ഇന്ത്യൻ സംഗീതജ്ഞൻ നിർമിച്ച മ്യൂസിക്​ ആപ്പ്​ 'നാദ്​സാധന'ക്ക്​​ ആപ്പിൾ ഡിസൈൻ അവാർഡ്​

അമേരിക്കൻ ടെക്​ ഭീമൻ ആപ്പിൾ അവരുടെ ആപ്പ്​ സ്​റ്റോറിലുള്ള ആപ്പുകൾക്ക്​ എല്ലാ വർഷവും അവാർഡുകൾ നൽകാറുണ്ട്​. 'ആപ്പിൾ ഡിസൈൻ അവാർഡ്​സ്​' എന്ന പേരിലുള്ള പുരസ്കാരം ഇത്തവണ 12 ഡെവലപ്പർമാരാണ്​​ സ്വന്തമാക്കിയത്​. അതിൽ ഒരു ഇന്ത്യക്കാരനുമുണ്ടെന്നതാണ്​​ ശ്രദ്ധേയം.

ആപ്പുകളുടെ പുതുമ, വിഷ്വൽ ആൻഡ്​ ഗ്രാഫിക്സ്, യൂസർമാരുമായുള്ള ആശയവിനിമയം, യൂസർമാർക്ക്​ നൽകുന്ന ആനന്ദവും വിനോദവും, സാമൂഹിക സ്വാധീനം, ഇൻക്ലൂസിവിറ്റി, എന്നീ ആറ് പുതിയ അവാർഡ് വിഭാഗങ്ങളും ഈ വർഷം ആപ്പിൾ ഡിസൈൻ അവാർഡ്​സിൽ ഉൾപ്പെടുത്തിയിട്ടുണ്ട്​.

പുനെക്കാരനായ സംഗീതജ്ഞനും ആപ്പ്​ ഡെവലപ്പറുമായ സന്ദീപ്​ രണദെയുടെ മ്യൂസിക്​ ആപ്പായ 'നാദ്​സാധന'ക്കാണ്​ ഡിസൈൻ അവാർഡ്​ ലഭിച്ചത്​. ഇന്നൊവേഷൻ (പുതുമ) വിഭാഗത്തിലാണ്​ നാദ്​സാധനക്ക് ആപ്പിളി​െൻറ​ അവാർഡ്​ ലഭിച്ചത്​. റയറ്റ്​ ഗെയിംസി​െൻറ പ്രശസ്​ത ഗെയിമായ ലീഗ്​ ഒാഫ്​ ലെജൻഡ്​സ്​: വൈൽഡ്​ റിഫ്​റ്റിനും സമാന വിഭാഗത്തിൽ പുരസ്​കാരം ലഭിച്ചിട്ടുണ്ട്​.

ഒരു ആൾ-ഇൻ-വൺ, സ്റ്റുഡിയോ ക്വാളിറ്റി സംഗീത ആപ്പാണ്​ നാദ്​സാധന. എല്ലാ തരത്തിലുമുള്ള സംഗീതജ്ഞർക്കും ഏത്​ തലത്തിൽ വൈദഗ്ധ്യമുള്ളവർക്കും സംഗീതം പെർഫോം ചെയ്യാനും പ്രസിദ്ധീകരിക്കാനും ആപ്പ്​ സഹായിക്കുന്നു. ഇന്ത്യൻ ക്ലാസിക്കൽ സംഗീതാലാപന പരിശീലനത്തിനായി ഉപയോഗിക്കാവുന്ന ഒന്നായാണ്​ നാദ്​സാധന എന്ന ആപ്പ്​ സന്ദീപ്​ ആരംഭിക്കുന്നത്​, എന്നാൽ ഇപ്പോൾ ഏഴ് വ്യത്യസ്ത സംഗീത ഴോണറുകളെ പിന്തുണയ്‌ക്കുന്ന ഒന്നായി ഇതിനെ വിപുലീകരിച്ചിട്ടുണ്ട്​.

ഒരാൾ പാട്ട്​ പാടു​േമ്പാൾ അത്​ ശ്രവിച്ചുകൊണ്ട് നാദ്​സാധന​​ പാട്ടി​െൻറ വരികളുടെ കൃത്യതയെക്കുറിച്ച് ഗായകന്​ തൽക്ഷണ ഫീഡ്‌ബാക്ക് നൽകും. ഒപ്പം അതിന്​ മാച്ച്​ ചെയ്യുന്ന ഒരു ബാക്കിങ്​ ട്രാക്കും ആപ്പ്​ സൃഷ്ടിക്കും, അതും തത്സമയം. എല്ലാം ആർട്ടിഫിഷ്യൽ ഇൻറലിജൻസ് (എഐ), കോർ എം‌എൽ എന്നിവയുടെ സഹായത്തോടെ. ആപ്പ്​ സ്​റ്റോറിൽ 4.7 റേറ്റിങ്ങുള്ള നാദ്​സാധന ആപ്പിന് യൂസർമാരിൽ നിന്ന്​​ മികച്ച അഭിപ്രായങ്ങളാണ്​ ലഭിക്കുന്നത്​​.

ആപ്പ്​ ഡൗൺലോഡ്​ ചെയ്യാനുള്ള ലിങ്ക്​ NaadSadhana - Practice • Perform • Publish -Sandeep Ranade