാപിപ്പിക്കുന്നതി​െൻറ ഭാഗമായാണ്​ പേരുമാറ്റം. ഫേസ്​ബുക്ക്​ ഇൻകോർപറേറ്റ്​ എന്നാണ്​ മാതൃകമ്പനി അറിയപ്പെട്ടത്​.

ഇനി മുതൽ അത്​ മെറ്റ ഇൻ കോർ​പറേറ്റ്​ എന്ന്​ അറിയപ്പെടുമെന്നും ദൗത്യം പഴയതു തന്നെയെന്നും സക്കർബർഗ്​ വ്യക്തമാക്കി. ഫേസ്​ബുക്ക്​,​ മെസഞ്ചർ, ഇൻസ്​റ്റഗ്രാം,വാട്​സ്​ ആപ്​, ഒക്യുലസ്​, വർക്​ പ്ലേസ്​, പോർട്ടൽ, നോവി തുടങ്ങിയ എട്ടു സ്​ഥാപനങ്ങൾ ഇനി അതതുപേരിൽ മെറ്റയുടെ കീഴിലായിരിക്കും. ഇനി തുടങ്ങാനിരിക്കുന്ന സ്​ഥാപനങ്ങളും മെറ്റയുടെ ഉടമസ്​ഥതയിലാവും.

സമൂഹ മാധ്യമങ്ങളുടെ ഭാവി മെറ്റാവേഴ്​സിലാണെന്നാണ്​ സക്കർബർഗ്​ കരുതുന്നത്​​. അത്​ മുന്നിൽകണ്ടാണ്​ പേരുമാറ്റം. വെർച്വൽ റിയാലിറ്റി, ഓഗ്​മെൻറഡ്​ റിയാലിറ്റി സാ​ങ്കേതികവിദ്യകളിൽ കമ്പനി വലിയ നിക്ഷേപമാണ്​ നടത്തുന്നത്​. അതേ സമയം, അടുത്തിടെ ഉയർന്ന വിവാദങ്ങളിൽ നിന്ന്​ മുഖംരക്ഷിക്കാനാണ്​ ഫേസ്​ബുക്ക്​ പേരുമാറ്റിയതെന്നാണ്​ വിമർശകരുടെ അഭിപ്രായം. ഫേസ്​ബുക്കിനെതിരെ മുൻ ജീവനക്കാർ നടത്തിയ ആരോപണങ്ങൾ വിവാദങ്ങൾക്ക്​ വഴിവെച്ചിരുന്നു.