Begin typing your search above and press return to search.
exit_to_app
exit_to_app
Homechevron_rightTECHchevron_rightTech Newschevron_right5ജിക്കെതിരെ എന്തിന്​...

5ജിക്കെതിരെ എന്തിന്​ ഹരജി നൽകി...? വിശദീകരണവുമായി നടി ജൂഹി ചൗള

text_fields
bookmark_border
5ജിക്കെതിരെ എന്തിന്​ ഹരജി നൽകി...? വിശദീകരണവുമായി നടി ജൂഹി ചൗള
cancel

ഇന്ത്യയിൽ 5 ജി സാങ്കേതികവിദ്യ നടപ്പാക്കുന്നതിനെതിരെ ബോളിവുഡ്​ താരം ജൂഹി ചൗള നൽകിയ ഹരജി ഡൽഹി ഹൈകോടതി തള്ളിയിരുന്നു. നടിയുടെയും കൂട്ടാളികളുടെയും നീക്കം പബ്ലിസിറ്റി സ്റ്റണ്ടാണെന്നാരോപിച്ച കോടതി 20 ലക്ഷം രൂപ പിഴയും ചുമത്തുകയുണ്ടായി. വസ്തുതകളെക്കുറിച്ച് യാതൊരു അറിവുമില്ലാതെ ഹരജിയിൽ അനാവശ്യവും നിസ്സാരവുമായ കാര്യങ്ങളാണ്​ കുത്തിനിറച്ചതെന്നും വിധിപ്രസ്​താവത്തിൽ പറഞ്ഞിരുന്നു. എന്നാൽ, എന്തുകൊണ്ടാണ് താൻ കോടതിയെ സമീപിക്കാൻ തീരുമാനിച്ചതെന്ന് വിശദീകരിക്കുന്ന ഒരു വീഡിയോ പുറത്തുവിട്ടിരിക്കുകയാണ്​ താരം.

"കഴിഞ്ഞ കുറച്ച് ദിവസങ്ങളായി, എനിക്ക് സ്വയം കേൾക്കാൻ പോലും കഴിയാത്തത്ര ശബ്ദ കോലാഹലമുണ്ടായിരുന്നു. ഈ ബഹളത്തിനിടയിൽ വളരെ പ്രധാനപ്പെട്ട ഒരു സന്ദേശം നഷ്ടപ്പെട്ടു," -ജൂഹി ചൗള ഇൻസ്റ്റാഗ്രാമിൽ പങ്കിട്ട വീഡിയോയിൽ പറഞ്ഞു. 'അത്​ ഞങ്ങൾ 5ജിക്ക്​ എതിരല്ല എന്നതാണ്​... വാസ്​തവത്തിൽ ഞങ്ങൾ അതിനെ സ്വാഗതം ചെയ്യുന്നു..., എന്നാൽ, ഞങ്ങൾ അധികാരികളോട് ആവശ്യപ്പെടുന്നത്​ 5ജി സുരക്ഷിതമാണെന്ന്​ സാക്ഷ്യപ്പെടുത്തണമെന്ന്​ മാത്രമാണ്​. പഠനങ്ങളും ഗവേഷണങ്ങളും പൊതു ഡൊമെയ്‌നിൽ പ്രസിദ്ധീകരിക്കുക, അങ്ങനെ ചെയ്​താൽ ഞങ്ങൾക്ക് ഭയമില്ലാതാകും. അതിനാൽ നമുക്കെല്ലാവർക്കും സമാധാനത്തോടെ ഉറങ്ങാൻ കഴിയും. ഇത് കുട്ടികൾക്ക് സുരക്ഷിതമാണെന്ന് അറിയാൻ ഞങ്ങൾ ആഗ്രഹിക്കുന്നു, ഗർഭിണികളായ സ്ത്രീകൾക്ക്, പിഞ്ചു കുഞ്ഞുങ്ങൾക്ക്, വൃദ്ധരായ ആളുകൾക്ക്, സസ്യജന്തുജാലങ്ങൾക്ക്​... എല്ലാവർക്കും സുരക്ഷിതമാണോ എന്ന്​ മാത്രമാണ്​ ഞങ്ങൾ ചോദിക്കുന്നത്.... -ഒന്നര മിനിറ്റ്​ നീണ്ട വിഡിയോയിൽ ജൂഹി ചൗള പറഞ്ഞു.

ഇന്ത്യയിൽ 5ജി സേവനം തുടങ്ങുന്നത്​ ആളുകളുടെ ആരോഗ്യത്തിന്​ പ്രശ്​നം സൃഷ്​ടിക്കുമെന്നാരോപിച്ചാണ്​ ജൂഹി ചൗളയും വീരേഷ് മാലിക്, ടീന വച്ചാനി എന്നിവരും കോടതിയെ സമീപിച്ചത്​. റേഡിയോ ഫ്രീക്വന്‍സി റേഡിയേഷനെതിരേ അവബോധം സൃഷ്ടിക്കുന്നതിനായി പ്രവര്‍ത്തിക്കുന്ന നടി, 5ജി നടപ്പാക്കുന്നതിനെതിരെ ഡൽഹി ഹൈക്കോടതിയിയിലാണ്​ ഹരജി ഫയൽ ചെയ്​തത്​. വയർലെസ്​ സാ​ങ്കേതികവിദ്യ സൃഷ്​ടിക്കുന്ന ആരോഗ്യപ്രശ്​നങ്ങളെ കുറിച്ച്​ കാര്യമായ പഠനങ്ങൾ നടന്നിട്ടില്ലെന്നും ഇത്​ ആരോഗ്യത്തിന്​ ഹാനികരമാണെന്നാണ്​​ പൊതുവിലുള്ള വിലയിരുത്തലെന്നും​ ജൂഹി ചൗള ഹരജിയിൽ പറഞ്ഞിരുന്നു. 5 ജി യാഥാർത്ഥ്യമായാൽ ഭൂമിയിൽ മനുഷ്യരും മൃഗങ്ങളും പക്ഷികളും പ്രാണികളും സസ്യങ്ങളും അതിന്‍റെ പ്രത്യാഘാതം അനുഭവിക്കേണ്ടി വരും. നിലവിലുള്ളതിന്‍റെ 10 മുതൽ 100 ​​മടങ്ങ് വരെ അളവിൽ റേഡിയോ വികിരണം വർധിക്കുമെന്നും ഇവർ ഹരജിയിൽ പറഞ്ഞിരുന്നു.

Show Full Article
TAGS:5G Juhi Chawla publicity stunt 
News Summary - Juhi Chawla Explains Why She Filed 5G Petition
Next Story