Begin typing your search above and press return to search.
exit_to_app
exit_to_app
ഒമിക്രോൺ പേടി: ഓഫീസ്​ തുറക്കുന്നത്​ നീട്ടി മെറ്റ, ജീവനക്കാർ ബൂസ്റ്റർ ഡോസ്​ എടുത്തിരിക്കണം
cancel
Homechevron_rightTECHchevron_rightTech Newschevron_rightഒമിക്രോൺ പേടി: ഓഫീസ്​ ...

ഒമിക്രോൺ പേടി: ഓഫീസ്​ തുറക്കുന്നത്​ നീട്ടി മെറ്റ, ജീവനക്കാർ ബൂസ്റ്റർ ഡോസ്​ എടുത്തിരിക്കണം

text_fields
bookmark_border

ഒമിക്രോൺ ഭീതിയെ തുടർന്ന്​ ഫേസ്​ബുക്ക്​ മാതൃ കമ്പനിയായ മെറ്റ (Meta) അവരുടെ യു.എസിലെ ഓഫീസ്​ തുറക്കുന്നത്​ നീട്ടി. ഓഫീസിലേക്ക്​ തിരിച്ച്​ കയറുന്നതിന് ജീവനക്കാർക്ക്​ ബൂസ്റ്റർ ഡോസ്​ നിർബന്ധമാക്കുകയും ചെയ്​തു​. അമേരിക്കയിൽ നിരവധി കമ്പനികളാണ്​ ഒമിക്രോൺ വ്യാപനത്തെ തുടർന്ന്​ അടച്ചുപൂട്ടിയത്​. അവയിൽ പലതും ഇതുവരെ തുറന്ന്​ പ്രവർത്തിക്കാൻ തയ്യാറായിട്ടില്ല.

ഓഫീസിൽ വന്ന്​ ജോലി ചെയ്യുന്നവർ മാർച്ച്​ 28ന്​ എത്തിയാൽ മതിയെന്നാണ്​ ടെക്​ ഭീമൻ അറിയിച്ചിരിക്കുന്നത്​. നേരത്തെ ജനുവരി 31ന്​ എത്തണമെന്നായിരുന്നു നിർദേശം നൽകിയത്​​.

ഓഫീസിലേക്ക് മടങ്ങുന്ന എല്ലാ തൊഴിലാളികളും ബൂസ്റ്റർ ഡോസെടുത്തു എന്നതിനുള്ള തെളിവ് ഹാജരാക്കേണ്ടതുണ്ട്. കമ്പനി ഒമിക്‌റോൺ വേരിയൻറ്​ സാഹചര്യം സൂക്ഷ്മമായി നിരീക്ഷിച്ചുവരികയാണെന്നും അധികൃതർ അറിയിച്ചു​​. മെറ്റ നിലവിൽ ഓഫീസിൽ വരുന്ന എല്ലാ യുഎസ് ജീവനക്കാർക്കും വാക്സിനേഷൻ നിർബന്ധമാക്കിയിട്ടുണ്ട്​.

അതേസമയം, ഓഫീസിലേക്ക് മടങ്ങണോ, മുഴുവൻ സമയവും വീട്ടിലിരുന്ന ജോലി ചെയ്യാനുള്ള സൗകര്യത്തിന്​ അഭ്യർത്ഥിക്കണോ, അതോ താൽക്കാലികമായി വീട്ടിൽ നിന്ന് ജോലി ചെയ്യണോ എന്നുള്ള കാര്യങ്ങൾ തീരുമാനിക്കാൻ ജീവനക്കാർക്ക് മാർച്ച് 14 വരെ സമയം അനുവദിച്ചിട്ടുണ്ട്​.

മെഡിക്കൽ അല്ലെങ്കിൽ മതപരമായ കാരണങ്ങളാൽ വാക്സിനേഷൻ എടുക്കാത്ത ജീവനക്കാർക്ക് വർക്​ ഫ്രം ഹോം അപേക്ഷിക്കാമെന്നും കമ്പനിയുടെ വക്​താവ്​ അറിയിച്ചു. അതേസമയം, മുകളിൽ പറഞ്ഞ കാര്യങ്ങൾ ഒന്നും കൃത്യമായി പാലിക്കാത്തവർ പിരിച്ചുവിടൽ ഉൾപ്പെടെയുള്ള അച്ചടക്ക നടപടികൾ നേരിടേണ്ടിവരുമെന്നും അദ്ദേഹം കൂട്ടിച്ചേർത്തു.

Show Full Article
TAGS:Meta booster shots Facebook Omicron Omicron surge US 
News Summary - Meta delays office reopening mandates booster shots for workers
Next Story