കോവിഡ്​ കാലത്ത്​ ആളുകൾ കൂട്ടമായി ഓൺലൈനിൽ; വരുമാനം കുത്തനെ കൂട്ടി ഗൂഗ്​ൾ മാതൃകമ്പനി ആൽഫബറ്റ്

വാഷിങ്​ടൺ: രണ്ടാം തരംഗമായി കോവിഡ്​ വീണ്ടും ലോകം ജയിച്ചുതുടങ്ങിയതോടെ ഓഫീസിലെത്തി ജോലി ചെയ്​തിരുന്നവർ ഓൺലൈനായതി​െൻറ ഗുണം പിന്നെയും ഇരട്ടി ലാഭമാക്കി മാറ്റി ഗൂഗ്​ൾ​. മാതൃകമ്പനിയായ ആൽഫബെറ്റി​െൻറ 2021 ആദ്യപാദത്തിലെ വരുമാനം മാത്രം കഴിഞ്ഞ വർഷം സമാന കാലയളവിനെ അപേക്ഷിച്ച്​ 34 ശതമാനമാണ്​ വർധിച്ചത്​- 5530 കോടി ഡോളർ (4,11,639.65 കോടി രൂപ). ആളുകൾ കൂടുതലായി ഓൺലൈനിലെത്തിയതോടെ പരസ്യ വരുമാനം കുത്തനെ കൂടിയതാണ്​ ഗൂഗ്​ളിന്​ നേട്ടമായത്​. സമാന കാലയളവിലെ ലാഭം ഇരട്ടിയായും വർധിച്ചു- 1793 കോടി ഡോളർ (1,33,434.25 കോടി രൂപ).

കമ്പനി ലാഭമുണ്ടാക്കുന്ന തുടർച്ചയായ മൂന്നാം സാമ്പത്തിക പാദവർഷമാണിത്​. പുതിയ നേട്ടത്തി​െൻറ വാർത്തയെത്തിയതോടെ ആഗോള വിപണിയിൽ കമ്പനി ഓഹരികളുടെ വില നാലു ശതമാനം ഉയർന്നു.

യൂടൂബ്​ വരുമാനമായി മാത്രം 600 കോടി ഡോളറാണ്​ (44,653.83 കോടി രൂപ) ഈ കാലയളവിൽ ഗൂഗ്​്​ളിന്​ ലഭിച്ചത്​- അതും 49 ശതമാനം വർധന.

കൊറോണ ആദ്യമായി ലോകത്തെ ഭീതിയിലാഴ്​ത്തിയ കഴിഞ്ഞ വർഷം ആദ്യ പാദത്തിൽ നേരിയ തളർച്ച കാണിച്ച ഗൂഗ്​ളും ആൽഫബെറ്റും വർഷം പൂർത്തിയായതോടെ മികച്ച വരുമാനമുണ്ടാക്കിയിരുന്നു.

വിവിധ രാജ്യങ്ങൾ ലോക്​ഡൗണിലായതാണ്​ അനുഗ്രഹമായതെന്നും ഇവ എടുത്തുമാറ്റുന്നതോടെ നേട്ടം തുടരാനാകില്ലെന്നും ആൽഫബെറ്റ്​ ചീഫ്​ ഫിനാൻഷ്യൽ ഓഫീസർ റത്​ പൊറട്ട്​ പറഞ്ഞു.

ഗൂഗ്​ൾ നൽകുന്ന ക്ലൗഡ്​ കമ്പ്യൂട്ടിങ്​ സേവനം മഹാമാരി കാലത്ത്​ ഏറ്റവും കൂടുതൽ ജനപ്രീതി നേടിയതാണ്​. ​ജീവനക്കാർ അവരവരുടെ വീടുകളിൽ ജോലി ചെയ്യുന്ന സംവിധാനമായതോടെ കമ്പനികൾ സ്വന്തം ​സംവിധാനങ്ങളിൽ വിവരങ്ങൾ സൂക്ഷിക്കുന്നതിന്​ പകരം ഗൂഗ്​ൾ ക്ലൗഡ്​ സേവനം പ്രയോജനപ്പെടുത്തുന്നത്​ കുത്തനെ കൂടിയിരുന്നു. 46 ശതമാനമാണ്​ ക്ലൗഡ്​ ബിസിനസ്​ വരുമാന വർധന. പക്ഷേ, ആമസോണും മൈക്രോസോഫ്​റ്റുമാണ്​ ക്ലൗഡ്​ സേവനങ്ങളിൽ ബഹുദൂരം മുന്നിലുള്ളത്​.

വരുമാനം കൂടിയ ആൽഫബെറ്റ്​ പുതുതായി കൂടുതൽ ഓഫീസുകളും ഡേറ്റ സെൻററുകളും തുടങ്ങുമെന്നും 10,000 അധിക തൊഴിലുകൾ സൃഷ്​ടിക്കുമെന്നും ഗൂഗ്​ൾ സി.ഇ.ഒ സുന്ദർ പിച്ചൈ അറിയിച്ചു. വിവിധ മേഖലകളിൽ ഗൂഗ്​ൾ വിവിധ രാജ്യങ്ങളിൽ കേസുകൾ നേരിടുന്നതിനിടെയാണ്​ റെക്കോഡ്​ പരസ്യവരുമാന വർധന. ഫെബ്രുവരിയിൽ കമ്പനിക്കു കീഴ​ിലെ ഏഷ്യൻ, വനിത ജീവനക്കാർക്ക്​ 260 കോടി ഡോളർ നഷ്​ട പരിഹാരം നൽകുമെന്ന്​ ഗൂഗ്​ൾ പ്രഖ്യാപിച്ചിരുന്നു. പക്ഷേ, ഇത്തരം പ്രതിസന്ധികളൊന്നും കമ്പനിയുടെ കുതിപ്പിൽ കാര്യമായ ക്ഷീണമുണ്ടാക്കുന്നില്ലെന്നാണ്​ പുതിയ റിപ്പോർട്ട്​ നൽകുന്ന സൂചന.