‘‘എ.​ഐ അ​പ​ക​ടം എ​ല്ലാ​വ​രും മ​റ​ച്ചു​വെ​ക്കു​ന്നു’’ മു​ന്ന​റി​യി​പ്പു​മാ​യി എ.​ഐ ‘ഗോ​ഡ്ഫാ​ദ​ർ’

നി​ർ​മി​ത​ബു​ദ്ധി​യു​ടെ വി​കാ​സ​ത്തി​ന്റെ അ​തി​വേ​ഗം വ​ൻ അ​പ​ക​ട​ഭീ​ഷ​ണി​യാ​ണ് സൃ​ഷ്ടി​ക്കു​ന്ന​തെ​ന്നും എ​ന്നാ​ൽ, ​വ​ൻ​കി​ട ടെ​ക് ക​മ്പ​നി​ക​ളാ​രും ത​ന്നെ ഈ ​അ​പ​ക​ടം തു​റ​ന്നു​പ​റ​യു​ന്നി​ല്ലെ​ന്നും എ.​ഐ​യു​ടെ ഗോ​ഡ്ഫാ​ദ​ർ എന്നറിയപ്പെടുന്ന നൊബേൽ ജേതാവ് ജെ​ഫ്രി ഹി​ന്റ​ൺ. ആ​ർ​ട്ടി​ഫ​ിഷ്യ​ൽ ന്യൂ​റ​ൽ നെ​റ്റ്‍വ​ർ​ക്കു​ക​ളെ കു​റി​ച്ച പ​ഠ​ന​ത്തി​ന്, ജോ​ൺ ജെ. ​ഹോ​പ്ഫീ​ൽ​ഡി​നൊ​പ്പം 2024ലെ ​ഫി​സി​ക്സ് നൊ​ബേ​ൽ പ​ങ്കു​വെ​ച്ച ഹി​ന്റ​ണി​ന്റെ പ​തി​റ്റാ​ണ്ടു​ക​ൾ നീ​ണ്ട ഗ​വേ​ഷ​ണ​മാ​ണ് എ.​ഐ​യു​ടെ ഇ​ന്നു കാ​ണു​ന്ന വി​കാ​സ​ത്തി​ന് അ​ടി​സ്ഥാ​ന​മി​ട്ട​ത്.

ഏ​റ്റ​വും പു​തി​യ എ.​ഐ സി​സ്റ്റ​ങ്ങ​ൾ കൂ​ടു​ത​ൽ കൂ​ടു​ത​ൽ സ്മാ​ർ​ട്ടാ​യി​ക്കൊ​ണ്ടി​രി​ക്കു​ന്നു​വെ​ന്നും അ​വ കാ​ര്യ​ങ്ങ​ൾ വി​ശ​ക​ല​നം ചെ​യ്യു​ന്ന വി​ധം മ​നു​ഷ്യ​ർ​ക്ക് മു​ഴു​വ​നാ​യി മ​ന​സ്സി​ലാ​കാ​തെ വ​ന്നി​രി​ക്കു​ന്നു​വെ​ന്നും അ​ദ്ദേ​ഹം പ​റ​യു​ന്നു. ‘‘എ​ല്ലാ​വ​രു​ടെ​യും പ്ര​തീ​ക്ഷ​ക്കും അ​പ്പു​റ​മാ​ണ് ഈ ​വി​കാ​സ​ങ്ങ​ൾ. ക​രി​യ​റി​ന്റെ തു​ട​ക്ക​ത്തി​ൽ ഈ ​അ​പ​ക​ടം മു​ൻ​കൂ​ട്ടി കാ​ണാ​ൻ സാ​ധി​ക്ക​ത്ത​തി​ൽ ഞാ​നി​പ്പോ​ൾ ഖേ​ദി​ക്കു​ന്നു. എ​ന്തെ​ല്ലാം അ​പ​ക​ട​ങ്ങ​ളാ​ണ് കാ​ത്തി​രി​ക്കു​ന്ന​തെ​ന്ന് ഞാ​ൻ മ​ന​സ്സി​ലാ​ക്കേ​ണ്ടി​യി​രു​ന്നു.’’ -അദ്ദേഹം പറയുന്നു. ഒ​രു പ​തി​റ്റാ​ണ്ടു​കാ​ലം ഗൂ​ഗിളി​ൽ പ്ര​വ​ർ​ത്തി​ച്ച ഹി​ന്റ​ൺ 2023ൽ ആ​ണ് ക​മ്പ​നി വി​ട്ട​ത്.