ഇനിമുതൽ നാല്​ വർഷത്തേക്ക്​ അപ്​ഡേറ്റുകൾ നൽകുമെന്ന്​ സാംസങ്​; ഏതൊക്കെ മോഡലുകൾക്കെന്ന്​​ അറിയാം..

ആപ്പിളിനെ കുറിച്ച്​ ഫാൻബോയ്​സ്​ എന്നും മഹിമയായി പറയാറുള്ള ഒരു കാര്യം തങ്ങളുടെ സ്​മാർട്ട്​ഫോണുകൾക്ക് ആപ്പിൾ ഉറപ്പുവരുത്തുന്ന​ അഞ്ച്​ വർഷത്തെ സോഫ്​റ്റ്​വെയർ അപ്​ഡേറ്റാണ്​. വർഷാ വർഷം പുതിയ ഫോണുകൾ വിപണിയിലെത്തിക്കുമെങ്കിലും വലിയ വില നൽകി പ്രിയ ഉപയോക്​താക്കൾ വാങ്ങിച്ച പഴയ മോഡലുകളെ അവർ മറക്കാറില്ല. പുതിയ ഫോണുകളുടെ ലേറ്റ്​സ്റ്റ്​ സോഫ്​റ്റ്​വെയർ ഫീച്ചറുകളും സുരക്ഷയും ആപ്പിൾ, പഴയ ഫോണുകൾക്കും​ അപ്​ഡേറ്റായി നൽകും.

എന്നാൽ, സാംസങ്ങും തങ്ങളുടെ യൂസർമാർക്ക്​ പുതിയ സന്തോഷവാർത്തയുമായി എത്തിയിരിക്കുകയാണ്​. ഇനിമുതൽ ചില സാംസങ്​ ഫോണുകൾക്ക്​ നാല്​ വർഷം സുരക്ഷാ അപ്​ഡേറ്റ്​ നൽകുമെന്നാണ്​ കൊറിയൻ കമ്പനി വാഗ്​ദാനം ചെയ്​തിരിക്കുന്നത്​. നേരത്തെ രണ്ട്​ വർഷക്കാലത്തേക്കായിരുന്നു ഡിവൈസുകൾക്ക്​ ആൻഡ്രോയ്​ഡ്​ സെക്യൂരിറ്റി അപ്​ഡേറ്റുകൾ നൽകാമെന്നേറ്റിരുന്നത്​​. അതോടെ പുതിയ സാംസങ്​ ഫോണുകൾക്കും ചില പഴയ ഫോണുകൾക്കും കമ്പനിയുടെ സുരക്ഷാ വലയം നാല്​ വർഷക്കാലം വരെയുണ്ടാവും. ഒൗദ്യോഗിക ബ്ലോഗ്​പോസ്റ്റിലൂടെയാണ്​ സാംസങ്​ ഇത്​ അറിയിച്ചത്​.

ഏതൊക്കെ സാംസങ്​ ഡിവൈസുകൾക്കാണ്​ നാല്​ വർഷം സെക്യൂരിറ്റി അപ്​ഡേറ്റുകൾ ലഭിക്കുകയെന്ന്​ കമ്പനി പുറത്തുവിട്ടിട്ടുണ്ട്​. താഴെ കൊടുത്തിരിക്കുന്ന മോഡലുകൾക്കും അവയുടെ പൻഗാമികളായി എത്തുന്നവർക്കും നാല്​ വർഷം അപ്​ഡേറ്റുകൾ ആസ്വദിക്കാം.

• ഗാലക്​സി ഫോൾഡബിൾ ഫോണുകൾ: Fold, Z Fold2 5G, Z Flip, Z Flip 5G
  
• ഗാലക്​സി എസ്​ സീരീസ്​: S10, S10+, S10e, S10 5G, S10 Lite, S20 5G, S20+ 5G, S20 Ultra 5G, S20 FE 5G, S21 5G, S21+ 5G, S21 Ultra 5G
  
• ഗലാക്​സി നോട്ട്​ സീരീസ്​: Note10, Note10+, Note10+ 5G, Note20 5G, Note20 Ultra 5G
  
• ഗാലക്​സി എ സീരീസ്​: A10e, A20, A50, A11, A21, A51, A51 5G, A71 5G
  
• ഗാലക്​സി എക്​സ്​ കവർ സീരീസ്​: XCover FieldPro, XCover Pro
  
• ഗാലക്​സി ടാബ്​ സീരീസ്​: Tab Active Pro, Tab Active3, Tab A 8 (2019), Tab A with S Pen, Tab A 8.4 (2020), Tab A7, Tab S5e, Tab S6, Tab S6 5G, Tab S6 Lite, Tab S7, Tab S7+