Begin typing your search above and press return to search.
exit_to_app
exit_to_app
വൊഡാഫോൺ ഐഡിയയുടെ കിതപ്പ്​ മുതലാക്കി രാജ്യത്ത്​ ജിയോ, എയർടെൽ കുതിപ്പ്​; കണക്കുകൾ പുറത്തുവിട്ട്​ ട്രായ്
cancel
Homechevron_rightTECHchevron_rightTech Newschevron_rightവൊഡാഫോൺ ഐഡിയയുടെ...

വൊഡാഫോൺ ഐഡിയയുടെ കിതപ്പ്​ മുതലാക്കി രാജ്യത്ത്​ ജിയോ, എയർടെൽ കുതിപ്പ്​; കണക്കുകൾ പുറത്തുവിട്ട്​ ട്രായ്

text_fields
bookmark_border

റിലയൻസ്​ ജിയോ ജൂണിൽ അവരുടെ നെറ്റ്​വർക്കിലേക്ക്​ പുതുതായി ചേർത്തത്​ 55 ലക്ഷം വരിക്കാരെ. തൊട്ടുപിന്നിലുള്ള ഭാരതി എയർടെൽ 38 ലക്ഷം പുതിയ വരിക്കാരെയാണ്​ ജൂണിൽ സ്വന്തമാക്കിയത്​. ടെലികോം റെഗുലേറ്ററി അതോറിറ്റി ഓഫ് ഇന്ത്യയാണ്​ (ട്രായ്) രാജ്യത്തെ ടെലികോം സേവനദാതാക്കളുടെ വളർച്ചാ റിപ്പോർട്ട്​ പുറത്തുവിട്ടിരിക്കുന്നത്​. ട്രായ്​യുടെ കണക്കുകൾ പ്രകാരം ജൂൺ മാസത്തിൽ ജിയോയുടെ ആകെ വരിക്കാരുടെ എണ്ണം 43.66 കോടിയാണ്​. എയർടെല്ലി​േൻറതാക​െട്ട 35.21 കോടിയും.

നിലവിൽ വലിയ സാമ്പത്തിക പ്രതിസന്ധിയിലൂടെ കടന്നുപോകുന്ന വൊഡാഫോൺ ഐഡിയക്ക്​ ആശ്വസിക്കാൻ വകയുള്ളതല്ല ജൂണിലെ കണക്കുകൾ. വി.ഐയിൽ നിന്ന്​ ജൂണിൽ മാത്രം വിട്ടുപോയത്​ 42.89 ലക്ഷം വരിക്കാരാണ്​. അരകോടിക്കടുത്ത്​​ ആളുകൾ പോയതോടെ കമ്പനിയുടെ ആകെ വരിക്കാരുടെ എണ്ണം 27.33 കോടിയായി കുറഞ്ഞു. സർക്കാർ നിയന്ത്രണത്തിലുള്ള ബി.എസ്​.എൻ.എലും വലിയ നഷ്​ടം നേരിട്ടിട്ടുണ്ട്​. ജൂണിൽ 9.93 ലക്ഷം വരിക്കാരെ നഷ്​ടമായതോടെ അവരുടെ ആകെ വരിക്കാരുടെ എണ്ണം 11.53 കോടിയായി ചുരുങ്ങി.

രാജ്യത്തെ മൊത്തം വയർലെസ്​ വരിക്കാരുടെ എണ്ണവും കൂടിയതായി ട്രായ്​ റിപ്പോർട്ട്​ ചെയ്യുന്നുണ്ട്​. 0.34 ശതമാനം പ്രതിമാസ വളർച്ചാനിരക്കിൽ ജൂണിൽ 1,180.83 ദശലക്ഷമായാണ്​ ഉയർന്നത്​. നഗരപ്രദേശങ്ങളിൽ മെയ്​ മാസത്തിൽ 64.14 കോടി വയർലെസ്​ വരിക്കാരായിരുന്നു ഉണ്ടായിരുന്നത്​, അത്​ ജൂണിൽ 64.62 ആയി. എന്നാൽ, ഗ്രാമീണ മേഖലകളിൽ മെയ്​ മാസത്തെ (53.53​ കോടി) അപേക്ഷിച്ച് ജൂണിൽ (53.45 ​കോടി)​ വരിക്കാരുടെ എണ്ണം കുറഞ്ഞു.

Show Full Article
TAGS:Jio Vodafone Idea Airtel TRAI 
News Summary - Jio adds 5.5 million users in June Vodafone Idea sheds 4.3 million customers
Next Story